Friday, 21 August 2015

Caritas grapples with disaster relief

Caritas grapples with disaster relief

Volatile weather patterns catch communities off guard.

 
A Caritas worker at a house damaged after floods in Manipur in eastern India. (Photo courtesy of Caritas India)
New Delhi:  As India grapples with flooding across the country, officials from Caritas India said the organization was actively working to deal with the fallout of changing climate patterns.

More than 150 people have died in recent weeks as heavy monsoon rains have hit several states, triggering flash floods.

The situation is particularly grim in Assam in India's northeast, where more than 200,000 people are affected by the floods. In seven districts of the state, 280 villages have been flooded and 12,000 hectares of crop are currently under water.

“This is a disturbing phenomenon. Due to excessive rains, floods are coming at places where people least expect it and are not prepared for the natural calamity,” Father Frederick D'Souza, executive director of Caritas India, told ucanews.com on Aug. 20.

In the last two years, said Father D'Souza, the country has witnessed a huge loss of life and property due to floods in the hilly areas of Uttarakhand and Kashmir where people had rarely encountered such disasters before.

Attributing the increasing flash floods to global warming and climate change, the priest said that the changing weather patterns have grave implications for the farmers of the country.

“Due to these changes, farmers are struggling with drought, floods and delayed monsoons across the country, which is affecting their crops and on a larger level, their livelihood,” he added.

Youth play a vital role

Over the past decade, Caritas India has worked hard to keep up with the demand.

According to a report released on Aug. 19 by the social service agency for World Humanitarian Day, 1 million people have benefited from the group's emergency response initiatives.

According to the report, Caritas responded to 14 emergencies including tsunamis, earthquakes, flash floods and cyclones that hit the country during the past decade. The work focused primarily on the sectors of health, food, livelihood, vocational training, shelter and education.

“During this past decade, we not only provided relief and rehabilitation but also offered psycho-social support to people as the psychological effects, pain and suffering remain for a long time after any disaster,” Father D'Souza said.

A panel discussion held at the report launch in Delhi also shed light on the importance of youth in disaster management.

“Whenever a natural disaster happens, it is the local youth who respond first — even without training. So it has always been our concern on how to train the local communities so that they can respond to such emergencies more effectively,” the priest said, adding that whenever Caritas India has trained the local youth to meet such emergencies, they have seen positive results.

Murli, senior manager for the humanitarian and disaster rescue reduction department of Plan India, who also took part in the discussion, agreed youth mobilization was key.

“We have the largest youth brigade in the country, they have a major responsibility to be aware and make others aware of the disasters and the relief and rescue work needed," said Murli, who uses a single name.

He said that the government, too, should minimally train the Indian youth in carrying out rescue operations at home.

“We cannot always depend on the national disaster teams to come from outside the area and start the rescue operations. It is the local youth who can come in handy in times of need.”

Source: UCAN

செய்திகள் - 21.08.15

செய்திகள் - 21.08.15
------------------------------------------------------------------------------------------------------

1. கொலம்பிய அமைதிப் பேச்சுவார்த்தைகளுக்குத் திருப்பீடத்தின் பார்வையாளர்

2. அசிசி நகரில் இரண்டாவது பிரான்சிஸ் புறவினத்தார் மன்றம்

3. மறைபரப்புப் பணிக்கு தாராளமாக உதவுங்கள், சுவிட்சர்லாந்து ஆயர்கள்

4. இந்தியாவில் வெள்ளத்தால் பாதிக்கப்பட்டுள்ள மக்களுக்கு காரித்தாஸ் உதவி

5. பங்களாதேஷில் சிறார் கொலைகளுக்கு நீதி கேட்டு கிறிஸ்தவர்கள்

6. பாகிஸ்தானில் தெய்வநிந்தனை கைதுகளுக்கு மதத் தலைவர்கள் கண்டனம்

7. மகதலா மரியா ஊரில் இயேசு போதித்த தொழுகைக்கூடம் கண்டுபிடிப்பு

8. உலகில் சூரிய ஆற்றலில் இயங்கும் முதல் விமான நிலையம்
------------------------------------------------------------------------------------------------------

