Thursday, 25 June 2020

പരിശുദ്ധ മറിയത്തിൻറെ ലുത്തീനിയയിൽ മൂന്നു-യാചനകൾ കൂടി!

ജപമാലയും പരിശുദ്ധ അമ്മയും

“കരുണയുടെ മാതാവേ” («Mater misericordiae»), “പ്രത്യാശയുടെ മാതാവേ” (Mater spei) , “കുടിയേറ്റക്കാരുടെ ആശ്വാസമേ” (Solacium migrantium) എന്നീ മൂന്ന് യാചനകൾ മരിയൻ ലുത്തീനിയയിൽ പാപ്പാ പുതിയതായി ചേർക്കുന്നു.
ജോയി കരിവേലി, വത്തിക്കാൻ സിറ്റി
കൊന്തനമസ്കാരത്തിൽ നാം ചൊല്ലാറുള്ള പരിശുദ്ധ മറിയത്തോടുള്ള ലുത്തീനിയയിൽ മൂന്നു പ്രാർത്ഥനകൾ കൂടി ചേർക്കാൻ ഫ്രാൻസീസ് പാപ്പാ നിർദ്ദേശിക്കുന്നു.
ഇക്കാര്യം അറിയിക്കുന്ന ഒരു കത്ത് ദൈവികാരാധനയ്ക്കായുള്ള വത്തിക്കാൻ സംഘം മെത്രാന്മാരുടെ സംഘങ്ങളുടെ തലവന്മാർക്കയച്ചു.
ദൈവികാരാധനയ്ക്കായുള്ള സംഘത്തിൻറെ അദ്ധ്യക്ഷൻ കർദ്ദിനാൾ റോബർട്ട് സാറ, കാര്യദർശി ആർതർ റോഷ് എന്നിവർ പരിശുദ്ധ മറിയത്തിൻറെ വിമലഹൃദയത്തിൻറെ തിരുന്നാൾ ദിനത്തിൽ, ജൂൺ 20 ശനിയാഴ്ച (20/06/20)  നല്കിയ ഈ കത്തിൽ ഒപ്പുവച്ചിരിക്കുന്നു.
“കരുണയുടെ മാതാവേ” («Mater misericordiae»), “പ്രത്യാശയുടെ മാതാവേ” (Mater spei) , “കുടിയേറ്റക്കാരുടെ ആശ്വാസമേ” (Solacium migrantium) എന്നീ മൂന്ന് യാചനകളാണ് മരിയൻ ലുത്തീനിയയിൽ പാപ്പാ കൂട്ടിച്ചേർക്കുന്നത്.
“കരുണയുടെ മാതാവേ” എന്ന അപേക്ഷ ലുത്തിനിയായിലെ “സഭയുടെ മാതാവേ” എന്നതിനും “പ്രത്യാശയുടെ മാതാവേ” എന്നത് “ദൈവവരപ്രസാദത്തിൻറെ മാതാവേ” എന്നതിനും “കുടിയേറ്റക്കാരുടെ ആശ്വാസമേ” എന്നത് “പാപികളുടെ സങ്കേതമേ” എന്നതിനും ശേഷം ചേർക്കാനാണ് കത്തിൽ നിർദ്ദേശിച്ചിരിക്കുന്നത്


பானமா உலக இளையோர் நாள் - இணையதள இதழ்

பானமா உலக இளையோர் நாளைப் பற்றிய இணையதள இதழ்

பானமா நகரில் நடைபெற்ற உலக இளையோர் நாளைப் பற்றிய இணையதள இதழை, பொதுநிலையினர், குடும்பம் மற்றும் வாழ்வு திருப்பீட அவை, அண்மையில் வெளியிட்டுள்ளது
ஜெரோம் லூயிஸ் - வத்திக்கான் செய்திகள்
2019ம் ஆண்டு சனவரி 22ம் தேதி முதல் 27ம் தேதி முடிய பானமா நாட்டின், பானமா நகரில் நடைபெற்ற உலக இளையோர் நாளைப் பற்றிய இணையதள இதழை, பொதுநிலையினர், குடும்பம் மற்றும் வாழ்வு திருப்பீட அவை, அண்மையில் வெளியிட்டுள்ளது.
இரண்டாம் ஜான்பால் இளையோர் அறக்கட்டளை உருவாக்கியுள்ள இந்த இதழ், ஆங்கிலம், இஸ்பானியம், பிரெஞ்சு, இத்தாலியம் ஆகிய மொழிகளில், 116 இணையதள பக்கங்களாக வெளியிடப்பட்டுள்ளது.
கடந்த 24 ஆண்டுகள் இந்த ஆண்டிதழை வெளியிட்டு வரும் இந்த அறக்கட்டளை, இவ்வாண்டு, முதல்முறையாக, தன் 25வது இதழை, அனைவரும் இலவசமாக பதிவிறக்கம் செய்யக்கூடிய வண்ணம், ஒரு வலைத்தள இதழாக வெளியிட்டுள்ளது.
இத்துடன், திருத்தந்தை பிரான்சிஸ் அவர்கள் வெளியிட்ட Laudato si’ திருமடலின் 5ம் ஆண்டு நினைவையொட்டி, "நம் பொதுவான இல்லத்திற்காக இளையோர்: செயல்வடிவில் சூழலியல் மனமாற்றம்" என்ற தலைப்பில் நடைபெற்ற ஒரு கருத்தரங்கின் பகிர்வுகளையும், பொதுநிலையினர், குடும்பம் மற்றும் வாழ்வு திருப்பீட அவை தன் வலைத்தள பக்கத்தில் வெளியிட்டுள்ளது.
1985ம் ஆண்டு திருத்தந்தை புனித 2ம் ஜான்பால் அவர்களால் உருவாக்கப்பட்ட உலக இளையோர் நாள் நிகழ்வுகள், உலகின் பல நாடுகளில் இரண்டு அல்லது, மூன்று ஆண்டுகளுக்கு ஒருமுறை சிறப்பிக்கப்பட்டு வருகின்றன.
பானமா உலக இளையோர் நாளுக்கு அடுத்ததாக, போர்த்துக்கல் நாட்டின் தலைநகர் லிஸ்பனில், 2022ம் ஆண்டு ஆகஸ்ட் மாதம், நடைபெறவிருந்த உலக இளையோர் நாள் நிகழ்வுகள், கோவிட் 19 நெருக்கடியின் விளைவாக, 2023ம் ஆண்டு ஆகஸ்ட் மாதம் நடைபெறும் என்று அறிவிக்கப்பட்டுள்ளது.

