வித்தியாசமான முறையில் திருமண நாளை கொண்டாடிய அமெரிக்க தம்பதிகள்

Source: Tamil CNN
அமெரிக்காவில் கேக் உற்பத்தி செய்யும் கடையில் பணிபுரியும் கேக் ஆர்ட்டிஸ்ட் ஒருவர் தனது திருமண நாளை வித்தியாசமாக கொண்டாட முடிவு செய்தார். அவருடைய தலை மற்றும் அவருடைய கணவர் தலையை போன்று கேக் செய்து அதில் இரத்த நிறத்தில் ஜாம் தெளித்து படுபயங்கர கேக் ஒன்றை தயார் செய்து தனது திருமணநாளை திகிலுடன் கொண்டாடி உள்ளார்.
அமெரிக்காவை சேர்ந்த கேக் ஆர்ட்டிஸ்ட் Natalie Sideserf, என்ற 28 வயது இளம்பெண் தனது முதலாவது திருமண நாளை தனது கணவர் David Sideserf, அவருடன் சேர்ந்து வித்தியாசமான முறையில் கொண்டாட முடிவு செய்தார். அதற்காக அவரே ஒரு வித்தியாசமான கேக் ஒன்றை தயார் செய்தார். அவருடைய மற்றும் அவருடைய கணவரின் துண்டிக்கப்பட்ட தலைகள் வடிவத்தில் கேக் தயார் செய்து அதை சுற்றிலும் இரத்த நிறத்தில் ஜாம் தெளித்து படுபயங்கர கேக் ஒன்றை செய்து அனைவரையும் திகிலில் ஆழ்த்தியுள்ளார்.
அவர்களுடைய திருமண நாள் விழாவிற்கு வந்த அவருடைய நண்பர்கள் அந்த கேக்கின் வடிவத்தை பார்த்து அதிர்ச்சியடைந்தனர். இந்த கேக்கை செய்வதற்கு அவருக்கு 40 மணிநேரம் ஆனதாகவும், திருமண நாள் விழாவிற்கு வந்த பெரும்பாலான நண்பர்கள் இந்த புதிய முயற்சிக்கு வாழ்த்து தெரிவித்தாகவும், ஆனால் அவருடைய பாட்டி இந்த கேக்கை பார்த்து அதிர்ச்சியடைந்து அவரை கடுமையாக திட்டியதாகவும் Natalie Sideserf, கூறியுள்ளார்.