1. கொலம்பிய அமைதிப் பேச்சுவார்த்தைகளுக்குத் திருப்பீடத்தின் பார்வையாளர்

ஆக.21,2015. "தினமும் நற்செய்தியை வாசிப்பது, நாம் தன்னலத்தினின்று வெளியேறவும், மிகுந்த அர்ப்பணத்தோடு நம் ஆசிரியராம் இயேசுவைப் பின்செல்லவும் நமக்கு உதவுகின்றது" என்பது, திருத்தந்தை பிரான்சிஸ் அவர்களின் டுவிட்டர் செய்தியாக இவ்வெள்ளியன்று பதிவு செய்யப்பட்டுள்ளது.
‏@Pontifex  என்ற திருத்தந்தை பிரான்சிஸ் அவர்களின் டுவிட்டரில் ஏறக்குறைய எல்லா நாள்களிலும் ஒன்பது மொழிகளில் சிந்தனைகள் வெளியிடப்படுகின்றன. 
மேலும், கியூபா நாட்டுத் தலைநகர் ஹவானாவில் நடைபெற்றுவரும் கொலம்பிய அமைதிப் பேச்சுவார்த்தைகளுக்குத் திருப்பீடத்தின் பார்வையாளராக கொலம்பிய ஆயர் பேரவைத் தலைவரைப் பரிந்துரை செய்துள்ளார் திருத்தந்தை பிரான்சிஸ்.
கொலம்பியாவின் Tunja பேராயர் Luis Augusto Castro Quiroga அவர்களை இப்பேச்சுவார்த்தைகளுக்குப் பரிந்துரை செய்துள்ள திருத்தந்தை, இவ்வழியாக கொலம்பியாவின் அமைதி நடவடிக்கைகளுக்குத் தான் ஆதரவு வழங்க முடியும் என்று கூறியுள்ளார்.
தான் பரிந்துரைத்துள்ள நபர், கொலம்பிய அரசுக்கும், அந்நாட்டின் FARC புரட்சிக்குழுவுக்கும் ஏற்புடையவராய் இருப்பார் என்ற நம்பிக்கையையும் திருத்தந்தை தெரிவித்துள்ளார் என்று கூறப்பட்டுள்ளது. 
தென் அமெரிக்க நாடான கொலம்பியாவுக்கும், அந்நாட்டின் FARC புரட்சிக்குழுவுக்கும் இடையே கடந்த 50 ஆண்டுகளுக்கும் மேலாக இடம்பெற்றுவரும் ஆயுதம் தாங்கிய மோதல்களில், இதுவரை 2,20,000த்திற்கும் அதிகமானோர் கொல்லப்பட்டுள்ளனர் மற்றும் 25,000த்திற்கும் அதிகமானோர் தலைமறைவாகியுள்ளனர் என்று ஊடகங்கள் கூறுகின்றன.

ஆதாரம் : Fides / வத்திக்கான் வானொலி

2. அசிசி நகரில் இரண்டாவது பிரான்சிஸ் புறவினத்தார் மன்றம்

ஆக.21,2015. அசிசி நகரில், பிரான்சிஸ் புறவினத்தார் மன்றம் இரண்டாவது முறையாக வருகிற செப்டம்பர் 25, 26 மற்றும் 27 தேதிகளில் நடைபெறும் என்று திருப்பீட கலாச்சார அவைத் தலைவர் கர்தினால் ஜான்பிராங்கோ ரவாசி அவர்கள் அறிவித்துள்ளார்.
வருகிற செப்டம்பரில் அசிசி நகரில் நடைபெறும் பிரான்சிஸ் புறவினத்தார் மன்றம் குறித்து அறிக்கை வெளியிட்டுள்ள கர்தினால் ரவாசி அவர்கள், சந்தேகம், அச்சம், மோதல் ஆகியவற்றால் பாதிக்கப்பட்டுள்ள இன்றைய உலகில் மனித சமுதாயத்திற்கு உரையாடல் மிகவும் இன்றியமையாதது என்று கூறியுள்ளார்.
இவ்வாண்டு நடைபெறும் இந்தப் புறவினத்தார் மன்றம், மனிதர் என்ற தலைப்பில் இடம்பெறும் என்றும், மத நம்பிக்கையாளர்கள், மத நம்பிக்கையற்றவர்கள் ஆகிய இரு குழுக்களுக்கிடையே உரையாடலும், இக்குழுவினர் இறைவனை எப்படிப் பார்க்கின்றனர் என்பது பற்றிய பகிர்வுகளும் இடம்பெறும் என்றும் கர்தினால் ரவாசி அவர்களின் அறிக்கை கூறுகின்றது.
இந்நாள்களில் கருத்தரங்குகள், பயிற்சிப் பாசறைகள், பகிர்வுகள் என பல்வேறு நிகழ்வுகள் இடம்பெறும் என்றும், இதற்கு மூன்று ஆண்டுகளுக்கு முன்னர் 2012ம் ஆண்டில் அசிசியில், முதல் பிரான்சிஸ் புறவினத்தார் மன்றம் நடைபெற்றது என்றும் கர்தினால் ரவாசி அவர்கள் கூறியுள்ளார்.