கிறிஸ்தவ மறைக்கு எதிராக நிகழும் வன்முறைகள் நீங்க...

எத்தியோப்பியாவின் கிறிஸ்தவ கோவிலில்

ஜூன் 22, ஜான் பிஷர் மற்றும் தாமஸ் மூர் ஆகிய புனிதர்களின் திருநாள் துவங்கி, ஜூன் 29, புனிதர்கள் பேதுரு, பவுல் ஆகியோரின் திருநாள் முடிய, அமெரிக்க ஐக்கிய நாட்டு தலத்திருஅவையில் மதச் சுதந்திர வாரம்
ஜெரோம் லூயிஸ் - வத்திக்கான் செய்திகள்
மதங்களின் அடிப்படையில் உலகெங்கும் நிலவும் பாகுபாடுகள் களையப்படவும், குறிப்பாக, கிறிஸ்தவ மறைக்கு எதிராக நிகழும் வன்முறைகள் நீங்கவும், நடைபெறும் இவ்வாரம் முழுவதும் செபிக்குமாறு, அமெரிக்க ஐக்கிய நாட்டு ஆயர்கள் விண்ணப்பித்துள்ளனர்.
ஜூன் 22, இத்திங்களன்று சிறப்பிக்கப்பட்ட ஜான் பிஷர் மற்றும் தாமஸ் மூர் ஆகிய புனிதர்களின் திருநாள் துவங்கி, ஜூன் 29, வருகிற திங்களன்று சிறப்பிக்கப்படவிருக்கும் புனிதர்கள் பேதுரு, பவுல் ஆகியோரின் திருநாள் முடிய, மதச் சுதந்திர வாரம், அமெரிக்க ஐக்கிய நாட்டு தலத்திருஅவையால் சிறப்பிக்கப்படுகிறது.
இந்த சிறப்பு வாரத்தையொட்டி, "அனைவரின் நன்மைக்கென" என்ற தலைப்பில், இறைவேண்டல் முயற்சிகளை மேற்கொள்ளுமாறு, அமெரிக்க ஐக்கிய நாட்டு ஆயர் பேரவையின் மதச் சுதந்திர பணிக்குழுவின் தலைவர், பேராயர் Thomas Wenski அவர்கள், ஆயர்கள் சார்பில் அழைப்பு விடுத்துள்ளார்.
மத நம்பிக்கையாளர்களுக்கு எதிராக உலகெங்கும் வன்முறைகள் நிகழ்கின்றன என்றும், கலாச்சாரத்தில் வளர்ந்துவிட்டதாகக் கூறப்படும் சமுதாயங்களிலும், மத நம்பிக்கையாளர்களுக்கு எதிராக, உடலளவு வன்முறைகள் இன்றி, உள்ளத்தளவு வன்முறைகள், மறைமுகமாக நடைபெறுகின்றன என்று, பேராயர் Wenski அவர்கள் கூறியுள்ளார்.
சமயச் சுதந்திரத்திற்காக இறைவேண்டல் எழுப்பும் வாரத்தை, அமெரிக்க ஆயர் பேரவை 2012ம் ஆண்டிலிருந்து சிறப்பித்து வருகிறது என்பதும், இவ்வாரத்தின் ஒவ்வொரு நாளும், ஒரு குறிப்பிட்ட கருத்துக்காக அர்ப்பணிக்கப்பட்டு வருகிறது என்பதும் குறிப்பிடத்தக்கன. இவ்வாண்டு, கத்தோலிக்க நலவாழ்வு மையங்கள், வழிபாட்டுத் தலங்கள் மற்றும் பள்ளிகளில் பணியாற்றுவோருக்காக சிறப்பான இறைவேண்டல்கள் மேற்கொள்ளப்படுகின்றன.
 

