Wednesday, 10 April 2013

மனித உடலின் எலும்புகள்

மனித உடலின் எலும்புகள்

மனித உடலை ஒரு கட்டிடமாக உருவகித்தால், அக்கட்டிடத்தின் அடித்தளம் நமது எலும்புகள் என்று எவ்விதத் தயக்கமுமின்றி சொல்லலாம். ஒவ்வொரு குழந்தையும் பிறக்கும்போது ஏறத்தாழ 350 எலும்புகளுடன் பிறக்கின்றது. ஆனால், முழு வளர்ச்சியடைந்த மனித உடலில் 206 எலும்புகளே உள்ளன. 100க்கும் அதிகமான எலும்புகள் ஒன்றோடொன்று இணைவதால் வரும் எண்ணிக்கைக் குறைவு இது.
இந்த 206 எலும்புகளில் 106 எலும்புகள் கைகளிலும், கால்களிலும் உள்ளன. மண்டை ஓடு பகுதியில் 28 எலும்புகளும், தண்டுவடத்தில் 26 (33) எலும்புகளும், மார்புக் கூட்டில் 24 எலும்புகளும் உள்ளன. மனித முகத்தில் உள்ள எலும்புகளின் எண்ணிக்கை 14.
மனித உடலில் Femur எனப்படும் தொடை எலும்புதான் நீளமானது. இது மனித உடலின் மொத்த நீளத்தில் நான்கில் ஒரு பகுதி. காதில் உள்ள Stapes எனப்படும் எலும்பே மனித உடலில் மிகச் சிறிய எலும்பு. குழந்தை பிறக்கும்போதே முழு வளர்ச்சியடைந்த நிலையில் காணப்படும் எலும்பு இந்த எலும்பு மட்டுமே. உடலின் மொத்த எடையில் எலும்புகளின் எடை 14 முதல் 20 விழுக்காடாகும். பகுதி, பகுதியாகப் புதுப்பிக்கப்படும் நமது எலும்புக்கூடு, பத்தாண்டுகளுக்கு ஒருமுறை முற்றிலும் புதுப்பிக்கப்படுகிறது. நமது உடலைத் தாங்குதல், உடலுக்கு உயிரளிக்கும் உறுப்புக்களைப் பாதுகாத்தல், மற்றும் இரத்தத்தில் சிவப்பு மற்றும் வெள்ளை அணுக்களை உருவாக்குதல் ஆகியவை எலும்புகளின் முக்கியப் பணிகள்.

 

ROBERT JOHN KENNEDY: catholic news in tamil - 09/04/2013

ROBERT JOHN KENNEDY: catholic news in tamil - 09/04/2013: 1. திருத்தந்தை பிரான்சிஸ் , பான் கி மூன் சந்திப்பு 2. திருத்தந்தை பிரான்சிஸ் : பிறரைத் தீர்ப்பிடவோ , புறங்கூறவோ கூடாது 3. திருத்த...

catholic news in tamil - 09/04/2013

1. திருத்தந்தை பிரான்சிஸ், பான் கி மூன் சந்திப்பு

2. திருத்தந்தை பிரான்சிஸ் : பிறரைத் தீர்ப்பிடவோ, புறங்கூறவோ கூடாது

3. திருத்தந்தை பிரான்சிஸ் : பிரிட்டனின் முன்னாள் பிரதமர் தாட்சர் மனித சுதந்திரத்தை ஊக்குவிப்பதற்கு அர்ப்பணித்திருந்தவர்

4. பிரிட்டனின் முன்னாள் பிரதமர் மார்கரெட் தாட்சர் அவர்களின் இறப்பையொட்டி இங்கிலாந்து மற்றும் வேல்ஸ் ஆயர்கள் இரங்கல்

5. ரியோ நகரின் ஏழைகளின் குடியிருப்புப் பகுதிகளைப் பார்வையிடுமாறு திருத்தந்தைக்கு அழைப்பு