ஆதாரம் : வத்திக்கான் வானொலி

3. மறைபரப்புப் பணிக்கு தாராளமாக உதவுங்கள், சுவிட்சர்லாந்து ஆயர்கள்

ஆக.21,2015. உலகளாவிய மறைபரப்பு ஞாயிறு நடவடிக்கைகளில் விசுவாசிகள் தாராள மனதுடன் பங்கெடுக்குமாறு வலியுறுத்தியுள்ளனர் சுவிட்சர்லாந்து நாட்டு கத்தோலிக்க ஆயர்கள்.
வருகிற அக்டோபர் 18ம் தேதி சிறப்பிக்கப்படும் உலக மறைபரப்பு ஞாயிறை கண்முன்கொண்டு சுவிட்சர்லாந்து ஆயர்கள் சார்பில் மேய்ப்புப்பணி அறிக்கை வெளியிட்டுள்ள அந்நாட்டு ஆயர் பேரவைத் தலைவர் ஆயர் Markus Büchel அவர்கள் இவ்வாறு விசுவாசிகளைக் கேட்டுக்கொண்டுள்ளார்.
"கிறிஸ்துவால் உறுதிப்படுத்தப்பட்டு நம்மை அர்ப்பணிக்கிறோம்!" என்ற விருதுவாக்குடன் அறிக்கை வெளியிட்டுள்ள ஆயர் Büchel அவர்கள், திருஅவைக்குள் ஒற்றுமையை ஊக்குவிக்கவும், மக்களுக்கு நற்செய்தி அறிவிக்கவும் இந்த உலக  மறைபரப்பு ஞாயிறு நமக்கு அறிவுறுத்துகின்றது என்று குறிப்பிட்டுள்ளார்.
இன்று உலில் 1,109 மறைமாவட்டங்கள் இக்கட்டான நிலையில் உள்ளன என்றும், இவற்றுக்கு சுவிட்சர்லாந்து விசுவாசிகள் உதவுமாறும் கேட்டுள்ளார் ஆயர் Büchel.
பாப்பிறை மறைப்பணி கழகங்களின், சுவிட்சர்லாந்து ஆயர்களின் "Missio" நிறுவனம் 118 நாடுகளில் உதவிகள் தேவைப்படும் மறைமாவட்டங்களுக்கு உதவி வருகிறது.   

ஆதாரம் : வத்திக்கான் வானொலி

4. இந்தியாவில் வெள்ளத்தால் பாதிக்கப்பட்டுள்ள மக்களுக்கு காரித்தாஸ் உதவி

ஆக.21,2015. இந்தியாவில் கடும் வெள்ளத்தால் பாதிக்கப்பட்டுள்ள மக்களுக்கு இந்திய காரித்தாஸ் நிறுவனம் உதவி வருகின்றது.
இந்தியாவின் வட கிழக்கிலுள்ள அசாம் மாநிலத்தில் 280 கிராமங்களும், 12 ஆயிரம் ஹெக்டர் சாகுபடி நிலங்களும் தண்ணீரில் மூழ்கியுள்ள வேளை, இவ்விடங்களில் பாதிக்கப்பட்டுள்ள 2 இலட்சத்துக்கு மேற்பட்ட மக்களுக்கு காரித்தாஸ் நிறுவனம் உதவி வருகின்றது.
இது குறித்துப் பேசிய இந்திய காரித்தாஸ் நிறுவன இயக்குனர் அருள்பணி ஃபிரெட்ரிக் டி சூசா அவர்கள், உலகம் வெப்பமடைந்து வருவதால் இந்தியாவில் கடந்த இரண்டு ஆண்டுகளில் வெள்ளத்தால் மக்கள் பெருமளவு பாதிக்கப்பட்டுள்ளனர் என்று கூறினார்.
மேலும், கடந்த ஆண்டில் காஷ்மீர் பள்ளத்தாக்கில் ஏற்பட்ட வெள்ளத்தில் பாதிக்கப்பட்ட மக்களுக்கு தன்னலமற்ற சேவையாற்றிய நிவாரணப் பணியாளர் Altaf Hussain Lone   அவர்களைக் கவுரவித்துள்ளது இந்திய காரித்தாஸ்.
காரித்தாஸ் நிறுவனத்தோடு முதன்முறையாக சேர்ந்து பணியாற்றிய Altaf Hussain Lone அவர்களுக்கு ஒரு சான்றிதழும், பத்தாயிரம் ரூபாய் ரொக்கமும் கொடுக்கப்பட்டது என்று அருள்பணி டி சூசா அவர்கள் கூறினார்.
ஆகஸ்ட் 19, கடந்த புதனன்று கடைப்பிடிக்கப்பட்ட உலக மனிதாபிமான நாளன்று இவ்விருது வழங்கப்பட்டது.

ஆதாரம் : UCAN / வத்திக்கான் வானொலி

5. பங்களாதேஷில் சிறார் கொலைகளுக்கு நீதி கேட்டு கிறிஸ்தவர்கள்

ஆக.21,2015.  பங்களாதேஷ் நாட்டில் அண்மையில் குற்றக் கும்பல்களால் நான்கு சிறார் கொல்லப்பட்டுள்ளதற்கு நீதி கேட்டு நூற்றுக்கணக்கான கிறிஸ்தவர்கள் இவ்வியாழனன்று டாக்காவில் மனிதச் சங்கிலி போராட்டத்தை நடத்தினர்.
குற்றவாளிகளைத் தண்டிப்பதற்கும், வலுவற்ற சிறாரைப் பாதுகாப்பதற்கும் அரசு போதிய நடவடிக்கை எடுக்கவில்லை என்று குறை கூறிய கிறிஸ்தவர்கள் இறந்த சிறாரின் ஆன்ம இளைப்பாற்றிக்காகச் செபித்தனர்.
பங்களாதேஷில் சிறாரைப் பாதுகாப்பதற்குச் சட்டங்கள் இருக்கின்றபோதிலும், அச்சட்டங்கள் நடைமுறைப்படுத்தப்படவில்லை என்றுரைத்த, அந்நாட்டு ஆயர் பேவையின் நீதி மற்றும் அமைதி ஆணையச் செயலர் அருள்பணி ஆல்பர்ட் தாமஸ் ரொசாரியோ அவர்கள், அரசின் புறக்கணிப்பு, அப்பாவிச் சிறாரின் எதிர்காலத்தை அழிக்கின்றது என்று தெரிவித்தார்.
கைபேசியைத் திருடினார் என்று குற்றம் சாட்டப்பட்டு, கடந்த திங்களன்று, முகமது ராஜா என்ற 17 வயது நிரம்பிய சிறுவனை மூன்று பேர் சேர்ந்து அடித்தே கொலை செய்துள்ளனர். பங்களாதேஷில் கடந்த ஐந்து வாரங்களில் நான்கு சிறார் கொல்லப்பட்டுள்ளனர்.