பெண் துறவிகளின் தியாகம் – வத்திக்கான் கருத்தரங்கு

இந்தியாவில் வறியோருக்கு உதவும் அருள் சகோதரிகள்

உலகெங்கும், 6,50,000த்திற்கும் அதிகமான அருள் சகோதரிகள், அடித்தட்டு மக்களுக்கென பணியாற்றுவதில் தங்களை அர்ப்பணித்துள்ளனர்
ஜெரோம் லூயிஸ் - வத்திக்கான் செய்திகள்
உலகெங்கும், கடினமானச் சூழல்களில், தங்கள் உயிரையும் பணயம் வைத்து, முன்னணிப் பணிகளில் ஈடுபட்டுள்ள அருள் சகோதரிகளின் தியாகங்களை வெளிச்சமிட்டுக் காட்டும் ஓர் இணையதள கருத்தரங்கு, ஜூன் 23, இச்செவ்வாயன்று, வத்திக்கானில் நடைபெற்றது.
பிரித்தானியா, மற்றும், அமெரிக்க ஐக்கிய நாட்டின் சார்பாக, வத்திக்கானில் இயங்கிவரும் திருப்பீடத் தூதரகங்களின் உதவியோடு நடைபெற்ற இக்கருத்தரங்கை, உலகளாவிய பெண் துறவிகள் அமைப்பு ஏற்பாடு செய்திருந்தது.
இக்கருத்தரங்கின் நோக்கத்தைக் குறித்து பேசிய, அமெரிக்க ஐக்கிய நாட்டின் திருப்பீடத் தூதர், Callista Gingrich அவர்கள், பெண் துறவியர் பலர், தங்கள் திறமைகளையும், உழைப்பையும் மட்டுமல்லாமல், தங்கள் உயிரையே அர்ப்பணம் செய்துள்ளதால், அவர்களை நினைவுகூர்வது முக்கியம் என்று கூறினார்.
இக்கருத்தரங்கின் துவக்கத்தில் பேசிய பிரித்தானிய அரசின் திருப்பீடத் தூதர், Sally Axworthy அவர்கள், வேறு எந்த உலக நிறுவனங்களும், அரசுகளும் பணியாற்றத் தயங்கும் சூழல்களில், பெண் துறவிகள் பணியாற்றுவதை தான் பல நாடுகளில் பார்த்துள்ளதாக நினைவுக்கூர்ந்து, அவர்களுக்கு தன் நன்றியைத் தெரிவித்தார்.
ஆப்ரிக்காவின் கானா நாட்டில், பிறப்பிலேயே அங்கக்குறைகளுடன் பிறக்கும் குழந்தைகளைப் பராமரிக்கும் அருள் சகோதரி Stan Terese Mario Mumuni அவர்கள், தங்கள் பணி துவங்கப்படாமல் இருந்திருந்தால், அக்குழந்தைகள் கொல்லப்பட்டிருப்பர் என்றும், தங்கள் பணியை, இஸ்லாமிய சமுதாயமும் ஏற்றுக்கொண்டுள்ளது என்றும் கூறினார்.
ஆல்பேனியா நாட்டில் மனித வர்த்தகக் கொடுமையில் சிக்கியோரைக் காக்கும் பணியில் ஈடுபட்டுள்ள அருள் சகோதரி Imelda Poole அவர்கள், வலைத்தள தொடர்புகள் அதிகரித்துள்ளதால், பல குழந்தைகளின் புகைப்படங்கள் வெளியிடப்பட்டு, அவர்கள் மனித வர்க்கத்திற்கும், பாலின வன்கொடுமைகளுக்கும் உள்ளாகின்றனர் என்பதை எடுத்துரைத்தார்.
இத்தாலியின் பெர்கமோ பகுதியில் பணியாற்றிவரும் கொம்போனி அருள் சகோதரிகள், கோவிட் 19 நெருக்கடியால், பாதிக்கப்பட்டதைக் குறித்து, இத்துறவு சபையின் அருள் சகோதரி Alicia Vacas அவர்கள் இந்த வலைத்தள கருத்தரங்கில் பகிர்ந்துகொண்டார்.
பெண் துறவு சபைகள் கூட்டமைப்பின் உலகத் தலைவர், அருள் சகோதரி Jolanda Kafka அவர்கள், இக்கருத்தரங்கை நிறைவு செய்து பேசிய வேளையில், உலகெங்கும், 6,50,000த்திற்கும் அதிகமான அருள் சகோதரிகள் அடித்தட்டு மக்களுக்கென பணியாற்றுவதில் தங்களை அர்ப்பணித்துள்ளனர் என்றும், பெறுவதைவிட, கொடுப்பதே, பெண் துறவறத்தின் உன்னத குறிக்கோள் என்றும் கூறினார்.