6. எகிப்தியக் கிறிஸ்தவர்கள் அமைதி காக்குமாறு அழைப்பு

7. பான் கி மூன் : வேதிய ஆயுதங்கள் ஐந்தாண்டுகளுக்குள் ஒழிக்கப்பட வேண்டும்

8. உலகில் இராணுவத்துக்கென 17 ஆயிரம் கோடி டாலர் செலவிடப்படுகிறது

------------------------------------------------------------------------------------------------------

1. திருத்தந்தை பிரான்சிஸ், பான் கி மூன் சந்திப்பு

ஏப்.09,2013. ஐ.நா.பொதுச்செயலர் பான் கி மூன், திருத்தந்தை பிரான்சிஸ் அவர்களை வத்திக்கானில் இச்செவ்வாயன்று சந்தித்து, நியுயார்க்கிலுள்ள ஐ.நா.தலைமையகத்துக்கு வருகை தருமாறு அழைப்பு விடுத்தார்.
மேலும், இச்சந்திப்பின்போது உலகில் இடம்பெறும் சண்டைகள், அதனால் ஏற்பட்டுள்ள அவசர மனிதாபிமான நெருக்கடிகள், குறிப்பாக அமைதி அச்சுறுத்தலுக்கு உள்ளாகியுள்ள சிரியா, கொரியத் தீபகற்பம் மற்றும் ஆப்ரிக்கா குறித்து இவ்விருவரும் உரையாடினர் என்று திருப்பீடப் பேச்சாளர் இயேசு சபை அருள்தந்தை பெதரிக்கோ லொம்பார்தி கூறினார்.
உலக அமைதி, அடிப்படை மனித உரிமைகளைப் பாதுகாத்தல், மனித சமுதாயத்தின் நல்வாழ்வை ஊக்குவித்தல் ஆகிய ஐ.நா.வின் பணிகளில் திருப்பீடம் மையமாக இருந்து செயல்பட்டுவருதைத் திருத்தந்தையிடம் தெரிவித்தார் ஐ.நா.பொதுச் செயலர்.
மேலும், கத்தோலிக்கத் திருஅவை தனது தனித்துவத்துக்கு ஒத்திணங்கிச் செல்லும் வகையில், ஒருங்கிணைந்த மனித மாண்பை ஊக்குவிப்பது உட்பட அது செய்துவரும் பணிகளையும் குறிப்பிட்டார் திருத்தந்தை பிரான்சிஸ்.
இச்சந்திப்புக்குப் பின்னர், திருப்பீடச் செயலர் கர்தினால் தர்ச்சீசியோ பெர்த்தோனே, நாடுகளுக்கு இடையேயான உறவுகளின் நேரடிச் செயலர் பேராயர் Antoine Camilleri ஆகியோரையும் சந்தித்தார் ஐ.நா.பொதுச்செயலர்.

