Tuesday, 2 April 2013

Catholic News in Tamil -02/04/13


1. தூய பேதுரு அடித்தளக்கல்லறைகளுக்குத் திருத்தந்தையின் பயணம்

2. 6வது அகில உலக Autism விழிப்புணர்வு நாளுக்கென பேராயர் Zimowski வெளியிட்டுள்ள செய்தி

3. திருத்தந்தைக்கு லாஸ் ஆஞ்சலஸ் சிறையிலுள்ள இளம் கைதிகளின் நன்றிக்கடிதம்

4. டூரின் நகரின் புனிதத் துணி இயேசு காலத்தைச்  சேர்ந்ததே

5. வறட்சி பிரச்சனைகளில் கவனம் செலுத்துங்கள் என்பகிறார் மும்பை கர்தினால்

6. குருமட அதிபரின் கொலை குறித்து பெங்களூரு பேராயர்

7. பீகார் முதல்வரிடம் அம்மாநில கிறிஸ்தவர்கள் விண்ணப்பம்

------------------------------------------------------------------------------------------------------

1. தூய பேதுரு அடித்தளக்கல்லறைகளுக்குத் திருத்தந்தையின் பயணம்

ஏப்.02,2013. தூய பேதுரு கோவிலின் மையப்பீடத்திற்கு இரண்டு தளங்களுக்கு நேர்கீழே இருக்கும் தூய பேதுரு கல்லறையை இத்திங்கள் மாலை சென்று தரிசித்தார் திருத்தந்தை பிரான்சிஸ் அவர்கள்.
பசிலிக்காவின் அடித்தளத்திலிருக்கும் ஆதிகாலக் கிறிஸ்தவர்களின் கல்லறைப் பகுதிகளுக்குச் சென்று தரிசித்த முதல் திருத்தந்தை பிரான்சிஸ் அவர்களே என்று குறிப்பிட்ட திருப்பீடப்பேச்சாளர் இயேசு சபை குரு ஃபெதரிக்கோ லொம்பார்தி, அக்கல்லறையில் அவர் அமைதியாக சில மணித்துளைகளை தியானத்தில் செலவிட்டார் எனவும் கூறினார்.
புனித பேதுருவின் கல்லறைக்கும் பசிலிக்காவுக்கும் இடையிலிருக்கும் தளத்திற்கு வந்த திருத்தந்தை, அங்கு, திருத்தந்தையர்கள் 15ம் பெனடிக்ட், 11ம் பயஸ், 12ம் பயஸ், ஆறாம் பவுல், முதலாம் ஜான் பால் ஆகியோரின் கல்லறைகளையும் தரிசித்து அவர்களின் கல்லறைகள் முன் செபிக்கவும் செய்தார்.
தூய பேதுருவின் கல்லறை மீதே கி.பி. 324ம் ஆண்டு பேரரச‌ர் கான்ஸ்டன்டைன் தூய பேதுரு பசிக்கா பேராலயத்தைக் கட்டியெழுப்பினார் என்பது குறிப்பிடத்தக்கது.

ஆதாரம் – வத்திக்கான் வானொலி

2. 6வது அகில உலக Autism விழிப்புணர்வு நாளுக்கென பேராயர் Zimowski வெளியிட்டுள்ள செய்தி

ஏப்.02,2013. பல வழிகளிலும் முன்னேற்றம் கண்டுள்ள நம் உலகில் Autism என்ற வார்த்தை இன்னும் பல கலாச்சாரங்களில் அச்சத்தைத் தரும் ஒரு சொல்லாகக் காணப்படுகிறது என்று வத்திக்கான் உயர் அதிகாரி ஒருவர் கூறினார்.
Autism குறித்த விழிப்புணர்வை உருவாக்கும் அகில உலக நாள் ஆறாவது முறையாக உலகெங்கும் ஏப்ரல் 2ம் தேதி, இச்செவ்வாயன்று கடைபிடிக்கப்படுவதையொட்டி நலப் பணியாளர்களின் திருப்பீட அவை தலைவர் பேராயர் Zygmunt Zimowski வெளியிட்டச் செய்தியில் இவ்வாறு கூறியுள்ளார்.
இந்த அகில உலக நாள் இவ்வாண்டு உயிர்ப்புத் திருவிழாவையொட்டி வந்திருப்பதால், இயேசுவின் பாடுகளைக் கண்டு  மனமுடைந்து எருசலேம் நகரை விட்டு எம்மாவுஸ் நகர் நோக்கிச் சென்ற கிளயோப்பா, சீமோன் ஆகிய இரு சீடர்களை, Autism உள்ள குழந்தைகளின் பெற்றோருடன் ஒப்பிட்டுள்ளார் பேராயர் Zimowski.
அவ்விரு சீடர்களும் கலக்கத்துடன் வழிநடந்ததுபோல், Autism உள்ள குழந்தைகளின் பெற்றோரும் கலக்கத்துடன் வாழ்வுப் பாதையில் செல்கின்றனர் என்று பேராயர் தன் செய்தியில் குறிப்பிட்டுள்ளார்.
திருத்தந்தை பிரான்சிஸ் அவர்கள் திருஅவையின் தலைமைப் பொறுப்பை ஏற்ற முதல் சில நாட்களிலேயே மாற்றுத் திறனாளிகள் மீது அவர் காட்டியுள்ள பரிவும், அரவணைப்பும் உலகத்திற்கு ஒரு தலை சிறந்த சாட்சியாக உள்ளது என்பதையும் எடுத்துரைக்கும் பேராயர் Zimowski, நடைபெற்றுவரும் நம்பிக்கை ஆண்டில் திருஅவையின் நலப் பணியாளர்கள் மக்களுக்கும் அதிக நம்பிக்கையை வழங்கும் கருவிகளாக இருப்பார் என்ற நம்பிக்கையையும் வெளியிட்டார்.
மருத்துவத் துறையில் இவ்வுலகம் வியக்கத்தக்க பல முன்னேற்றங்களைக் கண்டிருந்தாலும், அம்முன்னேற்றங்கள் பெரும்பாலும் மருத்துவக் கருவிகள், மருந்துகள் என்று தொழில் நுட்ப அடிப்படையிலேயே அமைந்துள்ளன என்பதைச் சுட்டிக் காட்டும் பேராயர் Zimowski, நோயுற்றோர், அவரைச் சுற்றியுள்ளோர் அனைவரின் உள்ளங்களையும் புரிந்து செயல்படுவது மருத்துவத் துறைக்கு முன் உள்ள பெரும் சவால் என்று எடுத்துரைத்தார்.
உலகெங்கும் தற்போது 67 மில்லியன், அதாவது, 6 கோடியே 70 இலட்சம் பேர் Autism நோயினால் பாதிக்கப்பட்டுள்ளனர் என்று ஊடகங்கள் சொல்கின்றன.