ஆதாரம் : UCAN / வத்திக்கான் வானொலி

6. பாகிஸ்தானில் தெய்வநிந்தனை கைதுகளுக்கு மதத் தலைவர்கள் கண்டனம்

ஆக.21,2015. பாகிஸ்தானில் தங்களின் தனிப்பட்ட துண்டு விளம்பரம் ஒன்றில், இறைவாக்கினர் என்ற சொல்லைப் பயன்படுத்தியதற்காக, மூன்று கிறிஸ்தவர்களும், ஒரு முஸ்லிமும் கைது செய்யப்பட்டுள்ளதற்கு அந்நாட்டு மதத் தலைவர்களும், மனித உரிமை ஆர்வலர்களும் இவ்வெள்ளியன்று எதிர்ப்பு தெரிவித்துள்ளனர்.
இறந்த ஒருவருக்கு அஞ்சலி செலுத்தும் துண்டு விளம்பரம் ஒன்றில், இறைவாக்கினர் என்ற சொல்லைப் பயன்படுத்தியதற்காக, தெய்வநிந்தனை மற்றும் பயங்கரவாதத்திற்கு எதிரான சட்டங்களின்கீழ் இந்த நால்வரும் பஞ்சாப் மாநிலத்தில் அண்மையில் கைது செய்யப்பட்டுள்ளனர்.
இக்கைது குறித்து கருத்து தெரிவித்த உள்ளூர் கிறிஸ்தவத் தலைவர் Ahsan Masih Sandu அவர்கள், Aftab Gill என்ற கிறிஸ்தவர், இறந்த தனது தந்தை Fazal Masih அவர்களுக்கு அஞ்சலி செலுத்துவதற்காக அச்சிட்ட துண்டு விளம்பரத்தில், விவிலியத்தில் வரும் இறைவாக்கினரைக் குறிப்பிட்டுள்ளார் என்று தெரிவித்தார்.
இது தவறாகப் புரிந்து கொள்ளப்பட்டுள்ளதாகத் தெரிவித்த Sandu அவர்கள், முஸ்லிம் சகோதரர்களிடம் மன்னிப்புக் கோரியுள்ளதாகவும், ஆனால் அது புறக்கணிக்கப்பட்டுள்ளதாகவும் கூறினார்.

ஆதாரம் : UCAN / வத்திக்கான் வானொலி

7. மகதலா மரியா ஊரில் இயேசு போதித்த தொழுகைக்கூடம் கண்டுபிடிப்பு

ஆக.21,2015. இஸ்ரேலின் வட பகுதியில் விலைக்கு வாங்கப்பட்ட ஒரு நிலப் பகுதியில் புதைபொருள் ஆய்வில் கண்டுபிடிக்கப்பட்டுள்ள முதல் நூற்றாண்டு தொழுகைக்கூடம் ஒன்று, புனித மகதலா மரியா அவர்கள் ஊரைச் சேர்ந்ததாக இருக்கலாம் என்று நம்பப்படுகிறது.
தொழுகைக்கூடத்தோடு, "bimah" எனப்படும் பழங்கால பலிபீடம் ஒன்றும் கண்டுபிடிக்கப்பட்டுள்ளது. இந்தப் புதைபொருள் ஆய்வை நடத்திய ஆய்வாளர்கள், இதனை “மகதலா கல்” என்று அழைத்து வருகின்றனர்.
இயேசு கலிலேயாவிலுள்ள தொழுகைக்கூடத்தில் போதித்தார் என்று நற்செய்தியில் சொல்லப்பட்டுள்ளது. இப்பகுதியில் கண்டுபிடிக்கப்பட்டுள்ள முதல் நூற்றாண்டு தொழுகைக்கூடம் இது மட்டுமே என்பதால், இப்பகுதியில் இயேசு கிறிஸ்து போதித்த தொழுகைக்கூடம் இதுவாக இருக்கலாம் என்று ஆய்வாளர்கள் கூறுகின்றனர்.
இவ்விடத்தில் ஆய்வாளர்கள் தோண்டி எடுத்துள்ள இரண்டாயிரம் ஆண்டு பழமையுடைய ஒரு குடுவை, இயேசு தொழுகைக்கூடத்தில் நுழைவதற்கு முன்னர் அவர் கரங்களைக் கழுவப் பயன்படுத்தியதாக இருக்கலாம் என்றும் நம்பப்படுகிறது.  