விவிலியத்தேடல்: லூக்கா நற்செய்தி – பெருமளவு மீன்பிடிப்பு 1

இயேசு, படகில் அமர்ந்தவாறே மக்கள் கூட்டத்துக்குக் கற்பித்தார் - லூக்கா 5:3

பல்லாயிரம் மீன்பிடித் தொழிலாளர்களின் வாழ்வாதாரமாக விளங்கிய கெனசரேத்து ஏரியை மையப்படுத்தி, நற்செய்தியாளர் லூக்கா பதிவு செய்துள்ள தனித்துவமானப் புதுமையில் நம் தேடலைத் துவங்குகிறோம்.
ஜெரோம் லூயிஸ் – வத்திக்கான்

லூக்கா நற்செய்தியில் பதிவாகியுள்ள 20 புதுமைகளில், குணமளிக்கும் புதுமைகள் 13, தீய ஆவிகளை விரட்டும் புதுமைகள் 3, இறந்த ஒருவருக்கு உயிரளிக்கும் புதுமை 1 (லூக்கா 7:11-17) என, தனிப்பட்ட மனிதருக்கு இயேசு உதவும் 17 தருணங்கள், புதுமைகளாக கூறப்பட்டுள்ளன. இவையன்றி, 6000த்திற்கும் அதிகமான மக்களுக்கு உணவு வழங்கிய புதுமையும் (லூக்கா 9:10-17), புயலை அடக்கும் புதுமையும் (8: 22-25), இயற்கை சக்திகளை மீறி, இயேசு ஆற்றும் புதுமைகளாக உள்ளன. இந்தக் கண்ணோட்டத்தில், இன்று நாம் சிந்திக்கவிருக்கும் பெரும் மீன்பிடிப்பு புதுமை (லூக்கா 5:1-11), இயற்கைக்கு அப்பாற்பட்ட சக்தியை இயேசு வெளிப்படுத்தும் மூன்றாவது புதுமையாக, லூக்கா நற்செய்தியில் இடம்பெற்றுள்ளது.
பெருமளவு மீன்பிடிப்பு நிகழும் புதுமை, நற்செய்திகளில் இருமுறை பதிவாகியுள்ளது. இயேசு, தன் பணிவாழ்வின் துவக்கத்தில், கெனசரேத்து ஏரியில் இப்புதுமையை நிகழ்த்தியதாக, லூக்கா நற்செய்தியில் வாசிக்கிறோம். இயேசு, தன் உயிர்ப்புக்குப் பின், சீடர்களுக்குத் தோன்றிய ஒரு நிகழ்வில், மீண்டும் ஒருமுறை, வியத்தகு முறையில் மீன்பிடிப்பு நிகழும் புதுமை கூறப்பட்டுள்ளது. யோவான் நற்செய்தியில் (யோவான் 21:1-14) பதிவாகியுள்ள அந்நிகழ்வு, திபேரியக் கடலில் நிகழ்ந்ததாகக் கூறப்பட்டுள்ளது.
கெனசரேத்து ஏரியில் நடந்ததாக, லூக்கா நற்செய்தி 5ம் பிரிவின் முதல் 11 இறைவாக்கியங்களில் பதிவுசெய்யப்பட்டுள்ள இப்புதுமையில், மூன்று நிகழ்வுகள் கூறப்பட்டுள்ளன. இயேசு மக்களுக்குப் போதித்தல், பெருந்திரளான மீன்பிடிப்பு நிகழ்தல், சீமோனும், மற்றவர்களும் இயேசுவைப் பின்பற்றுதல் என்ற மூன்று நிகழ்வுகள் இடம்பெற்றுள்ளன.
இம்மூன்று நிகழ்வுகளில், இயேசுவை, சீடர்கள் பின்பற்றிய நிகழ்வு, மத்தேயு (4:18-22), மாற்கு (1:16-20) என்ற இரு நற்செய்திகளிலும் கூறப்பட்டுள்ளது. 'முதல் சீடர்களை அழைத்தல்' என்ற தலைப்பில் கூறப்பட்டுள்ள இந்நிகழ்வு, 'கலிலேயக் கடலோரம்' நிகழ்ந்ததாக, மத்தேயு, மாற்கு இருவரும் குறிப்பிட்டுள்ளபோது, லூக்கா, இந்நிகழ்வு, 'கெனசரேத்து ஏரிக்கரையில்' நிகழ்ந்ததாகக் கூறியுள்ளார்.
இயேசுவின் பணிவாழ்வில், 'கலிலேயக் கடல்' வேறு சில இடங்களிலும் குறிப்பிடப்பட்டுள்ளது. இந்த நீர்நிலையை, 'திபேரியக் கடல்' என்றும், நற்செய்தியாளர் யோவான் குறிப்பிட்டுள்ளார் (யோவான் 6:1). மத்தேயு, மாற்கு, யோவான் ஆகிய மூன்று நற்செய்தியாளர்களும் 'கடல்' என்ற சொல்லால் குறிப்பிடும் நீர்நிலையை, நற்செய்தியாளர் லூக்கா மட்டும், 'ஏரி' என்ற சொல் கொண்டு குறிப்பிட்டுள்ளார். எபிரேய மொழியில், பரந்துவிரிந்ததொரு நீர்ப்பரப்பைக் குறிப்பிட பயன்படுத்தப்படும் 'யாம்' (Yam) என்ற சொல், கடல், ஏரி என்ற இருவகை நீர்ப்பரப்பையும் குறிப்பிடுகிறது.