ஆதாரம் – வத்திக்கான் வானொலி

3. திருத்தந்தைக்கு லாஸ் ஆஞ்சலஸ் சிறையிலுள்ள இளம் கைதிகளின் நன்றிக்கடிதம்

ஏப்.02,2013. திருத்தந்தை பிரான்சிஸ் புனித வியாழன் மாலை திருப்பலியில் இளம் கைதிகளின் பாதங்களைக் கழுவித் துடைத்த செயல் தங்கள் வாழ்வில் நம்பிக்கை பிறக்க உதவியுள்ளது என தங்கள் நன்றியை வெளியிட்டு திருத்தந்தைக்கு கடிதம் ஒன்றை அனுப்பியுள்ளனர் அமெரிக்க ஐக்கிய நாட்டின் லாஸ் ஆஞ்சலஸ் சிறையிலுள்ள இளம் கைதிகள்.
குற்றங்கள் புரிந்த எங்களை சமூகம் கைவிட்டுள்ள நிலையில் நீவிர் எம்மை கைவிடவில்லை என்பதை இந்த பாதம் கழுவும் நிகழ்ச்சி மூலம் வெளிப்படுத்தியுள்ளீர் என தங்கள் கடிதத்தில் தெரிவித்துள்ளனர் இந்த இளம் கைதிகள்.
இத்தண்டனைக்காலத்தை முடித்து வெளிவரும்போது திருத்தந்தையைப் போன்றே தாங்களும் இளையோரின் நல்வாழ்வுக்கென தங்களை அர்ப்பணிக்கும் வரத்திற்காக செபிக்குமாறு திருத்தந்தைக்கு அக்கடிதத்தில் இவ்விளைஞர்கள் வேண்டுகோள் விடுத்துடுள்ளனர்.
எளிமையையும் அமைதியையும் விரும்பிய புனித பிரான்சிஸ் அசிசியின் பெயரை புதிய திருத்தந்தை தேர்ந்துகொண்டதற்கு தங்கள் பாராட்டையும் நன்றியையும் வெளியிட்டுள்ளனர் லாஸ் ஆஞ்சலஸ் சிறையின் இளம் கைதிகள்.

ஆதாரம் - CNA

4. டூரின் நகரின் புனிதத் துணி இயேசு காலத்தைச்  சேர்ந்ததே

ஏப்.02,2013. இன்றளவும் இத்தாலியின் டூரின் நகரில் போற்றி பாதுகாக்கப்பட்டு வரும், இயேசுவின் இறந்த உடலை போர்த்திய புனிதத்துணி, முதலாம் நூற்றாண்டைச் சேர்ந்ததுதான் என புதிய அறிவியல் சோதனைகள் மூலம் தெரிய வந்துள்ளாதாக இச்சோதனைகளை நடத்திய பதுவை பல்கலைக்கழகத்தின் பேராசிரியர் ஒருவர் கூறினார்.
இயேசுவின் உடலைப் போர்த்தியதென கருதப்பட்டு, பாதுக்காக்கப்படும் இந்தப் புனிதத்துணி, 14ம் நூற்றாண்டைச் சேர்ந்ததாக இருக்கலாம் என சிலரால் சந்தேகம் எழுப்பப்பட்டத்தைத் தொடர்ந்து, தற்போது இத்தாலியின் பதுவை நகர் பல்கலைக்கழகத்தில் நடத்தப்பட்டுள்ள சில முக்கிய சோதனைகள் மூலம் இது இயேசு காலத்தைய துணிதான் என்பது நிரூபணமாகியுள்ளதாக இச்சோதனைக் குழுவில் இடம்பெற்றிருந்த பேராசிரியர் ஜூலியோ ஃபாந்தி தெரிவித்தார்.  
இரு வேதியல் சோதனைகளுக்கும் ஒரு பொறியியல் சோதனைக்கும் இப்புனித துணி உட்படுத்தப்பட்டதிலிருந்து இவ்வுண்மை தெரிய வந்ததாகத் தெரிவித்த பெராசிரியர் ஃபாந்தி, அனைத்து சோதனைகள் மூலமும் கிடைத்த முடிவு என்னவெனில் இப்புனிதத்துணி, கி.மு. 33க்கும், அதைத்தொடர்ந்த 250 ஆண்டுகளுக்கும் இடைப்பட்ட காலத்தைச் சார்ந்தது என்பதேயாகும் என மேலும் உரைத்தார்.

