அமெரிக்காவின் நட்சத்திர ஓட்டல் அறையில் பிச்சைக்காரர் நுழைந்தது எப்படி? சுவாரசிய தகவல்

Source: Tamil CNN
அமெரிக்காவில் உள்ள பிரபல நட்சத்திர ஓட்டலில் உள்ள ஆடம்பர அறை ஒன்றில் பிச்சைக்காரர் ஒருவர் தூங்கியதாக கண்டுபிடிக்கப்பட்டுள்ளது.
பல பாதுகாப்பு ஏற்பாடுகளையும் தாண்டி அந்த பிச்சைக்காரர் எப்படி அந்த ஓட்டல் அறைக்குள் நுழைந்தார் என்பது பெரும் புதிராகவே இருப்பதாக ஓட்டல் நிர்வாகிகள் கூறியுள்ளார்.
அமெரிக்காவின் Pittsburgh நகரில் உள்ள Omni William Penn Hotel என்ற ஆடம்பர ஓட்டல் ஒன்றில் பிச்சைக்காரர் ஒருவர் தூங்கிக்கொண்டு இருப்பதாக ஓட்டல் ஊழியர் ஒருவர் கண்டுபிடித்து புகார் அளித்துள்ளார். உடனடியாக விரைந்து வந்த ஓட்டல் நிர்வாகத்தினர் அந்த பிச்சைக்காரரை பிடித்து போலீஸிடம் ஒப்படைத்தனர்.
அந்த ஓட்டலின் அதிதீவிர பாதுகாப்பை மீறி எப்படி ஓட்டல் அறையில் நுழைந்தார் என்பது குறித்து விசாரணை நடந்து வருகிறது. அவர் தங்கியிருந்த ஓட்டல் அறை நாள் ஒன்று $2500 வாடகைக்கு விடும் அளவிற்கு மதிப்பு கொண்டது.
கைது செய்யப்பட்ட பிச்சைக்காரர் அமெரிக்காவின் லாஸ் ஏஞ்சல்ஸ் நகரில் இருந்து கலிபோர்னியாவுக்கு செல்வதாகவும், செல்லும் வழியில் இந்த ஓட்டலில் யாருக்கும் தெரியாமல் நுழைந்து காலியாக உள்ள அறையில் மறைந்து சென்று தூங்கியதாகவும் தெரிவித்தார். அவர் மீது கிரிமினல் வழக்கு பதிவு செய்யப்பட்டுள்ளது.
போலீஸார் விசாரணையில் அந்த பிச்சைக்காரரின் பெயர் Jeffrey Lennon Watson என்றும் வயது 48 என்றும் தெரிய வந்துள்ளது. ஒரு பிச்சைக்காரர் ஓட்டலில் நுழையும் அளவிற்கு பாதுகாப்பு குறைபாடு இருந்த காரணத்தால் அந்த ஓட்டல் ஊழியர்கள் மீது நிர்வாகம் கடும் நடவடிக்கை எடுக்க உள்ளதாக தகவல்கள் கூறுகின்றன.