டிஜிட்டல் கேமரா வடிவில் பொது கழிப்பறை : சீனாவில் புதுமையான கட்டிடம்

Source: Tamil CNN அனைத்து நாடுகளிலும் பொது கழிப்பறை என்பது சாதாரண கட்டிடமாகத்தான் இருக்கும். அந்த கட்டிடத்தில் எவ்வித வித்தியாசமான டிசைனோ அல்லது அழகூட்டும் விதத்தில் ஏதாவது மாற்றமோ இருந்ததில்லை.
ஆனால் சீனாவில் உள்ள ஒரு பொது கழிப்பறையை ஒரு மிகப்பெரிய டிஜிட்டல் கேமரா வடிவத்தில் அந்த கட்டிடத்தை அமைத்துள்ளனர். உள்ளேயும் அதிநவீன முறையில் சுத்தப்படுத்தப்படும் முறையும் அறிமுகம் ஆகியுள்ளது.
சீனாவில் உள்ள Chongqing என்ற நகரில் உள்ள Yuzhou Road என்ற பிசியான சாலையில் மிகப்பெரிய டிஜிட்டல் கேமராவை சாலையின் ஓரத்தில் வைத்திருப்பதுபோன்ற பிரமாண்டமான ஒரு கட்டிடம். இந்த கட்டிடத்தை சட்டென்று பார்த்தால் ஏதோ சுற்றுலாப்பயணிகள் பார்க்கும் இடம்போல தோன்றும். ஆனால் அதுதான் இல்லை. அது ஒரு பொதுக்கழிப்பறை கட்டிடம் என்று அதன் அழகிய போர்டு கூறுகிறது. முதலில் இதை சீன மக்கள் நம்பவே முடியவில்லை என்று கூறினர்.
கட்டிடத்தின் மாடலில் மட்டும் புதுமை இல்லை. உள்ளே சுத்தப்படுத்துவதற்கு மிகவும் அதிநவீன முறையை பின்பற்றி டாய்லெட்டை சுத்தப்படுத்தி வருகின்றனர். இந்த அதிநவீன பொது கழிப்பறை அப்பகுதி மக்களிடையே பெரும் வரவேற்பை பெற்றுள்ளது.