ஆதாரம் – CathNews

5. வறட்சி பிரச்சனைகளில் கவனம் செலுத்துங்கள் என்பகிறார் மும்பை கர்தினால்

ஏப்.02,2013. மகராஷ்டிரா மாநிலத்தின் வறட்சி பிரச்சனை குறித்தும் மும்பை அரசு மருத்துவமனைகளில் குழந்தைகள் இறப்பு அதிகரிப்பு குறித்தும் பொதுமக்கள் தங்கள் கவனத்தைத் திருப்பவேண்டும் என அழைப்புவிடுத்துள்ளார் மும்பை பேராயர் கர்தினால் ஆஸ்வால்டு கிரேஷியஸ்.
பசிச்சாவுகளுக்கும் தற்கொலைகளுக்கும் இட்டுச் செல்லக்கூடிய வறட்சி அச்சுறுத்தல்களிலிருந்து விவசாயிகளைக் காக்க வேண்டியது நம் கடமையாகிறது என தன் அறிக்கையில் கூறியுள்ள கர்தினால் கிரேஷியஸ், நீர் சேமிப்பு மற்றும் உடனடி நிவாரணப்பணிகள் என்பவை போர்க்கால நடவடிக்கை போல் ஏற்று நடத்தப்பட வேண்டும் என அதில் அழைப்பு விடுத்துள்ளார்.
நகர அதிகாரிகளின் பொறுப்பற்ற போக்கினால் பொது மருத்துவமனைகளில் குழந்தைகளின் இறப்பு அதிகரித்துவருவது குறித்தும் உடனடி கவனம் செலுத்தப்பட வேண்டும் எனவும் அழைப்பு விடுத்தார் கர்தினால் கிரேஷியஸ்.
மும்பை நகரின் கிறிஸ்தவ சமூகம் 'அநீதிகளை எதிர்த்துப் போராடுவோம்' என இந்த உயிர்ப்பு விழாவின்போது தீர்மானம் ஒன்றை எடுத்துள்ளது குறிப்பிடத்தக்கது.

ஆதாரம் – UCAN

6. குருமட அதிபரின் கொலை குறித்து பெங்களூரு பேராயர்

ஏப்.02,2013. பெங்களூருவின் தூய பேதுரு குருமட அதிபர் கொலையுண்டது குறித்து தன் அதிர்ச்சியையும் அனுதாபங்களையும் தெரிவித்து செய்தி ஒன்றை வெளியிட்டுள்ளார் பெங்களூரு பேராயர் பெர்னார்டு மொராஸ்.
இம்மாதம் முதல் தேதி இடம்பெற்ற குருமட அதிபர் கே.ஜே. தாமசின் கொலை குறித்து காவல்துறையின் விசாரணைகள் இடம்பெற்றுவருவதாகவும், அவரின் அடக்குச்சடங்கு குறித்து அவர் சார்ந்திருக்கும் ஊட்டி மறைமாவட்டமே முடிவெடுக்கும் எனவும் தன் அறிக்கையில் தெரிவித்துள்ளார் பேராயர்.
எளியவராகவும், எவருக்கும் துன்பம் விளைவிக்காதவராகவும், பக்தி நிறைந்தவராகவும் விளங்கிய குருமட அதிபரின் மரணம் அனைவருக்கும் பெரும் இழப்பு எனவும் கூறியுள்ள பேராயர் மொராஸ், இக்கொலையை வன்மையாக கண்டிப்பதாகவும் தெரிவித்துள்ளார்.
கேரளாவில் பிறந்து ஊட்டி மறைமாவட்டத்தில் குருவான குரு.கே.ஜே. தாமஸ், தற்போது இரண்டாவது முறையாக அதிபர் பதவிக்கு நியமிக்கப்பட்டவர் என்பது குறிப்பிடத்தக்கது.

ஆதாரம் – CBCI

7. பீகார் முதல்வரிடம் அம்மாநில கிறிஸ்தவர்கள் விண்ணப்பம்

ஏப்.02,2013. பீகார் மாநில கிறிஸ்தவர்கள் எதிர்நோக்கும் பிரச்சனைகளுக்குத் தீர்வுகாண உதவவேண்டும் என்ற விண்ணப்பத்துடன் அம்மாநில முதல்வரைச் சந்தித்து விண்ணப்பம் ஒன்றை அளித்துள்ளது பீகார் கிறிஸ்தவ அவை.
கிறிஸ்து உயிர்ப்பு வாழ்த்துக்களை வழங்கும்பொருட்டு மாநில முதல்வர் நிதிஷ் குமாரைச் சந்தித்த கிறிஸ்தவக்குழு, மேல் அவையில் ஒரு கிறிஸ்தவர் நியமிக்கப்படுதல், மாநில சிறுபான்மையினருக்கான ஆணைக்குழுவில் ஒரு கிறிஸ்தவரை துணைத்தலைவராக நியமித்தல், எருசலேம் புனித பயணத்திற்கென கிறிஸ்தவர்களுக்கு நிதிஉதவிச்செய்தல் போன்ற விண்ணப்பங்களை முன்வைத்துள்ளது.
இதற்கிடையே, கிறிஸ்து பிறப்பு பெருவிழாவுக்கு முன்னர் சில கிறிஸ்தவ கோவில்களை வந்து சந்திக்கும்படி இந்த கிறிஸ்தவ குழு விடுத்த அழைப்பைத் தான் ஏற்பதாக அறிவித்தார் முதல்வர் நிதிஷ் குமார்.