ஆதாரம் : வத்திக்கான் வானொலி

2. திருத்தந்தை பிரான்சிஸ் : பிறரைத் தீர்ப்பிடவோ, புறங்கூறவோ கூடாது

ஏப்.09,2013. கிறிஸ்தவ சமூகத்தில் அமைதியைக் கொண்டுவரும் தூயஆவி, அதன் உறுப்பினர்கள் தாழ்ச்சியுள்ளவர்களாக, பிறரைப் பற்றித் தவறாகப் பேசாதவர்களாக இருப்பதற்குக் கற்றுத் தருகிறார் என்று திருத்தந்தை பிரான்சிஸ் இச்செவ்வாயன்று கூறினார்.
இச்செவ்வாய் காலை புனித மார்த்தா இல்லத்தில் திருப்பலியில் பங்கு கொண்ட வத்திக்கான் நலவாழ்வு அலுவலகத்தினர் மற்றும் வத்திக்கான் நிர்வாகப் பணியில் இருப்போருக்கு ஆற்றிய மறையுரையில் இவ்வாறு கூறினார் திருத்தந்தை பிரான்சிஸ்.
முதல் கிறிஸ்தவர்களைப் புதிய வாழ்வுக்குள் கொண்டுவந்த தூய ஆவியின் வழியாக அவர்கள் ஒரே இதயமும் ஒரே மனமும் கொண்டிருந்தனர், இவர்கள் இக்காலக் கிறிஸ்தவச் சமூகத்துக்கு எடுத்துக்காட்டாய் இருக்கின்றார்கள் என்றுரைத்தார் திருத்தந்தை.
இயேசுவுக்கும் நிக்கதேமுவுக்கும் இடையே நடந்த உரையாடல் குறித்தும் விளக்கியத் திருத்தந்தை, மனிதர் தூய ஆவியால் புதிதாகப் பிறக்க முடியும் என்றும், திருமுழுக்கில் பெற்ற புதிய வாழ்வை, தூய ஆவியின் உதவியுடன் நாம் வளர்க்க வேண்டுமெனவும் கேட்டுக்கொண்டார்.
பிறரைப்பற்றி குறை பேசும்போது, என்னையும் சேர்த்துத்தான் சொல்கிறேன் என்ற திருத்தந்தை, இவை தூயஆவி நம்மில் வருவதை விரும்பாத தீயவனின் சோதனைகள் என்றும் கூறிய அவர், இந்தப் போராட்டங்கள் பங்குகள், குடும்பங்கள், நண்பர்கள் என எல்லா இடங்களிலும் எப்போதும் காணப்படுகின்றன என்றும் தெரிவித்தார்.

ஆதாரம் : வத்திக்கான் வானொலி

3. திருத்தந்தை பிரான்சிஸ் : பிரிட்டனின் முன்னாள் பிரதமர் தாட்சர் மனித சுதந்திரத்தை ஊக்குவிப்பதற்கு அர்ப்பணித்திருந்தவர்

ஏப்.09,2013. பிரிட்டனின் முன்னாள் பிரதமர் மார்கரெட் தாட்சர் உயிரிழந்ததையொட்டி தனது ஆழ்ந்த அனுதாபங்களைத் தெரிவிக்கும் இரங்கல் தந்தியை அனுப்பியுள்ளார் திருத்தந்தை பிரான்சிஸ்.
திருத்தந்தையின் பெயரில் திருப்பீடச் செயலர் கர்தினால் தர்ச்சீசியோ பெர்த்தோனே இத்திங்களன்று அனுப்பிய இரங்கல் செய்தியில், பிரதமர் தாட்சர் குறித்த திருத்தந்தையின் பாராட்டுகளும், அவரின் ஆன்ம இளைப்பாற்றிக்கான திருத்தந்தையின் செபமும் தெரிவிக்கப்பட்டுள்ளன.
நாடுகள் மத்தியில் பொதுநலமும், மனித சுதந்திரமும் ஊக்குவிக்கப்படுவதற்குத் தன்னை அர்ப்பணித்திருந்தவர் பிரதமர் தாட்சர் என்று திருத்தந்தை பாராட்டியுள்ளார்.
இரும்புப் பெண்மணி என்று அனைத்துலக அளவில் அழைக்கப்பட்ட முன்னாள் பிரதமர் மார்கரெட் தாட்சர் இத்திங்களன்று இலண்டனில் தனது 87வது வயதில் காலமானார். இவர் பிரிட்டனின் முதல் மற்றும் ஒரே பெண் பிரதமராகப் பணியாற்றியவர்.