'கலிலேயக் கடல்' என்றழைக்கப்படும் இந்த நீர்நிலை, ஏனைய வரலாற்றுப் பதிவுகளில், 'கினோசார் (Ginosar) கடல்' என்றும் குறிப்பிடப்பட்டுள்ளது. இந்த நீர்நிலை, யாழ் என்ற இசைக்கருவியைப் போன்ற தோற்றத்தில் இருப்பதால், யாழைக் குறிக்கப் பயன்படுத்தப்படும் 'சென்னரெத்' (Cennereth) என்ற சொல், காலப்போக்கில் மருவி, 'கெனசரேத்து' (Gennesareth) என்ற பெயராக, இந்த நீர்ப்பரப்பிற்கு வழங்கப்பட்டது என்பது, ஒரு வரலாற்று கணிப்பு.
உலகிலேயே, கடல் மட்டத்திற்குக் கீழ் அமைந்துள்ள ஏரிகள் இரண்டு. அவை இரண்டும், புனித பூமியில் அமைந்துள்ளன. அவற்றில், கடல் மட்டத்திற்கு ஏறத்தாழ 1,400 அடிக்கும் தாழ்வாக அமைந்துள்ள 'சாக்கடல்' (Dead Sea) உப்புநீர் நிறைந்ததாகவும், அதற்கடுத்த நிலையில், கடல் மட்டத்திற்கு ஏறத்தாழ 700 அடிக்கும் தாழ்வாக அமைந்துள்ள 'கலிலேயக் கடல்' நல்ல குடிநீர் நிறைந்ததாகவும் அமைந்துள்ளன.
‘கெனசரேத்து ஏரி’, ‘கலிலேயக் கடல்’, அல்லது, ‘திபேரியக் கடல்’ என்று பலவாறாக அழைக்கப்படும் இந்த நீர்நிலை, ‘தோட்டங்களின் ஏரி’ என்றும் அழைக்கப்பட்டது. வளமைமிகு தோட்டங்களால் சூழப்பட்ட இந்த ஏரி, தொடக்க நூலில், ஏதெனில் ஆண்டவர் உருவாக்கிய தோட்டத்தை நினைவுறுத்தியது என்று, சில விவிலிய வரலாற்றியல் ஆய்வாளர்கள் கூறியுள்ளனர். (காண்க. தொ.நூ. 2:8-9; தொ.நூ. 13:10)
21 கி.மீ. நீளமும், 13 கி.மீ. அகலமும், 53 கி.மீ. சுற்றளவும் கொண்ட இந்த ஏரியில், காற்றின் வேகத்தால் அலைகளும் எழுவதுண்டு. எனவே, இயேசுவின் காலத்தில், வாழ்ந்தவர்கள், இதனை ஒரு கடல் என்று எண்ணியதில் வியப்பில்லை. இந்த ஏரியைச் சுற்றி, பத்துக்கும் மேற்பட்ட நகரங்கள் அமைந்திருந்ததென சொல்லப்படுகிறது. அம்மக்களின் முக்கியத் தொழில் மீன்பிடிப்பு. பல்லாயிரம் மீன்பிடித் தொழிலாளர்களின் வாழ்வாதாரமாக விளங்கிய இந்த நீர்நிலையை மையப்படுத்தி, நற்செய்தியாளர் லூக்கா பதிவு செய்துள்ள தனித்துவமானப் புதுமையில் நம் தேடலைத் துவங்குகிறோம். இப்புதுமையின் அறிமுக வரிகளில், நற்செய்தியாளர் லூக்கா அங்கு நிலவிய சூழலை இவ்வாறு விவரித்துள்ளார்:
லூக்கா 5:1-3
ஒரு நாள் இயேசு கெனசரேத்து ஏரிக்கரையில் நின்றுகொண்டிருந்தார். திரளான மக்கள் இறைவார்த்தையைக் கேட்பதற்கு அவரை நெருக்கிக் கொண்டிருந்தனர். அப்போது ஏரிக்கரையில் இரண்டு படகுகள் நிற்கக் கண்டார். மீனவர் படகைவிட்டு இறங்கி, வலைகளை அலசிக்கொண்டிருந்தனர். அப்படகுகளுள் ஒன்று சீமோனுடையது. அதில் இயேசு ஏறினார். அவர் கரையிலிருந்து அதைச் சற்றே தள்ளும்படி அவரிடம் கேட்டுக்கொண்டு படகில் அமர்ந்தவாறே மக்கள் கூட்டத்துக்குக் கற்பித்தார்.
இயேசு தன் பணிவாழ்வின் துவக்கத்தில், நாசரேத்து தொழுகைக்கூடத்தில் ஆற்றிய உரை, லூக்கா நற்செய்தியின் 4ம் பிரிவில் பதிவாகியுள்ளது. அதன் பின், இயேசு கப்பர்நாகும் சென்று, போதித்ததையும், மக்களை குணமாக்கியதையும் காண்கிறோம். தன் சொந்த ஊரான நாசரேத்தை தவிர, ஏனைய ஊர்களில் இயேசுவின் போதனைகளைக் கேட்க மக்கள் கூடிவந்தனர் என்பதை, 4ம் பிரிவின் ஒரு சில இடங்களில் நற்செய்தியாளர் லூக்கா அடிக்கோடிட்டுக் காட்டியுள்ளார். (காண்க. லூக்கா 4:36-37,40,42) எனவே, இயேசுவின் போதனைகளாலும் அவர் ஆற்றிய புதுமைகளாலும் ஈர்க்கப்பட்டு, மக்கள் அவரைச் சூழ்ந்து வந்தனர் என்பதை, நற்செய்தியாளர் லூக்கா இப்புதுமையின் அறிமுகப் பகுதியில், 'திரளான மக்கள் இறைவார்த்தையைக் கேட்பதற்கு அவரை நெருக்கிக் கொண்டிருந்தனர்' என்ற சொற்களால் விவரித்துள்ளார்.
இதை வாசிக்கும்போது, இயேசுவைச் சுற்றி கூடிய மக்கள் கூட்டத்தைக் குறித்து, லூக்கா இன்னும் ஒரு சில இடங்களில் குறிப்பிட்டுள்ளது, நம் நினைவுக்கு வருகிறது.