ஆதாரம் – UCAN

ROBERT JOHN KENNEDY: உலகின் மிகப் பெரிய தீவு

ROBERT JOHN KENNEDY: உலகின் மிகப் பெரிய தீவு: உலகின் மிகப் பெரிய தீவு உலகில் ஒரு கண்டமாகக் கருதப்படாத உலகின் மிகப்பெரிய தீவு கிரீன்லாந்து (Greenland ) . ஆர்டிக் மற்றும் அட்லாண்டிக...

உலகின் மிகப் பெரிய தீவு

உலகின் மிகப் பெரிய தீவு

உலகில் ஒரு கண்டமாகக் கருதப்படாத உலகின் மிகப்பெரிய தீவு கிரீன்லாந்து (Greenland). ஆர்டிக் மற்றும் அட்லாண்டிக் பெருங்கடல்களுக்கிடையில் அமைந்துள்ள இத்தீவின் நான்கில் மூன்று பகுதி, பனியால் மூடப்பட்டுள்ளது. இங்கு மொத்தம் 56,370 மக்களே வாழ்கின்றனர் (2013ம் ஆண்டின் நிலவரப்படி). உலகில் மிகக் குறைவாக மக்கள் வாழும் பகுதியாகவும் இது உள்ளது. கானடாவிலிருந்து குடியேறிய ஆர்டிக் மக்கள், ஏறக்குறைய ஐந்தாயிரம் ஆண்டுகளாக இங்கு வாழ்ந்து வருகின்றனர். இத்தீவு, புவியியல்ரீதியில் வட அமெரிக்காவின் ஒரு பகுதியாக இருந்தாலும், அரசியல் மற்றும் கலாச்சாரரீதியில், ஆயிரம் ஆண்டுகளுக்கு மேலாக, ஐரோப்பாவுடன், குறிப்பாக, முதலில் நார்வேயுடனும், பின்னர் டென்மார்க்குடனும் தொடர்புடையதாக இருந்து வருகிறது. 1814ம் ஆண்டில் டென்மார்க்கின் காலனியாக மாறிய கிரீன்லாந்து, 1979ம் ஆண்டிலிருந்து டென்மார்க்கைச் சார்ந்த தன்னாட்சியுள்ள ஒரு பகுதியாக மாறியது. 2008ம் ஆண்டில் கிரீன்லாந்து மக்கள், அதிக அதிகாரத்துக்கு ஆதரவாக வாக்களித்ததையொட்டி, தற்போதைய புதிய அமைப்பின்படி, வெளியுறவு விவகாரம், தேசிய பாதுகாப்பு, காவல்துறை, நீதித்துறை, நிதி அமைப்பு ஆகியவை டென்மார்க்கின் கட்டுப்பாட்டில் உள்ளன. 31 நாடாளுமன்ற உறுப்பினர்களைக் கொண்ட சொந்த நாடாளுமன்றத்தையும் பிரதமரையும் கிரீன்லாந்து கொண்டுள்ளது. இத்தீவின் மொத்த பரப்பளவு 2,166,086 சதுர கிலோமீட்டர் ஆகும். உலகில் பெரிய நிலபரப்பைக் கொண்ட பகுதிகளில் கிரீன்லாந்து 13வது இடத்தில் உள்ளது. இத்தீவின் முக்கிய பொருளாதாரம் மீன்வளமாகும்.

 

ROBERT JOHN KENNEDY: Catholic News in Tamil - 01/04/13

ROBERT JOHN KENNEDY: Catholic News in Tamil - 01/04/13: 1. திருத்தந்தை பிரான்சிஸ் : உயிர்த்த கிறிஸ்துவின் சக்தி ஒவ்வொருவரையும் , குறிப்பாக , துன்புறுவோர் மற்றும் நம்பிக்கை தேவைப்படும் இடங்களைச்...

Catholic News in Tamil - 01/04/13

1. திருத்தந்தை பிரான்சிஸ் : உயிர்த்த கிறிஸ்துவின் சக்தி ஒவ்வொருவரையும், குறிப்பாக, துன்புறுவோர் மற்றும் நம்பிக்கை தேவைப்படும் இடங்களைச் சென்றடையட்டும்

2. சமுதாயத்தின் விளிம்பிற்கு ஒதுக்கப்பட்டுள்ளவர்களை திருத்தந்தை பிரான்சிஸ் அரவணைத்தார் - அருள்தந்தை Lombardi

3. மத்தியக்கிழக்குப்பகுதி பிரச்சனைகள் குறித்து முதுபெரும் தலைவர் Twal

4. வன்முறைகள் நிறுத்தப்பட யங்கூன் பேராயர் அழைப்பு

5. கிறிஸ்தவர்களுக்கு எதிரான வன்முறைகள் குறித்து இந்தோனேசிய பேராயர் கவலை

6. முடிவில்லாத கல்வாரியாகத் தெரியும் ஆப்கானிஸ்தான் நிலை விரைவில் உயிர்ப்பையும் காணவேண்டும் - அருள்தந்தை Moretti

7. மத்திய ஆப்ரிக்கக் குடியரசில் 20 இலட்சம் சிறாருக்கு அடிப்படை வசதிகள் கிடையாது

------------------------------------------------------------------------------------------------------

1. திருத்தந்தை பிரான்சிஸ் : உயிர்த்த கிறிஸ்துவின் சக்தி ஒவ்வொருவரையும், குறிப்பாக, துன்புறுவோர் மற்றும் நம்பிக்கை தேவைப்படும் இடங்களைச் சென்றடையட்டும்