ஆதாரம் : வத்திக்கான் வானொலி

4. பிரிட்டனின் முன்னாள் பிரதமர் மார்கரெட் தாட்சர் அவர்களின் இறப்பையொட்டி இங்கிலாந்து மற்றும் வேல்ஸ் ஆயர்கள் இரங்கல்

ஏப்.09,2013. மேலும், பிரிட்டனின் முன்னாள் பிரதமர் மார்கரெட் தாட்சர் அவர்களின் இறப்பையொட்டி இங்கிலாந்து மற்றும் வேல்ஸ் ஆயர்களும், தங்களது ஆழ்ந்த அனுதாபங்களைத் தெரிவித்துள்ளனர்.
1979ம் ஆண்டு முதல் 1990ம் ஆண்டுவரை பிரிட்டனில் பிரதமராகப் பணியாற்றிய தாட்சர் அவர்களின் ஆன்மா நிறைசாந்தி அடைவதற்குத் தாங்கள்  செபிப்பதாகக் கூறியுள்ள ஆயர்கள், அவரின் குடும்பத்தினருக்கும், அவருக்காக வருந்துவோருக்கும் தங்களது அனுதாபங்களையும் தெரிவித்துள்ளனர். பல்வேறு உலகத் தலைவர்களும் தங்களது அனுதாபங்களைத் தெரிவித்துள்ளனர்.
ஹாங்காங் சீனாவிடம் ஒப்படைக்கப்படுவது குறித்த அறிக்கையில் 1984ம் ஆண்டில் கையெழுத்திட்டவர் முன்னாள் பிரதமர் மார்கரெட் தாட்சர். இவர் பிரதமராக இருந்த காலத்தில்தான் Falkland தீவுகள் தொடர்பாக அர்ஜென்டினாவுடன் பிரிட்டன் போரில் ஈடுபட்டு அதில் வெற்றியும் பெற்றது.

ஆதாரம் : CNS

5. ரியோ நகரின் ஏழைகளின் குடியிருப்புப் பகுதிகளைப் பார்வையிடுமாறு திருத்தந்தைக்கு அழைப்பு
ஏப்.09,2013. பிரேசில் நாட்டின் ரியோ டி ஜெனிரோவில் இவ்வாண்டில் நடைபெறவிருக்கும் அனைத்துலக இளையோர் தின நிகழ்வுகளில் கலந்துகொள்ளச் செல்லும் திருத்தந்தை பிரான்சிஸ் அவர்களின் திருப்பயணத்திட்டங்களில் மேலும் சில நிகழ்ச்சிகளைச் சேர்க்குமாறு பரிந்துரைத்துள்ளார் அந்நகர் பேராயர் Orani Tempesta.
அனைத்துலக இளையோர் தின நிகழ்வுகளுக்குப் பொறுப்பான, திருப்பீட பொதுநிலையினர் அவைக்குப் பரிந்துரைக் கடிதம் அனுப்பியுள்ள பேராயர் Tempesta, ரியோ டி ஜெனிரோ நகரின் புறநகர்ப் பகுதியிலுள்ள “favela” எனப்படும் ஏழைகளின் குடியிருப்புக்களைத் திருத்தந்தை பார்வையிடும் நிகழ்ச்சித் திட்டத்தைச் சேர்க்குமாறு கேட்டுள்ளார்.
அத்துடன், அந்நகரின் புகழ்பெற்ற கிறிஸ்து மீட்பர் திருத்தலம், 17ம் நூற்றாண்டு Penha அன்னைமரியா திருத்தலம், அந்நாட்டின் ஆயர்களுடன் சந்திப்பு ஆகியவற்றையும் நிகழ்ச்சித் திட்டத்தில் சேர்க்குமாறு கேட்டுள்ளார் பேராயர் Tempesta.