திரளான மக்கள் அவரைப் பின் தொடர்ந்தனர். - லூக்கா 9:11
ஒருவரையொருவர் மிதிக்கும் அளவுக்கு ஆயிரக்கணக்கான மக்கள் திரண்டு வந்திருந்தபோது இயேசு முதலில் தம் சீடரோடு பேசத் தொடங்கினார். - லூக்கா 12:1
பெருந்திரளான மக்கள் இயேசுவோடு சென்றுகொண்டிருந்தனர். - லூக்கா 14:25
என்று வெவ்வேறு தருணங்களில் குறிப்பிடும் லூக்கா, இயேசு எருசலேம் வீதிகளில் சிலுவையைச் சுமந்து சென்றபோதும், பெருந்திரளான மக்களும் அவருக்காக மாரடித்துப் புலம்பி ஒப்பாரி வைத்த பெண்களும் அவர் பின்னே சென்றார்கள் - லூக்கா 23:27 என்று, குறிப்பிட்டுள்ளார்.
மக்கள் கூட்டத்தைக் கண்டதும், இயேசு, சீமோனின் படகில் ஏறியமர்ந்து, அவர்களுக்குப் போதிக்கத் துவங்கினார் என்று வாசிக்கிறோம். சீமோனின் ஒப்புதலுக்காகக் காத்திராமல், இயேசு, அவரது படகில் உரிமையோடு ஏறி அமர்கிறார். இயேசுவின் இச்செயலைப் இருவருடைய கோணங்களிலிருந்து புரிந்துகொள்ள முயல்வோம்.
முதலில் இயேசுவின் பக்கம். சீமோனின் சொந்த ஊரான கப்பர்நாகும் சென்று, தொழுகைக்கூடத்தில் இயேசு போதித்தார் என்பதை லூக்கா, 4ம் பிரிவில் குறிப்பிட்டுள்ளார். அதைத் தொடர்நது, சீமோனின் இல்லத்திற்கு இயேசு சென்று, அவரது மாமியாரைக் குணமாக்கிய புதுமையும் கூறப்பட்டுள்ளது. எனவே, சீமோன், இயேசுவின் போதனைகளைக் கேட்டவர், புதுமை ஆற்றும் அவரது சக்தியையும் உணர்ந்தவர். அந்தப் போதனைகளும், புதுமைகளும், சீமோனிடம் போதிய அளவு தாக்கத்தை உருவாக்காததால், தன் மீன்பிடிக்கும் தொழிலைத் தொடர்வதற்குச் செல்கிறார். ஆனால், இயேசு, அவரை விடுவதாய் இல்லை, அவரைத் தொடர்ந்து, கெனசரேத்து எரிக்கரைக்குச் செல்கிறார். சீமோனின் வாழ்வுக்கு அடித்தளமாக இருந்த அவரது படகில் இயேசு ஏறி அமர்கிறார். இது, இயேசுவின் பக்கம்.
இனி, சீமோனின் பக்கம். முந்திய இரவு முழுவதும் உழைத்தும் ஒரு பயனையும் காணாமல், மனம் நொந்துபோய் அமர்ந்திருந்தார் அவர். மீன் பிடிப்பு இல்லையென்றால், வருமானம் இல்லை, வீட்டில் உணவுக்கு வழியில்லை... இப்படி, தன் சொந்தக் கவலையில் மூழ்கியிருந்த சீமோனின் படகு அசைகிறது. நிமிர்ந்து பார்க்கும் சீமோனுக்கு ஆச்சரியம், தன் சொந்த ஊருக்கும், தன் வீட்டுக்கும் வந்திருந்த இயேசுவை அவர் மீண்டும் சந்திக்கிறார்.
உரிமையோடு சீமோனின் படகில் நுழைந்த இயேசு, சீமோனின் வாழ்விலும் நுழைந்தார். புதுமையை ஆரம்பித்துவைத்தார். தன் படகில் அமர்ந்து இயேசு போதித்தவற்றை, சீமோனும் கேட்டார். இரவு முழுவதும் முயற்சிகள் செய்தும், மீன்பிடிப்பு இல்லையே என்ற தன் கவலைகளில் மூழ்கியிருந்த சீமோனின் உள்ளத்தில், இயேசுவின் வார்த்தைகள், மாற்றங்களை உருவாக்க ஆரம்பித்தன. இது, சீமோனின் பக்கம்.
சீமோனின் படகை தன் பிரச்சார மேடையாகப் பயன்படுத்திவிட்டு, இயேசு தன்வழியே போயிருந்தால், புதுமை எதுவும் நிகழ்ந்திருக்காது. தன் சுயநலனுக்காக மற்றவரைப் பயன்படுத்திவிட்டு, பிறகு மறைந்துபோகும் பழக்கம், இயேசுவுக்குக் கிடையாது.
மக்களுக்கு போதனைகளை வழங்கியபின், இயேசு, தன் கவனத்தை சீமோன் பக்கம் திருப்புகிறார். அவர் பேசி முடித்தபின்பு சீமோனை நோக்கி, “ஆழத்திற்குத் தள்ளிக்கொண்டு போய், மீன் பிடிக்க உங்கள் வலைகளைப் போடுங்கள்” என்றார் (லூக்கா 5:4) என்ற சொற்களில் புதுமையொன்று துவங்குகிறது. இதனை நாம் அடுத்த வாரத் தேடலில் சிந்திப்போம்.