ஏப்.01,2013. கிறிஸ்து தீமையை முழுமையாகவும் முடிவாகவும் வென்றுவிட்டார், ஆயினும், இவ்வெற்றியை தங்களது வாழ்விலும், வரலாறு மற்றும் சமுதாயத்தின் உண்மைத்தன்மைகளிலும் ஏற்றுக்கொள்வது நம்மைச் சார்ந்தது என்று திருத்தந்தை பிரான்சிஸ் கூறினார்.
வானதூதரின் திங்கள் என அழைக்கப்படும் உயிர்ப்பு ஞாயிறுக்கு அடுத்த நாளான திங்களன்று பகல் 12 மணிக்கு வத்திக்கான் தூய பேதுரு வளாகத்தில் கூடியிருந்த இலட்சக்கணக்கான மக்களுக்கு, அல்லேலூயா வாழ்த்தொலி உரை வழங்கிய திருத்தந்தை பிரான்சிஸ் இவ்வாறு கூறினார்.
நம்மைக் கடவுளின் பிள்ளைகளாக ஆக்கும் திருமுழுக்கும், நம்மைக் கிறிஸ்துவோடு இணைக்கும் திருநற்கருணையும் நமது வாழ்வாக மாற வேண்டுமென்றும் விசுவாசிகளிடம் கேட்டுக்கொண்ட திருத்தந்தை பிரான்சிஸ், இவை நமது எண்ணங்களிலும், நமது புரிந்துகொள்ளுதலிலும், நமது நடத்தைகளிலும், செயல்களிலும், நாம் தெரிந்தெடுப்பவைகளிலும் வெளிப்பட வேண்டுமென்றும் கூறினார்.
உமது திருஅவையை வளரச்செய்யும் எம் வானகத்தந்தையே, உமது விசுவாசிகளாகிய நாங்கள் பெற்றுக்கொண்ட விசுவாசத்தை  திருவருள்சாதன வாழ்வில் வெளிப்படுத்த உதவி செய்யும் என,  இதற்காகவே இன்றைய திருவழிபாட்டில் நாம் செபிக்கிறோம் என்றும் திருத்தந்தை கூறினார்.
பாஸ்கா திருவருள்சாதனத்தில் அடங்கியுள்ள திருவருள் நமது தனிப்பட்ட, குடும்ப மற்றும் சமூக வாழ்வைப் புதுப்பிப்பதற்கு அளவற்ற சக்தியைக் கொண்டுள்ளது என்றுரைத்த திருத்தந்தை, ஒவ்வொன்றும் மனித இதயங்களின் வழியாகச் செல்வதால், உயிர்த்த கிறிஸ்துவின் அருளோடு நாம் ஒத்துழைத்தால், நமக்கும் மற்றவருக்கும் தீமையை விளைவிப்பவற்றை அவ்வருள் நன்மையாக மாற்றும், அவ்வருள், நம் வாழ்விலும், உலகிலும் பெரிய மாற்றத்தைக் கொணரும் என்றும் கூறினார்.
இறையருளின்றி நம்மால் ஒன்றும் செய்ய இயலாது, திருமுழுக்கு மற்றும் திருநற்கருணையின் அருளால் நாம் கடவுளின் கருணையின் கருவியாக மாற முடியும் என்றும் திருத்தந்தை கூறினார்.
பாஸ்கா மறைபொருள், நம்மிலும் நம் காலத்திலும், வெறுப்பை அன்பாகவும், பொய்மையை மெய்மையாகவும், பழிவாங்குதலை மன்னிப்பாகவும், வருத்தத்தை மகிழ்ச்சியாகவும் மாற்றும்பொருட்டு அன்னைமரியின் பரிந்துரை வழியாக உயிர்த்த கிறிஸ்துவிடம் செபிப்போம் என்று தனது அல்லேலூயா வாழ்த்தொலி உரையை நிறைவு செய்து அனைவரோடும் சேர்ந்து அல்லேலூயா வாழ்த்தொலி செபத்தையும் செபித்தார் திருத்தந்தை பிரான்சிஸ்.
மேலும், வத்திக்கான் தூய பேதுரு பசிலிக்கா பேராலயத்துக்குக் கீழே இருக்கின்ற தூய பேதுருவின் கல்லறைக்கு இத்திங்கள் மாலையில் சென்று திருத்தந்தை பிரான்சிஸ் செபிப்பது இத்திங்களன்று அவரது செயல் திட்டங்களில் ஓன்றாக உள்ளது.

ஆதாரம் – வத்திக்கான் வானொலி
2. சமுதாயத்தின் விளிம்பிற்கு ஒதுக்கப்பட்டுள்ளவர்களை திருத்தந்தை பிரான்சிஸ் அரவணைத்தார் - அருள்தந்தை Lombardi