ஆதாரம் : Christianglobe / வத்திக்கான் வானொலி

8. உலகில் சூரிய ஆற்றலில் இயங்கும் முதல் விமான நிலையம்

ஆக.21,2015. உலகிலேயே முழுவதும் சூரிய ஆற்றலில் இயங்கும் முதல் விமான நிலையமாக, கேரளாவின் கொச்சி பன்னாட்டு விமான நிலையம் மாறியுள்ளது.
கொச்சி பன்னாட்டு விமான நிலையத்தின் கார்கோ வளாகத்தில் 45 ஏக்கர் பரப்பளவில் 46,150 சூரியத் தகடுகளை உள்ளடக்கிய 12 மெகாவாட் சூரிய ஆற்றல் மின் உற்பத்தி நிலையத்தை கேரள முதல்வர் Oommen Chandy அவர்கள் கடந்த செவ்வாயன்று திறந்து வைத்தார்.
இதில் இருந்து ஒவ்வொரு நாளும் 50 ஆயிரம் முதல் 60 ஆயிரம் யூனிட் மின்சாரம் உற்பத்தி செய்யப்படும் என்றும், தொழில்நுட்ப முறைப்படி, இவ்விமான நிலையத்தை முழுவதும் சூரிய மின் ஆற்றலால் இயக்குவதற்கு முயற்சி எடுக்கப்பட்டுள்ளது என்றும் கூறப்பட்டுள்ளது.
கொச்சி பன்னாட்டு விமான நிலையத்தை சூரிய மின் ஆற்றலால் இயக்கும் முயற்சி 2013ம் ஆண்டிலேயே துவங்கியது. முதலில் பயணிகள் வந்து சேரும் பிரிவின் மேற்கூரையில் நூறு கிலோவாட் தகடுகள் அமைக்கப்பட்டு, மின் உற்பத்தி துவங்கியது. அதன் பிறகு தகடுகளின் எண்ணிக்கை சிறிது சிறிதாக அதிகரிக்கப்பட்டது. கொல்கத்தாவைச் சேர்ந்த விக்ரம் சோலார் என்ற நிறுவனம் இத்தகடுகளை நிறுவி வருகிறது.
மூன்று மெட்ரிக் டன் நிலக்கரியை எரித்து, அதன் மூலம் எவ்வளவு கரியமில வாயு வெளியாகுமோ அந்த அளவு பாதிப்பை இன்னும் 25 ஆண்டுகளில் இந்த சூரிய மின் ஆற்றல் நிலையம் குறைக்கும். இது ஏறக்குறைய 30 இலட்சம் மரங்கள் நடுவதற்குச் சம்மாகும் என்று அறிவிக்கப்பட்டுள்ளது.

ஆதாரம் : PTI / வத்திக்கான் வானொலி

Thursday, 6 August 2015

செய்திகள் - 06.08.15

செய்திகள் - 06.08.15

------------------------------------------------------------------------------------------------------

1. கிழக்கு தீமோர் மக்களுக்கு திருத்தந்தையின் வாழ்த்துச் செய்தி

2. ஈராக் கிறிஸ்தவர்களுக்கு திருத்தந்தையின் ஆறுதல் மடல்

3. அதிலாபாத் சீரோ மலபார் மறைமாவட்டத்தின் புதிய ஆயர்

4. திருத்தந்தை அருளாளர் 6ம் பவுல் - 37ம் ஆண்டு நினைவு

5. ஹிரோஷிமா, நாகசாகியில் ஆயர்களின் செப முயற்சிகள்

6. சுற்றுச்சூழல் பாதுகாப்பிற்கென தனிப்பட்ட பணிக்குழு

7. பாலஸ்தீன இளையோர் ஓவியங்கள் அடங்கிய கண்காட்சி

8. சுற்றுச்சூழலை மையப்படுத்தி ஸ்வீடன் நாட்டில் திருப்பயணம்
------------------------------------------------------------------------------------------------------

1. கிழக்கு தீமோர் மக்களுக்கு திருத்தந்தையின் வாழ்த்துச் செய்தி

ஆக.06,2015. "நம் கிறிஸ்தவக் குடும்பங்களில் பல புண்ணிய முயற்சிகளைக் கற்றுக்கொள்கிறோம்; அனைத்துக்கும் மேலாக, எவ்விதப் பதிலிருப்பையும் எதிர்பாராமல், அன்பு செய்வதைக் கற்றுக்கொள்கிறோம்" என்ற வார்த்தைகளை, ஆகஸ்ட் 6, இவ்வியாழனன்று, தன் Twitter செய்தியாக, திருத்தந்தை பிரான்சிஸ் அவர்கள் வெளியிட்டார்.
மேலும், ஆகஸ்ட் 15, வருகிற சனிக்கிழமை, கிழக்கு தீமோர் குடியரசில், நற்செய்தி அறிவிக்கப்பட்ட 5ம் நூற்றாண்டு விழாவில் கலந்துகொள்ள, திருப்பீடச் செயலர், கர்தினால் பியெத்ரோ பரோலின் அவர்களை, தன் பிரதிநிதியாக, திருத்தந்தை பிரான்சிஸ் அவர்கள் நியமித்து, கடிதம் ஒன்றை அனுப்பியுள்ளார்.
மறைபரப்புப் பணியாளர்களின் துணிவுமிக்க, அயராத உழைப்பினால், கிழக்கு தீமோர் நாட்டில் நற்செய்தி அறிவிக்கப்பட்டதைக் கொண்டாடும் அந்நாட்டு மக்களையும், ஆயர் பேரவையையும் இறைவன் ஆசீர்வதிக்க வேண்டுமென்று திருத்தந்தை இம்மடலில் குறிப்பிட்டுள்ளார்.
அன்னை மரியா விண்ணேற்பு அடைந்த நாளான ஆகஸ்ட் 15ம் தேதியன்று, கிழக்கு தீமோரின் தலைநகரான Diliயில், இந்த நூற்றாண்டு கொண்டாடப்படும் வேளையில், அந்த அன்னை, விண்ணிலிருந்து, கிழக்கு தீமோர் மக்கள் மீது இறைவனின் அருள் வளங்களை பொழிந்தருள தனது செபம் கலந்த ஆசீரையும் திருத்தந்தை இம்மடலில் கூறியுள்ளார்.
ஆசியாவில், பிலிப்பின்ஸ் நாட்டிற்கு அடுத்தபடியாக, அதிகமான கத்தோலிக்கர்களைக் கொண்ட நாடென கருதப்படும் கிழக்கு தீமோர் நாட்டில், 88.4 விழுக்காடு மக்கள் கத்தோலிக்கர்களாக உள்ளனர்.