ஆதாரம் : CNA

6. எகிப்தியக் கிறிஸ்தவர்கள் அமைதி காக்குமாறு அழைப்பு

ஏப்.09,2013. எகிப்தின் கெய்ரோவில் புனித மாற்கு காப்டிக் ஆர்த்தடாக்ஸ் பேராலயம் வன்முறைக் கும்பலால் தாக்கப்பட்டிருக்கும்வேளை, அந்நாட்டுக் கிறிஸ்தவர்கள் அமைதி காக்குமாறு அழைப்பு விடுத்துள்ளார் அலெக்ஸாண்டிரியாவின் காப்டிக் ஆர்த்தடாக்ஸ் முதுபெரும் தலைவர் 2ம் Tawadros.
எகிப்தில் இனவாதக் கலவரத்தில் கொல்லப்பட்ட நான்கு காப்டிக் கிறிஸ்தவர்களுக்கு இஞ்ஞாயிறன்று அடக்கச்சடங்கு நடைபெற்றபோது இடம்பெற்ற வன்முறையில் குறைந்தது 2 கிறிஸ்தவர்கள் இறந்துள்ளனர் மற்றும் 80க்கும் அதிகமானோர் காயமடைந்துள்ளனர்.
எகிப்தில் பாதுகாப்பையும் தேசிய ஒன்றிப்பையும் காக்கும் நோக்கத்தில் மக்கள் அமைதி காக்குமாறு கேட்டுள்ளார் முதுபெரும் தலைவர் 2ம் Tawadros.
இதற்கிடையே, எகிப்திய அரசுத்தலைவர் Mohammed Morsi, நாட்டில் வன்முறையை நிறுத்துவதற்குத் தன்னை அர்ப்பணித்துள்ளதாக முதுபெரும் தலைவர்  Tawadros அவர்களிடம் தெரிவித்துள்ளார்.

ஆதாரம் : CNA

7. பான் கி மூன் : வேதிய ஆயுதங்கள் ஐந்தாண்டுகளுக்குள் ஒழிக்கப்பட வேண்டும்

ஏப்.09,2013. நச்சு வாயு அடைக்கப்பட்ட ஆயுதங்களைப் பயன்படுத்தி மேற்கொள்ளப்படும் சண்டைகள் உலகில் இனிமேல் ஒருபோதும் இடம்பெறக் கூடாது என்று கூறியுள்ள அதேவேளை, வேதிய ஆயுதங்கள் உலகிலிருந்து முற்றிலுமாக ஒழிக்கப்படுவதற்கு ஐ.நா.வின் 188 உறுப்பு நாடுகளுக்கு அழைப்பு விடுத்துள்ளார் ஐ.நா.பொதுச்செயலர் பான் கி மூன்.
அங்கோலா, வட கொரியா, எகிப்து, இஸ்ரேல், மியான்மார், சொமாலியா, தென் சூடான், சிரியா ஆகிய எட்டு நாடுகள், வேதிய ஆயுதங்கள் ஒழிப்பு ஒப்பந்தத்தில் இன்னும் இணையாமல் இருப்பதைக் குறிப்பிட்ட பான் கி மூன், அந்நாடுகள் இந்த ஒப்பந்தத்தில் இணையுமாறு மீண்டும் வேண்டுகோள் விடுத்துள்ளார்.
இத்திங்களன்று Hagueல் நடைபெற்ற, வேதிய ஆயுதங்கள் ஒழிப்பு ஒப்பந்தம் குறித்த மூன்றாம் ஆய்வுக் கூட்டத்தில் இவ்வாறு அழைப்பு விடுத்துள்ள ஐ.நா.பொதுச்செயலர், இந்த ஆயுதங்களால் ஏற்படும் பேரழிவுக்கு எவ்வகையிலும் நியாயம் சொல்ல முடியாது என்று கூறியுள்ளார்.
பேரழிவை ஏற்படுத்தும் இத்தகைய ஆயுதங்களை இந்த 21ம் நூற்றாண்டில் பயன்படுத்தியதாக சிரியா நாடு குற்றம் சாட்டப்பட்டுள்ளது எனவும் பான் கி மூன் கூறினார்.