ஏப்ரல்,01,2013. சமுதாயத்தின் விளிம்பிற்கு ஒதுக்கப்பட்டுள்ள ஒரு சிறு குடும்பத்தின் உறுப்பினர்களை அரவணைக்கும் வகையில் திருத்தந்தை பிரான்சிஸ் புனித வியாழன் மாலை திருப்பலியில் இளம் கைதிகளின் பாதங்களைக் கழுவித் துடைத்தார் என்று திருப்பீடப் பேச்சாளர் இயேசு சபை அருள்தந்தை Federico Lombardi கூறினார்.
புனித வியாழன் மாலை 'இயேசுவின் இறுதி இரவுணவுத் திருப்பலி'யை உரோம் நகரில் உள்ள Casal del Marmo எனப்படும் வளர் இளம் கைதிகள் இல்லத்தில் கொண்டாடியத் திருத்தந்தை, அப்பலியின் ஒரு முக்கிய பகுதியான பாதம் கழுவும் சடங்கின்போது இரு இளம்பெண்களின் பாதங்களைக் கழுவினார் என்பதை ஒரு பிரச்சனையாக ஊடகங்கள் பேசி வந்ததற்குப் பதிலிறுக்கும் வகையில் அருள்தந்தை Lombardi விளக்கம் ஒன்றை வெளியிட்டார்.
அனைத்து மக்களின் முன்னிலையில் மேற்கொள்ளப்படும் ஒரு பொதுவான திருவழிபாட்டில் பாதம் கழுவும் சடங்கிற்கு ஆண்களே தெரிவு செய்யப்பட்டிருப்பர் என்று விளக்கம் அளித்த அருள்தந்தை Lombardi, இளம் கைதிகள் இல்லமோ ஒரு தனிப்பட்ட குழுமம் என்றும், அங்கு பெண்களை ஒதுக்கிவைப்பது பொருள் தராத சடங்காக மாறும் என்றும் கூறினார்.
அடுத்தவருக்கு பணிவிடை செய்தல் என்ற உயர்ந்ததோர் பாடத்தை இயேசு பாதம் கழுவும் சடங்கில் நமக்குச் சொல்லித்தருகிறார் என்றும், அத்தகைய உன்னதமான ஒரு செயலில் ஆண் பெண் என்ற வேறுபாடுகளுக்கு அதிக முக்கியத்துவம் தருவது அந்த எடுத்துக்காட்டின் மேன்மையைக் குறைக்கும் என்றும் அருள்தந்தை Lombardi விளக்கினார்.

ஆதாரம் – CNA

3. மத்தியக்கிழக்குப்பகுதி பிரச்சனைகள் குறித்து முதுபெரும் தலைவர் Twal

ஏப்.01,2013. அண்டைநாடுகளில் அகதிகளாக வாழும் சிரியா நாட்டு மக்கள் குறித்தும், வேறுநாடுகளில் குடியேற முயலும் மத்தியக்கிழக்குப்பகுதி கிறிஸ்தவர்கள் குறித்தும் தன் அக்கறையை வெளியிட்டுள்ளார் எருசலேம் இலத்தீன் வழிபாட்டுமுறை முதுபெரும் தலைவர் Fouad Twal.
மத்தியக்கிழக்குப்பகுதியில் பல்வேறு துன்பங்களுக்கு உள்ளாக்கப்பட்டிருக்கும் திருஅவை குறித்து இந்த உயிர்ப்புவிழாத் திருப்பலி மறையுரையில் எடுத்துரைத்த முதுபெரும் தலைவர் Twal, மத்தியக்கிழக்குப்பகுதியின் அனைத்துப் பிரச்சினைகளுக்கும் மூலகாரணமாக இருக்கும் பாலஸ்தீனியப் பிரச்சினைக்கு நீதியான தீர்வு காண சர்வதேச சமூகம் உதவவேண்டும் என்ற வேண்டுகோளை முன்வைத்தார்.
மத்தியக்கிழக்கு நாடுகளில் கிறிஸ்தவராக வாழ்வது என்பது நாம் தேர்ந்துகொண்டதல்ல, மாறாக நமக்குக் கொடுக்கப்பட்டுள்ள அழைப்பு என்றார் முதுபெரும் தலைவர் Twal.
பலவேளைகளில் வாழ்வுக்கு எதிரானதாகத் தோன்றும் சிலுவை, நமக்கு அச்சத்தைத் தரலாம், ஆனால் அது உண்மையல்ல, ஏனெனில் அன்பின் உன்னத வெளிப்பாடான சிலுவையே வாழ்வின் ஊற்றாக உள்ளது என்றார் அவர்.
தற்போதைய திருத்தந்தை பிரான்சிஸ் அவர்களை 2010ம் ஆண்டு நவம்பர் மாதம் அர்ஜென்டீனாவில் தான் சந்தித்தபோது, மத்தியக்கிழக்குப்பகுதியின் பிரச்சனை குறித்து விவாதித்ததாகவும், அப்பிரச்சினைகள் குறித்து தெரிந்துள்ள திருத்தந்தை, அதன் தீர்வுகளுக்காக உழைப்பார் என்பதில் உறுதியான நம்பிக்கைக் கொண்டுள்ளதாகவும் தெரிவித்தார் எருசலேம் இலத்தீன் வழிபாட்டுமுறை முதுபெரும் தலைவர் Twal.