ஆதாரம் : வத்திக்கான் வானொலி

2. ஈராக் கிறிஸ்தவர்களுக்கு திருத்தந்தையின் ஆறுதல் மடல்

ஆக.06,2015. உலகின் பல பகுதிகளில் வதைபட்டு வரும் கிறிஸ்தவர்களின் கொடுமைகள் குறித்து குரல் கொடுக்க நான் பலமுறை ஆசித்துள்ளேன் என்று திருத்தந்தை பிரான்சிஸ் அவர்கள் கூறினார்.
2014ம் ஆண்டு, ஆகஸ்ட் 8ம் தேதி, ஈராக்கிலிருந்து விரட்டப்பட்டு, ஜோர்டான் நாட்டில் கிறிஸ்தவர்கள் அடைக்கலம் புகுந்த துயர நிகழ்வின் முதலாம் ஆண்டு நினைவைக் கடைபிடிக்கும் நிகழ்வில் கலந்துகொள்ள, தன் சார்பில், இத்தாலிய ஆயர் பேரவையின் பொதுச் செயலர், ஆயர் Galantino Nunzio அவர்களை, திருத்தந்தை அனுப்பியுள்ளார்.
ஆகஸ்ட் 6ம் தேதி முதல், 9ம் தேதி முடிய, ஜோர்டனில் பயணம் மேற்கொண்டுள்ள ஆயர் Nunzio வழியாக, எருசலேம், இலத்தீன் வழிபாட்டு முறை துணை ஆயர், Maroun Lahham அவர்களுக்கு திருத்தந்தை அனுப்பியுள்ள கடிதத்தில், கிறிஸ்தவர்கள் அனுபவித்துவரும் துயரங்கள் குறித்து கவலை வெளியிட்டுள்ளார்.
கிறிஸ்தவர்களின் துயர்களைக் கண்டு தங்கள் பார்வையை வேறுபக்கம் திருப்பிக் கொள்ளாமல், துன்புறுவோருக்கு ஆறுதலாக விளங்கும் தலத்திரு அவைக்கும், துறவு சபைகளுக்கும் தன் ஆழ்ந்த நன்றியையும், பாராட்டுதல்களையும் திருத்தந்தை பிரான்சிஸ் இம்மடலில் வெளியிட்டுள்ளார்.

ஆதாரம் : வத்திக்கான் வானொலி

3. அதிலாபாத் சீரோ மலபார் மறைமாவட்டத்தின் புதிய ஆயர்

ஆக.06,2015. இந்தியாவின் தெலங்கானா மாநிலத்தில், அதிலாபாத் (Adilabad) சீரோ மலபார் மறைமாவட்டத்தின் புதிய ஆயராக, அருள்பணி அன்டனி பிரின்ஸ் பானேங்காடன் (Antony Prince Panengaden) அவர்களை திருத்தந்தை பிரான்சிஸ் அவர்கள் இவ்வியாழனன்று நியமித்துள்ளார்.
அதிலாபாத் மறைமாவட்டத்தின் ஆயராக பணியாற்றிவந்த ஜோசப் குன்னத் (Joseph Kunnath) அவர்கள் பணிஓய்வு பெறுவதை ஏற்றுக்கொண்ட திருத்தந்தை, புதிய ஆயரை நியமித்துள்ளார்.
புதிய ஆயராகப் பணியேற்கவிருக்கும் அருள்பணி பானேங்காடன் அவர்கள், 1976ம் ஆண்டு, கேரளாவின் திருச்சூரில் பிறந்து, கார்மேல் துறவு சபையில் இணைந்தார்.
2007ம் ஆண்டு குருவாகத் திருநிலைப்படுத்தப்பட்ட அருள்பணி பானேங்காடன் அவர்கள், உரோம் நகரில் உர்பானியா பாப்பிறைப் பல்கலைக் கழகத்தில் விவிலிய இறையியலில் முனைவர் பட்டம் பெற்றுள்ளார்.
மேலும், இவ்வியாழனன்று, திருத்தந்தை பிரான்சிஸ் அவர்கள், கனடா நாட்டில் வாழும் சீரோ மலபார் கத்தோலிக்கர்களுக்கென டொரான்டோ (Toronto) நகரில், ஒரு புதிய அதிகார வட்டத்தை உருவாக்கி, அதற்கு, அருள்பணி ஜோஸ் கல்லுவேளில் (Jose Kalluvelil) அவர்களை அப்போஸ்தலிக்க நிர்வாகியாக நியமித்துள்ளார்.