ஆதாரம் : UN

8. உலகில் இராணுவத்துக்கென 17 ஆயிரம் கோடி டாலர் செலவிடப்படுகிறது

ஏப்.09,2013. உலகில் தற்போது 17 ஆயிரம் கோடி டாலர் இராணுவத்துக்கெனச் செலவிடப்பட்டுவரும்வேளை, இதற்கு எதிரான உலகளாவிய நடவடிக்கையில் இறங்குவதற்குப் பிரித்தானிய அமைதி அமைப்புகள் திட்டமிட்டு வருகின்றன.
“உலகில் இராணுவத்துக்கானச் செலவு 2013” என்ற அறிக்கை வெளியிடப்படவிருக்கும் இம்மாதம் 15ம் தேதியன்று, இது குறித்த விழிப்புணர்வை ஏற்படுத்துவதற்கு Pax Christi, தேசிய நீதி மற்றும் அமைதி அமைப்பு, கிறிஸ்தவச் சுற்றுச்சூழல் அமைப்பு, ஆயுத வியாபாரத்துக்கு எதிரான அமைப்பு என சில அமைப்புகள் திட்டமிட்டு வருகின்றன.
பன்னாட்டு அளவில் சிக்கன நடவடிக்கைகள் மேற்கொள்ளப்பட்டுவரும் இக்காலத்தில், சுற்றுச்சூழல் சீரழிந்து வரும் இக்காலத்தில், பிரிட்டனில் மட்டும் நான்காயிரம் கோடி டாலரை இராணுவத்துக்கெனச் செலவிடப்பட்டு வருவதாக ICN செய்தி நிறுவனம் கூறியுள்ளது.

ஆதாரம் : ICN  
 

ROBERT JOHN KENNEDY: ஆடும் கோபுரங்கள்

ROBERT JOHN KENNEDY: ஆடும் கோபுரங்கள்: ஆடும் கோபுரங்கள் இந்தியாவின் அகமதாபாத் நகரில் 15ம் நூற்றாண்டில் கட்டப்பட்ட Sidi Bashir மசூதியின் இரண்டு கோபுரங்கள்தான் அதிசய ஆடும் க...

ஆடும் கோபுரங்கள்

ஆடும் கோபுரங்கள்

இந்தியாவின் அகமதாபாத் நகரில் 15ம் நூற்றாண்டில் கட்டப்பட்ட Sidi Bashir மசூதியின் இரண்டு கோபுரங்கள்தான் அதிசய ஆடும் கோபுரங்களாக சுற்றுலா பயணிகளை ஈர்த்து வருகின்றன. இந்த இரண்டு கோபுரங்களையும் ஒரு சமதளமான மாடி இணைக்கிறது. ஒவ்வொரு கோபுரமும் 20 மீட்டர் உயரமும், மூன்று அடுக்குகளும் கொண்டவை. இந்த அடுக்குகளில் கல்லால் செதுக்கப்பட்ட வேலைப்பாடுகள் அமைந்த பால்கனிகள் உள்ளன. இதில் வியப்படைய வேண்டிய விடயம் என்னவென்றால், இந்த இரண்டு கோபுரங்களில், ஒரு கோபுரத்தின் உச்சிப்பகுதியைக் குலுக்கினால் அந்த அதிர்வு, அந்த கோபுரத்தின் வெற்று வழியே சென்று, அடுத்த கோபுரத்தை அடைந்து, அதையும் ஆட வைக்கிறது. 1461ம் ஆண்டில் கட்டப்பட்ட இந்த மசூதியையும், கோபுரங்களையும் பார்க்கவரும் பார்வையாளர்கள் படிகள் வழியே கோபுரத்தின் உச்சியை அடைந்து ஒரு கோபுரத்தை ஆட்டி, மற்றொன்று ஆடுவதைக் கண்டு வியப்படைகின்றனர். இந்த ஆட்டம் நானூறு ஆண்டுகளாக நடைபெற்று வருகிறது. நிலநடுக்கத்தின்போது இடம்பெறும் சேதங்களைத் தடுப்பதற்காக இவ்வாறு இக்கோபுரங்கள் அமைக்கப்பட்டுள்ளன எனக் கூறப்படுகிறது. அகமதாபாத் நகரிலுள்ள Raj Bibi மசூதியும் இரண்டு ஆடும் கோபுரங்களைக் கொண்டிருந்தன. ஆயினும் அக்காலத்தில் இந்தியாவை ஆட்சி செய்த பிரித்தானியர்கள், இக்கோபுரங்களின் தொழில்நுட்பத்தை அறிவதற்காக இவற்றில் ஒன்றை இடித்துவிட்டதாகச் சொல்லப்படுகிறது. மேலும், ஈரானின் Isfahan நகரிலும் ஆடும் கோபுரங்கள் உள்ளன. இவை,  இந்த அகமதாபாத் கோபுரங்கள்போன்று புகழ்பெற்றவை அல்ல எனவும் கூறப்படுகிறது.