உள்ளத்தைப் பார்க்கத் தெரிந்தவரே சான்றோர்

சீக்கிய மத நம்பிக்கையாளர்கள்

அறிவைப் பார்க்க வேண்டிய இடத்தில், தன் உடல் குறைபாடு கண்டு எள்ளி நகைத்த சபையோரின் அறியாமை கண்டு சிரித்த ஞானி.
கிறிஸ்டோபர் பிரான்சிஸ் : வத்திக்கான்
ஜனகர் என்னும் பெயர் கொண்ட மாமன்னர் ஒருவர் விதேகபுரி நாட்டை ஆட்சி செய்து வந்தார். அவரது அரசவையில் புகழ்பெற்ற பேரறிஞர்களும், பெரிய ஞானிகளும் இடம்பிடித்திருந்தனர். ஆதலால் அந்த சபையில் ஞான அமுதம் பெருகி வழிந்து கொண்டிருந்தது.
நல்ல விடயங்களைக் கேட்பதற்காகவும், அறிவார்ந்த பல தகவல்களை பற்றி கலந்து பேசுவதற்காகவும், பல சான்றோர்கள் ஜனகரின் சபைக்கு வருவது வாடிக்கையான ஒன்று. ஒரு நாள் அவரது அரண்மனை வாசலில் ஒரு பெரிய ஞானி வந்திருப்பதாக, வாயில் காப்பாளன் வந்து சொன்னார். அப்போது ஜனகரும், அவரது சபையைச் சேர்ந்த சான்றோர்களும் அரசவையில் கூடியிருந்தனர். வந்திருப்பது யார்? என்று தெரிந்து கொள்ளும் ஆவல் ஜனகருக்கு ஏற்பட்டது. எனவே அவரை உடனடியாக உள்ளே அனுமதிக்கும்படி காவலனிடம் கூறி அனுப்பினார்.
வந்தவர் மிகப்பெரிய ஞானி, அஷ்டவக்ரர். அந்த மகா முனியின் உடலில் எட்டு இடங்களில் வளைவுகள் இருக்கும். அதன் காரணமாகவே அவர், ‘அஷ்டவக்ரர்’ என்று பெயர் பெற்றார். அரசவைக்குள் நுழைந்ததும், அஷ்டவக்ரரின் வளைந்த தோற்றத்தைக் கண்ட, அவையில் கூடியிருந்த சான்றோர்கள் அனைவரும் பலமாக சிரித்தனர். ஜனகருக்கு என்ன செய்வதென்றே தெரியவில்லை. அவருக்கு தர்மசங்கடமாக போய்விட்டது. ஏனெனில் அவர், அஷ்டவக்ரரின் பெருமையை உணர்ந்திருந்தார்.
சபையோரின் பலத்த சிரிப்பொலி அடங்க சிறிது நேரம் ஆனது. அவர்கள் அனைவரின் சிரிப்பொலியும் அடங்கியபிறகு, பன்மடங்கு பலமாக ஒரே ஒரு சிரிப்பொலி மட்டும் ஒலிக்கத் தொடங்கியது. அந்த சிரிப்பொலிக்கு சொந்தக்காரர், அஷ்டவக்ரர். சபையோர் அனைவரும் வியப்பில் ஆழ்ந்தனர், ‘இவர் எதற்காக சிரிக்கிறார்?’ என்று.
ஜனகருக்கும் அதே எண்ணம்தான். அவர் தன் இருக்கையை விட்டு எழுந்துவந்து, அஷ்டவக்ரரின் காலில் விழுந்து வணங்கினார். ‘தவ முனியே! அவையோர் அறியாமையால் சிரித்தனர். ஆனால் தாங்கள் சிரித்ததன் அர்த்தம் எனக்கு விளங்கவில்லை?’ என்று கேட்டார்.
‘ஜனகரே! உங்களுடைய சபையில் ஞானியரும், வேதியரும் சூழ்ந்திருப்பார்கள். அவர்களுடன் பல நல்ல விடயங்களைப் பற்றி பேசி ஆனந்தம் அடையலாம் என்று எண்ணி வந்தேன். ஆனால் உமது சபையில் உள்ளவர்கள், உள்ளே உள்ளதைப் பார்க்கத் தெரியாதவர்களாகவும், புறத்தில் உள்ள தோலை மட்டும் மதிக்கும் கீழானவர்கள் போல் அல்லவா தென்படுகிறார்கள். இவர்களைக் கண்டுதான் எனக்கு பெருஞ்சிரிப்பு வந்தது’ என்றார், அஷ்டவக்ரர்.
அவையில் இருந்த அனைவரும் வெட்கத்தில் தலைகுனிந்தனர். இந்த நிகழ்ச்சிக்குப் பிறகு, ஜனகரின் சபை, உண்மையான ஞானத் தேடலுக்கான அவையாக விளங்கியது.

