புலிகள் மீதான தடையை நீக்கியது ஐரோப்பிய ஒன்றிய நீதிமன்றம்

Source: Tamil CNN. தமிழீழ விடுதலைப்புலிகள் மீதான தடையை ரத்து செய்து ஐரோப்பிய ஒன்றிய நீதிமன்றம் உத்தரவிட்டுள்ளது. லக்சம்பேர்க்கில் அமைந்துள்ள ஐரோப்பிய ஒன்றியப் பொது நீதிமன்றம் வரலாற்றுச் சிறப்பு மிக்கத் இந்தத் தீர்ப்பு வழங்கியுள்ளது. தமிழீழ விடுதலைப் புலிகள் மீது ஐரோப்பிய ஒன்றியம் பல கட்டுப்பாடுகளை விதித்ததோடு, தனிநபர்கள் மீதும் இந்த கட்டுப்பாடு விதிக்கப்பட்டிருந்தது. இந்த கட்டுப்பாடுகளை ரத்து செய்யக் கோரி விடுதலைப் புலிகள் இயக்கம் சார்பில் ஐரோப்பிய ஒன்றிய நீதிமன்றத்தில் வழக்கு தொடரப்பட்டது.
இந்த வழக்கு விசாரணை முடிவடைந்த நிலையில் நீதிமன்றம் இன்று தீர்ப்பளித்துள்ளது. அதன்படி, விடுதலைப் புலிகள் இயக்கம் மற்றும் சில தனிநபர்கள் மீதான கட்டுப்பாடுகளை ரத்து செய்துள்ள நீதிமன்றம், விடுதலைப் புலிகள் இயக்கம் மீதான தற்போதைய கட்டுப்பாடுகள் பொருத்தமற்றவை என்று தீர்ப்பளித்துள்ளது.
கட்டுப்பாடுகள் அவசியம் என்றால் அது பற்றி 2 மாதங்களுக்குள் யோசனைகளை வழங்கலாம் என்றும், கட்டுப்பாடுகள் ரத்து செய்யப்பட்டது 3 மாதங்களுக்கு பின் நடைமுறைக்கு வரும் என்றும் நீதிமன்றம் கூறியுள்ளது. மேலும், விடுதலைப் புலிகளின் வழக்கு செலவை ஐரோப்பிய ஒன்றியம்செலுத்தவேண்டுமெனவும் நீதிமன்றம் உத்தரவிட்டுள்ளது.