ஆதாரம் – ANSA

4. வன்முறைகள் நிறுத்தப்பட யங்கூன் பேராயர் அழைப்பு

ஏப்.01,2013. மியான்மார் நாட்டின் மத்தியப்பகுதியில் அமைதி நிலவ, அந்நாட்டின் முஸ்லீம் மற்றும் புத்த மதத்தவரிடையே நடைபெறும் வன்முறைகள் நிறுத்தப்படவேண்டும் என அழைப்பு விடுத்தார் அந்நாட்டு யங்கூன் பேராயர்.
பலரின் உயிரிழப்புக்கும் பல வீடுகள் மற்றும் வழிபாட்டுத்தலங்களின் சேதமடைதலுக்கும் காரணமான அண்மை வன்முறைகள் நிறுத்தப்படவேண்டும் என தன் அறிக்கையில் அழைப்பு விடுத்துள்ள யங்கூன் பேராயர் சார்லஸ் போ, அன்பும் இரக்கமும் அனைத்து மதங்களுக்கும் பொதுவானவை என்பதையும் வலியுறுத்தியுள்ளார்.
ஒவ்வொரு மதத்தவரும் ஒருவருக்கொருவர் செவிமடுத்து ஒன்றிணைந்த நடவடிக்கைகளில் ஈடுபடவேண்டும் என்பது இன்றைய சூழலில் அவசரமானதும் அத்தியாவசியமானதும் என பேராயர் விடுத்திருந்த அழைப்பை மியான்மாரின் கிறிஸ்தவ, இஸ்லாம், புத்த மற்றும் இந்து இளைய தலைமுறையினர் வரவேற்றுள்ளது குறிப்பிடத்தக்கது.
மார்ச் மாதம் 20ம் தேதி Meikhtila எனுமிடத்தில் இஸ்லாமியர்களுக்கும் புத்த மதத்தினர்களுக்கும் இடையே துவங்கிய வன்முறைகளால் இதுவரை 42 பேர் உயிரிழந்துள்ளனர், 37 சமய நிறுவனக் கட்டிடங்களும், 1227 வீடுகளும் சேதமடைந்துள்ளன.

ஆதாரம் - ASIANEWS

5. கிறிஸ்தவர்களுக்கு எதிரான வன்முறைகள் குறித்து இந்தோனேசிய பேராயர் கவலை

ஏப்.01,2013. இந்தோனேசியாவில் தங்கள் வழிபாட்டுதலங்கள் அழிவுக்குள்ளாக்கப்பட்டுள்ளது மற்றும் வழிபாடுகள் தடைச்செய்யப்பட்டுள்ளதால் துன்பங்களை அனுபவிக்கும் அந்நாட்டு கிறிஸ்தவர்கள் குறித்து தன் ஆழ்ந்த கவலையை வெளியிட்டுள்ளார் அந்நாட்டு பேராயர் ஒருவர்.
இந்நாட்களில் வன்முறைச் சம்பவங்கள் மிக எளிதாக இடம்பெறுகிண்றன என தன் உயிர்ப்புவிழாச் சிந்தனைகளில் குறித்துள்ள செம்ராங் பேராயர் Johannes Maria Trilaksyanta Pujasumarta, பிரச்சினைகளுக்கு வன்முறைகள் ஒருநாளும் தீர்வாக முடியாது என்பதையும் அச்செய்தியில் கோடிட்டுக்காட்டியுள்ளார்.
கிறிஸ்தவர்களூக்கு எதிரான வன்முறைகள் இந்தோனேசியாவில் இடம்பெற்றுவருவது குறித்தும் தன் கவலையை வெளியிட்ட பேராயர் Pujasumarta,  கிறிஸ்தவ வழிபாட்டு தலங்கள் மற்றும் பள்ளிக்கட்டிடங்கள் தொடர்புடைய பிரச்சினைகளில், அவைகளை முறியடிக்க பிறரால் வன்முறைகள் பயன்படுத்தப்படுகின்றன என்றார்.
உள்நாட்டுப் பாதுகாப்பில் கவனம் செலுத்தவேண்டிய சில குழுக்களே கிறிஸ்தவ கட்டிடங்கள் மீதான தாக்குதல்களை ஆதரிப்பது வருத்தம் தருவதாக உள்ளது என்ற பேராயர் Pujasumarta, மார்ச் மாதம் 21ம் தேதி பெகாசி மாவட்டத்தின் கிறிஸ்தவக் கோவில் ஒன்று தல அரசு அதிகாரிகளால் இடித்து சேதமாக்கப்பட்டதையும் சுட்டிக்காட்டினார்.

ஆதாரம் - UCAN

6. முடிவில்லாத கல்வாரியாகத் தெரியும் ஆப்கானிஸ்தான் நிலை விரைவில் உயிர்ப்பையும் காணவேண்டும் - அருள்தந்தை Moretti

ஏப்ரல்,01,2013. ஆப்கானிஸ்தான் நாட்டில் போர், வெறுப்பு, வறுமை என்ற பல துன்பங்களில் பங்கேற்கும் பல்லாயிரம் மக்கள் கிறிஸ்துவின் உயிர்ப்பிலும் பங்கேற்பர் என்ற நம்பிக்கையை வெளியிட்டார், அந்நாட்டில் பணிபுரியும் ஓர் அருள் பணியாளர்.
ஆப்கானிஸ்தானில் உள்ள இத்தாலிய தூதரகத்திற்குள் அமைந்துள்ள ஒரு சிறு பங்குதளத்தில் பணியாற்றும் அருள்தந்தை Giuseppe Moretti, முடிவில்லாத கல்வாரியாகத் தெரியும் அந்நாட்டின் நிலை விரைவில் உயிர்ப்பையும் காணவேண்டும் என்று கூறினார்.
ஆப்கானிஸ்தானில் இயங்கும் திருஅவை, முன்னைய காலத்தில் உரோம் நகரைச் சுற்றி புதைகுழிகளில் வாழ்ந்த கிறிஸ்தவர்களின் வாழ்வை நினைவுருத்துகிறது என்று கூறிய அருள்தந்தை Moretti, இத்திருஅவையின் அமைதியான சாட்சிய வாழ்வு பலரையும் இறைவன் பாதத்திற்கு அழைத்து வருகிறது என்றும் கூறினார்.
99 விழுக்காடு இஸ்லாமியர்களைக் கொண்டுள்ள ஆப்கானிஸ்தானில் செயல்பட்டுவரும் அயல்நாட்டு இராணுவ வீரர்கள் மத்தியில் 6 பேர் ஆன்மீகக் குருக்களாகப் பணிபுரிகின்றனர்.
இந்த 6 அருள் பணியாளர்களும், புனித வியாழனன்று புனித எண்ணெய் அர்ச்சிக்கும் திருப்பலியில் திருத்தந்தை பிரான்சிஸ் அருள் பணியாளர்களுக்கு விடுத்த சவால்களைக் கேட்டு தங்கள் பணியில் இன்னும் ஆழப்பட்டதாக அருள்தந்தை Moretti கூறினார் என்று ஆசிய செய்தி நிறுவனம் தெரிவித்துள்ளது.

