Friday, 13 November 2026

மால்டா நீதிமன்றம், வத்திக்கான் வங்கிக்கு 24.1 மில்லியன் யூரோ இழப்பீடு வழங்க நான்கு நிறுவனங்களுக்கு உத்தரவிட்டுள்ளது.

 

மால்டா நீதிமன்றம், வத்திக்கான் வங்கிக்கு 24.1 மில்லியன் யூரோ இழப்பீடு வழங்க நான்கு நிறுவனங்களுக்கு உத்தரவிட்டுள்ளது.



கப்பா நிதி முதலீட்டு வழக்கில் நம்பிக்கைப் பொறுப்புக் கடமைகளை மீறிய நான்கு நிறுவனங்கள், வத்திக்கான் வங்கிக்கு €24.1 மில்லியன் இழப்பீடு வழங்க வேண்டும் என்று மால்டா நீதிமன்றம் உத்தரவிட்டுள்ளது. 2017-ல் தொடங்கிய இந்த வழக்கில், வத்திக்கான் வங்கி சரியாகச் செயல்பட்டதாகவும் நீதிமன்றம் தீர்ப்பளித்துள்ளது.

அபிசேக் ராஜா அலங்காரம் - வத்திக்கான்

மால்டாவில் உள்ள ஒரு நீதிமன்றம், கப்பா நிதி (Kappa Fund) முதலீட்டு வழக்கு தொடர்பான நம்பிக்கைப் பொறுப்புக் கடமைகளை மீறியதற்காக, நான்கு நிறுவனங்கள் இழப்பீடாக €24.1 மில்லியன் தொகையையும் அதற்கான வட்டியையும் சமயப் பணிகளுக்கான நிறுவனம் (IOR) என அழைக்கப்படும் வத்திக்கான் வங்கிக்கு வழங்க வேண்டும் என்று உத்தரவிட்டுள்ளது.

நவம்பர் 6 அன்று வத்திக்கான் வெளியிட்ட அறிக்கையின்படி, மால்டா உரிமையியல் நீதிமன்றத்தின் முதல் அமர்வு (First Hall), அந்த நிறுவனத்தின் கப்பா நிதி முதலீட்டின் நிர்வாகம் மற்றும் புடாபெஸ்டில் உள்ள எக்ஸ்சேஞ்ச் பேலஸ் (Exchange Palace) சொத்துத் திட்டம் தொடர்பான பரிவர்த்தனைகள் குறித்து முதல்நிலைத் தீர்ப்பை வழங்கியது.

சிறப்பு முதலீட்டு நிதியம் SIF (Optimum Evolution Fund SIF), உச்சபட்ச சொத்து மேலாண்மை நிறுவனம் S.A. (Optimum Asset Management S.A.), ஃபியூச்சுரா முதலீட்டு மேலாண்மை வரையறுக்கப்பட்ட நிறுவனம். (Futura Investment Management Limited), ஃபியூச்சுரா நிதியங்கள் SICAV plc (Futura Funds SICAV plc) ஆகிய நான்கு நிறுவனங்களும் ஆகிய நான்கு நிறுவனங்களும் தத்தமது நம்பிக்கைப் பொறுப்புக் கடமைகளை மீறியுள்ளதாக நீதிமன்றம் கண்டறிந்தது.

இதனைத் தொடர்ந்து, தீர்ப்பு வழங்கப்பட்ட நாளிலிருந்து முழுத் தொகையும் செலுத்தப்படும் நாள் வரை ஆண்டுக்கு 8 விழுக்காடு வட்டியுடன் சேர்த்து, 24.1 மில்லியன் யூரோவை (24.1 million euros) அந்த நான்கு நிறுவனங்களும் கூட்டாகவும் தனித்தனியாகவும் செலுத்த வேண்டும் என்று நீதிமன்றம் உத்தரவிட்டது.

இந்த வழக்கு நடவடிக்கைகள் 2017-ல் தொடங்கின. சட்ட மற்றும் நிதித்துறை சார்ந்த சொத்துத் திட்டம் தொடர்பாக, கூகர் (Cougar) என்ற இடைத்தரகு நிறுவனம், வத்திக்கான் வங்கியின் இழப்பில் நியாயமற்ற மதிப்புப் பரிமாற்றத்திற்கு உதவியதாகவும் நீதிமன்றம் கண்டறிந்தது.

கப்பா நிதிக்கான தனது கடமைகளை வத்திக்கான் வங்கி மீறவில்லை என்றும், அந்த நான்கு நிறுவனங்களும் நிறுவனத்திற்கு எதிராகத் தொடுத்த அனைத்து கோரிக்கைகளையும் நிராகரிப்பதாகவும் நீதிமன்றம் தீர்ப்பளித்தது.

இந்தத் தீர்ப்பை வரவேற்ற வத்திக்கான் வங்கி, தங்கள் நிறுவனம் சரியாகச் செயல்பட்டது என்பதை இது உறுதிப்படுத்துவதாகத் தெரிவித்தது. தனது உரிமைகளை உரிய நீதித்துறை அதிகாரிகள் மூலம் தொடர்ந்து பெற்றுக்கொள்ள உறுதியாக இருப்பதாகவும் கூறியுள்ளது.

No comments:

Post a Comment

Pope Leo XIV visits the St. Oscar Romero Chapel in Chiclayo, Peru

  Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...