கோவிட்-19 தெற்கு ஆசிய சிறாரின் வாழ்வுக்கு அச்சுறுத்தல்

கொள்ளைநோய் நெருக்கடியில் யூனிசெப்

யூனிசெப் அமைப்பின் கணிப்புப்படி, ஏறத்தாழ 12 கோடிக்கும் அதிகமான சிறார், அடுத்த ஆறு மாதங்களுக்கு, வறுமை மற்றும் உணவுப் பாதுகாப்பின்மையை எதிர்கொள்ளக்கூடும்
மேரி தெரேசா: வத்திக்கான் செய்திகள்
கடந்த பல ஆண்டுகளாக முன்னேற்றம் கண்டுவந்த தெற்கு ஆசியாவின் மக்களைக் காப்பாற்றுவதற்கு, உடனடியாக நடவடிக்கைகள் எதுவும் மேற்கொள்ளப்படவில்லையெனில், கோவிட்-19 கொள்ளைநோய், அப்பகுதி மக்கள் அனைவரின் நம்பிக்கைகள் மற்றும், வருங்காலத்தை முழுவதும் அழிக்கும் என்று, ஐ.நா. வின் யூனிசெப் அமைப்பு, ஜூன் 23, இச்செவ்வாயன்று வெளியிட்ட அறிக்கை எச்சரிக்கின்றது.
தெற்கு ஆசியாவின் கோவிட்-19 நெருக்கடிநிலை, அப்பகுதியில் ஏற்கனவே வலுவற்றுள்ள பல சிறார், உரிமை மீறல்களுக்கு உட்படக்கூடும் மற்றும், வன்முறையால் துன்புறக்கூடும் என்று கூறியுள்ள யூனிசெப் அமைப்பு, சிறாரைப் பாதுகாப்பதற்கு, சமுதாயங்கள் முன்னுரிமை கொடுக்குமாறு அழைப்பு விடுத்துள்ளது.
உலகின் மொத்த மக்கள் தொகையில் 25 விழுக்காட்டினர் வாழ்கின்ற தெற்கு ஆசியாவில் வேகமாகப் பரவிவரும் கொரோனா கிருமி, அப்பகுதி மக்களை, குறிப்பாக, சிறாரின் நலவாழ்வு மற்றும் கல்வியைப் பாதித்துள்ளது என்றும், அந்த அறிக்கை கூறியுள்ளது.
கோவிட்-19ஆல் உருவாகியுள்ள உணவுப் பாதுகாப்பின்மை, நோய்எதிர்ப்புச்சக்தி குறைபாடு, சத்துணவின்மை மற்றும் நலவாழ்வு வசதிகள் இன்மை போன்றவற்றால் ஏறத்தாழ 60 கோடிச் சிறாரின் வாழ்வு அச்சுறுத்தலுக்கு உள்ளாகியுள்ளது என்று, யூனிசெப் கவலை தெரிவித்துள்ளது.
யூனிசெப் அமைப்பின் கணிப்புப்படி, ஏறத்தாழ 12 கோடிக்கும் அதிகமான சிறார், அடுத்த ஆறு மாதங்களுக்கு, வறுமை மற்றும் உணவுப் பாதுகாப்பின்மையை எதிர்கொள்ளக்கூடும். (UN)

Pope Leo XIV visits the St. Oscar Romero Chapel in Chiclayo, Peru

  Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...