கோழி முட்டையில் 3 செ.மீ நீளத்தில் வால். சீனாவில் அதிசயம்

Source: TAmil CNN 

 

இதுவரை நாம் எத்தனையோ வகையான முட்டைகளை பார்த்திருப்போம். ஆனால் இதுவரை யாராவது வால் உள்ள முட்டையை பார்த்தது உண்டா? அந்த முட்டையை பார்க்க வேண்டுமானால் நீங்கள் சீனாவிற்குதான் செல்லவேண்டும். ஆமாம் சீனாவில் ஒரு கோழி வால் உடைய முட்டையை இட்டுள்ளது. சீனாவின் Fen என்ற நதியின் கரையில் உள்ள கிராமத்தில் Mr Lu என்பவர் தனது வீட்டில் பல கோழிகளை வளர்த்து வருகிறார். இவர் வளர்க்கும் கோழிகளில் ஒன்று நேற்று வால் உடைய முட்டையை இட்டுள்ளது. Mr Lu, தன் வாழ்நாளில் இப்படியான ஒரு முட்டையை பார்த்ததே இல்லை என்பதால் அந்த கிராமத்தில் உள்ள அரசு அதிகாரி ஒருவரின் அந்த வால் உள்ள முட்டையை காண்பித்துள்ளார்.
சுமார் 3செ.மீ வால் உள்ள அந்த முட்டையை பார்த்ததும் சீன அதிகாரி ஆச்சர்யம் அடைந்தார். இந்த செய்தி காட்டுத்தீ போல பரவி அந்த கிராமத்தில் உள்ள அனைவரும் அந்த முட்டையை பார்க்க வந்தனர்.
சீனாவில் வால் உள்ள முட்டையை கோழி இடுவது இது முதல் தடவை அல்ல. இதற்கு முன் 2012ஆம் ஆண்டு மே மாதம் Hukou என்ற நகரில் இருந்த ஒரு கோழி வால் உள்ள முட்டையை இட்டுள்ளது. அதன்பின்னர் 2005ஆம் ஆண்டு ஜனவரி மாதத்தில் Huaibei என்ற நகரத்திலும் ஒரு கோழி வால் உள்ள முட்டையை இட்டுள்ளது. வால் உள்ள முட்டையை கோழி இடுவதற்கு என்ன காரணம் என்பது தெரியாமல் சீனாவின் விலங்குகள் மற்றும் பறவைகள் காப்பக அதிகாரிகள் குழப்பத்தில் இருக்கின்றனர்.