ஆதாரம் : வத்திக்கான் வானொலி

4. திருத்தந்தை அருளாளர் 6ம் பவுல் - 37ம் ஆண்டு நினைவு

ஆக.06,2015. 37 ஆண்டுகளுக்கு முன், ஆகஸ்ட் 6ம் தேதி இறையடி சேர்ந்த திருத்தந்தை, அருளாளர் 6ம் பவுல் அவர்களின் நினைவாக, இவ்வியாழன் காலை வத்திக்கான் தோட்டத்தில் அமைந்துள்ள கெபியில் அல்பானோ ஆயர், Marcello Semeraro அவர்கள் திருப்பலி நிறைவேற்றினார்.
இத்தருணத்தையொட்டி, 6ம் பவுல் நிறுவனத்தின் தலைவரான, அருள்பணி Angelo Maffeis அவர்கள், வத்திக்கான் வானொலிக்கு அளித்த பேட்டியில், திருத்தந்தை 6ம் பவுல் அவர்களிடமிருந்து திருத்தந்தை பிரான்சிஸ் அவர்கள் பெருமளவு உத்வேகம் பெற்றுவருகிறார் என்று கூறினார்.
திருத்தந்தை பிரான்சிஸ் அவர்கள் வெளியிட்டுள்ள, "இறைவா உமக்கே புகழ்" என்ற அண்மையத் திருமடலில், சுற்றுச்சூழலைப் பாதுகாக்கும் முன்னேற்றம் குறித்து பேசியிருப்பது, மக்களின் முன்னேற்றம் என்று பொருள்படும் "Populorum Progressio" என்ற திருமடலில், அருளாளர் 6ம் பவுல் அவர்கள், கூறியிருக்கும் ஒருங்கிணைந்த முன்னேற்றம் என்பதன் எதிரொலியாக நாம் காணலாம் என்று அருள்பணி Maffeis அவர்கள், தன் பேட்டியில் சுட்டிக்காட்டினார்.
வருகிற செப்டம்பர் மாதம், திருத்தந்தை பிரான்சிஸ் அவர்கள் ஐ.நா.அவையில் உரை வழங்கவிருப்பதைக் குறித்து எண்ணிப்பார்க்கும்போது, ஐ.நா. அவையில் முதல் முதலாக உரையாற்றியவர், திருத்தந்தை 6ம் பவுல் என்பதையும் மறக்க இயலாது என்று அருள்பணி Maffeis அவர்கள், எடுத்துரைத்தார்.

ஆதாரம் : வத்திக்கான் வானொலி

5. ஹிரோஷிமா, நாகசாகியில் ஆயர்களின் செப முயற்சிகள்

ஆக.06,2015. ஆகஸ்ட் 6, இவ்வியாழனன்று ஹிரோஷிமா நகரில் அமைந்துள்ள உலக அமைதி பேராலயத்தில், கத்தோலிக்க ஆயர்களும், ஆங்கிலிக்கன் ஆயர்களும் இணைந்து பத்துநாள் கிறிஸ்தவ ஒன்றிப்பு செப முயற்சிகளைத் துவக்கி வைத்தனர்.
ஆகஸ்ட் 9, வருகிற ஞாயிறன்று, நாகசாகி நகரில் 100க்கும் மேற்பட்ட நாடுகளின் பிரதிநிதிகள் கலந்துகொள்ளும் நினைவுக் கூடம் நடைபெறும் என்று அறிவிக்கப்பட்டுள்ளது.
ஹிரோஷிமா, நாகசாகி ஆகிய இருநாடுகளில் அமெரிக்க ஐக்கிய நாடு மேற்கொண்ட அணுகுண்டு தாக்குதலின் 70ம் ஆண்டு நினைவாக, இவ்வியாழன் காலை 8.15 மணிக்கு, 40,000த்திற்கும் அதிகமானோர் ஹிரோஷிமா அமைதி நினைவு பூங்காவில் கூடி, அமைதி அஞ்சலி செலுத்தினர்.
ஹிரோஷிமா நகரை அணுகுண்டு தாக்கிய நேரமான, காலை 8.15 மணிக்கு, அமைதி மணி ஒவ்வோர் ஆண்டும் ஒலிக்கப்படுகிறது. அவ்வேளையில், ஹிரோஷிமா நகரின் மேயர், அணுகுண்டின் விளைவுகளைச் சந்தித்து உயிர் வாழ்ந்தோரில், கடந்த ஆண்டு இறந்தோரின் பட்டியலை வாசிப்பார்.
ஆகஸ்ட் 6ம் தேதி ஹிரோஷிமாவிலும், 9ம் தேதி நாகசாகியிலும் வீசப்பட்ட அணுகுண்டுகளால், 1,40,000த்திற்கும் அதிகமானோர் கொல்லப்பட்டனர். தொடர்ந்த ஆண்டுகளில் அணுகுண்டின் கதிர்வீச்சால் பாதிக்கப்பட்டோர் இறந்து வருகின்றனர்.
அணுகுண்டு தாக்குதலின் 70ம் ஆண்டு நிறைவு வேளையில், இதன் விளைவுகளைத் தாங்கி உயிர் வாழ்வோரின் எண்ணிக்கை ஏறத்தாழ 1,90,000 என்றும், இவர்களின் சராசரி வயது, 79.44 வருடங்கள் என்றும் ஆசிய செய்திக் குறிப்பொன்று கூறுகிறது.