ஆதாரம் – ஆசிய செய்தி நிறுவனம்

7. மத்திய ஆப்ரிக்கக் குடியரசில் 20 இலட்சம் சிறாருக்கு அடிப்படை வசதிகள் கிடையாது

ஏப்.01,2013. மத்திய ஆப்ரிக்கக் குடியரசில் ஏறக்குறைய 20 இலட்சம் சிறார் அடிப்படை சமூகநல உதவிகள் இன்றி உள்ளனர் மற்றும் அவர்கள், Séléka புரட்சிக்குழுவின் வன்முறைக்கு உட்படும் ஆபத்தை எதிர்நோக்குகின்றனர் என்று யூனிசெப் என்ற ஐ.நா.வின் குழந்தை நல நிறுவனம் எச்சரித்துள்ளது.
ஆப்ரிக்காவில் மிகுந்த ஆபத்தை எதிர்நோக்கும் சில பகுதிகளிலுள்ள சிறாரில், மத்திய ஆப்ரிக்கக் குடியரசின் சிறாரும் உள்ளடங்குவர் என்று யூனிசெப் நிறுவனத்தின் மாகாண இயக்குனர் Manuel Fontaine கூறினார்.
மோதல்களால் பாதிக்கப்பட்டுள்ள இச்சிறாருக்கு முழு பாதுகாப்பு வழங்கப்பட வேண்டுமெனக் கேட்டுக்கொண்ட Fontaine, மத்திய ஆப்ரிக்கக் குடியரசில் ஏற்பட்டுள்ள பிரச்சனையால் குறைந்தது 41 இலட்சம் பேர் நேரிடையாகப் பாதிக்கப்பட்டுள்ளனர், இவர்களில் ஏறக்குறைய பாதிப்பேர் சிறார் என்றும் தெரிவித்தார்.
அந்நாட்டில் கடந்த டிசம்பரிலிருந்து 12 இலட்சம் பேர் அடிப்படை வசதிகளின்றி துன்புறுகின்றனர் என்றும் யூனிசெப் கூறியுள்ளது.

ஆதாரம் – ஐ.நா.செய்தி

ROBERT JOHN KENNEDY: Church of England to get its glory back

ROBERT JOHN KENNEDY: Church of England to get its glory back: Church of England to get its glory back The church is in a poor state as it is decaying for the past many years and has witnessed no ...

Church of England to get its glory back

Church of England to get its glory back

The church is in a poor state as it is decaying for the past many years and has witnessed no regular worshiping inside its premise for over a decade.

 
(Photo Courtesy: flickr.com)
Varanasi:  Efforts of restoration by a local community and the Indian National Trust for Art and Cultural Heritage (INTACH) might help the St. Mary’s Church in Varanasi get its lost glory back.

The church, popularly known as Church of England, is one of the oldest standing garrison church in India.

The church is in a poor state as it is decaying for the past many years and has witnessed no regular worshiping inside its premise for over a decade.

While INTACH has completed a detailed project report (DPR) for the restoration of the church, the Pastorate Committee appointed by the Lucknow Diocesan Trust Association (LDTA), Church of North India (CNI) for upkeep of the church is soon coming with a website of the church to encourage fund raising required for the conservation work.

According to Anita Pauline Day, secretary of the committee, the website will be launched by April end.

"The website will have detailed information about the church, the Christian groups and organisations will be contacted for the fund raising," she added. Ajay Ratan Banerjee, project coordinator of INTACH, informed that a budget of 20 million is estimated in the DPR for the restoration of the church.

Out of it, more than 10 million is estimated to be spent on the structure of the church, around 5 million would be required to clean and beautify the 12 acres of land in the church compound.

"INTACH is also seeking help from various communities and organizations to help the committee in fund raising. While restoring the Church, all the norms of construction set by Cantonment Board will be obeyed," he informed.

The locked church building has majestic architecture from inside.

While some of its architecture has already been damaged over the years, the members of the church have temporarily protected the remaining features like pulpit, the altar the stone structure where children were baptized to save any further damage to the marble structures as the bricks from the roof keep falling.

Cracks have also developed on the eight pillars, which support the remaining roof. The worship area, which was earlier lined up with furniture is now witnessing wild growth of vegetation.

"The damaged doors and windows of the church buildings paved way for thieves and mischief who have already stolen the valuables from the church," informed Pradeep Mallick, the guard appointed to look after the church.

The church was established by Rev. George Wheatly, an English officer, in 1810 in Cantonment area.

It was a garrison church used as a place of worship for the British army and other members of the European community at that time.

Church of India became the trustee of the church after Independence in 1947 and it was finally merged with CNI in 1970.

The church compound is spanned in 12 acres of land and has mass graves of soldiers and three graves of important officials of British army in its premises.

Despite the fact that no worshipping has been performed inside the building of the church for over a decade, there are about 30 members who are still associated with the church, and around 150 to 200 people of Christian community offer prayers in Hindi in the church compound outside the building twice a week.

Source: times of india

Pope Leo XIV visits the St. Oscar Romero Chapel in Chiclayo, Peru

  Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...