ஆதாரம் :  மனிதன் இணையதளம்

கடல்குதிரை

கடல்குதிரை

கடல்குதிரை என்பது மிகச் சிறிய மீன் இனத்தை சேர்ந்த உயிரினமாகும். கடல்குதிரையைப் பொறுத்த வரையில் அதன் முக அமைப்பு மட்டுமே குதிரையின் அமைப்பில் அமைந்திருக்கின்றதே தவிர மற்ற எவ்வித ஒற்றுமையும் இல்லை. கண்களை எப்பக்கமும் திருப்பும் ஆற்றலுடைய கடல்குதிரை, பார்ப்பதற்கு முதலைக் குட்டியைப் போலிருக்கும். 2.5 செ.மீ முதல் 35 செ.மீ வரை அளவில் 35க்கும் மேற்பட்ட வகைகள் உலகின் எல்லா கடற் பகுதியிலும் காணப்படுகின்றன. இவை கடலின் ஆழம் குறைந்த பகுதிகளிலும் கடலின் ஓரப்பகுதியிலும் கடல் பாசிகளுக்கிடையே வாழ்கின்றன. இவற்றின் முக்கிய உணவு இறால் மற்றும் சிறிய மீன் வகைகளாகும். இதன் உடலின் மேற்பகுதி கடினமான ஓட்டைப் போன்ற கவச அமைப்பு கொண்டுள்ளது. இது இவற்றின் முக்கிய பாதுகாப்பு அம்சமாகும். மேலும் இவை பெற்றுள்ள மற்றுமொரு பாதுகாப்பு அம்சம், சூழலுக்கேற்றார் போல் தங்கள் நிறத்தை மாற்றி எதிரிகளிடமிருந்து தப்பிக்கும் ஆற்றலாகும். மூன்று நாட்களுக்கு ஒரு கிலோ மீட்டர் தூரம் செல்லும் வேகம்தான் இதனுடையதாகும்.
உலகத்திலேயே கடல் குதிரை தான் ஆண் வர்க்கத்தில் கர்ப்பம் தரித்து குழந்தை பெற்று கொள்ளக்கூடியது. பெண் கடல்குதிரைகள் ஒரு நேரத்தில் 200 முட்டைகள் வரை இடக்கூடிய இயல்பைப் பெற்று விளங்குகின்றன. ஆண் கடல்குதிரைக்கு மட்டும் இருக்கும் பிரத்யேகமாக வயிற்றுப் பகுதியில் அமைந்த தோல் பையில் பெண் கடல்குதிரைகள் முட்டைகளை இட்டுச் செல்கின்றன. அந்த முட்டைகள் குஞ்சு பொரிக்கும் தன்மையில்லாத மலட்டு முட்டைகளாகும். அதன் பிறகு ஆண் கடல்குதிரை அதில் தன் உயிர் அணுவை செலுத்தி அந்த முட்டையை சூல் கொள்ளச் செய்கின்றது. அதன் பிறகு அதை 40 முதல் 50 நாட்கள் வரை தன் வயிற்றிலேயே வைத்திருந்து பிறகு பெற்றெடுக்கின்றது.

ஆதாரம் – nouralislam இணையதளம்

ROBERT JOHN KENNEDY: Pope Francis stresses importance of women in the C...

ROBERT JOHN KENNEDY: Pope Francis stresses importance of women in the C...: Pope Francis stresses importance of women in the Church "This is very encouraging," says leading female theologian. ...

Pope Leo XIV visits the St. Oscar Romero Chapel in Chiclayo, Peru

  Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...