ஆதாரம் : AsiaNews / வத்திக்கான் வானொலி

6. சுற்றுச்சூழல் பாதுகாப்பிற்கென தனிப்பட்ட பணிக்குழு

ஆக.06,2015. சுற்றுச்சூழல் பாதுகாப்பிற்கென தனிப்பட்டப் பணிக்குழுவை உருவாக்கும் தீர்மானத்தை, பிலிப்பின்ஸ் நாட்டில் பணியாற்றும் அனைத்து துறவு சபைகளும், அண்மையில் நிறைவேற்றின.
திருத்தந்தை பிரான்சிஸ் அவர்கள், சுற்றுச்சூழலை மையப்படுத்தி அண்மையில் வெளியிட்ட "இறைவா உமக்கே புகழ்" என்ற திருமடலின் பொருளை ஆழமாகக் கற்றுக்கொள்வதும், அத்திருமடல் வழியே திருத்தந்தை விடுக்கும் பரிந்துரைகளை நடைமுறைப்படுத்துவதும் இந்தப் பணிக்குழுவின் முக்கியப் பணி என்று துறவு சபைகள் அறிவித்துள்ளன.
காலநிலை மாற்றத்தை மனதில் கொண்டு செயலாற்றும் பல்வேறு சமுதாய அமைப்புக்களுடன், இந்தப் பணிக்குழு இணைந்து உழைக்கும் என்றும் துறவு சபையினர் கூறியுள்ளனர்.
காலநிலை மாற்றத்தையொட்டிய பணிக்குழு ஒன்றை அமைக்கும் முயற்சியில் ஆசிய ஆயர் பேரவையும் ஈடுபட்டுள்ளதென்று, ஆசிய ஆயர் பேரவையின் அறிக்கையொன்று கூறுகிறது.
86 மறைமாவட்டங்களைக் கொண்ட பிலிப்பின்ஸ் நாட்டில், 12,000த்திற்கும் அதிகமான அருள் சகோதரிகளும், 7335 அருள்பணியாளர்களும் பணியாற்றிவருவதாக, பிலிப்பின்ஸ் ஆயர் பேரவையின் புள்ளிவிவரங்கள் கூறுகின்றன.

ஆதாரம் : வத்திக்கான் வானொலி

7. பாலஸ்தீன இளையோர் ஓவியங்கள் அடங்கிய கண்காட்சி

ஆக.06,2015. காசாப் பகுதியில் வாழும் பாலஸ்தீன இளையோர் தீட்டியுள்ள ஓவியங்கள் அடங்கிய ஒரு கண்காட்சி, இலண்டன் மாநகரில் ஆகஸ்ட் 7, இவ்வெள்ளி முதல் ஆகஸ்ட் 22 முடிய மக்கள் பார்வைக்கு திறந்து வைக்கப்படுகிறது.
இஸ்ரேல் பாலஸ்தீனா நாடுகளுக்கிடையே கடந்த ஆண்டு ஜூலை 8ம் தேதி முதல், 51 நாட்கள் நடைபெற்ற மோதல்களில், 1,500க்கும் அதிகமான அப்பாவி பொதுமக்கள் கொல்லப்பட்டனர், 5,00,000த்திற்கும் அதிகமானோர் தங்கள் வீடுகளை இழந்தனர் என்று ICN கத்தோலிக்கச் செய்தி கூறுகிறது.
இந்த மோதல்களால் பாதிக்கப்பட்ட 4,00,000 த்திற்கும் அதிகமான குழந்தைகளுக்கும், இளையோருக்கும் உள்ளத்தளவில் நலம் வழங்கும் முயற்சிகளை, CFTA எனப்படும் கலாச்சார மற்றும் சுதந்திர எண்ணம் கழகம் என்ற கிறிஸ்தவ உதவி அமைப்பு மேற்கொண்டது.
CFTA அமைப்பின் வழியே, இளையோர் தங்கள் உள்ளத்து உணர்வுகளை வெளிப்படுத்தி, வரைந்துள்ள 400க்கும் அதிகமான ஓவியங்களைக் கொண்டு அமைக்கப்பட்டுள்ள கண்காட்சி, ஆகஸ்ட் 6, இவ்வியாழன் மாலை திறந்துவைக்கப்பட்டது.
இளையோரும் குழந்தைகளும் வரைந்துள்ள ஓவியங்களுடன், Heidi Levine என்ற புகைப்படக் கலைஞர், காசாப் பகுதியில் நடைபெற்ற தாக்குதல்களை பதிவு செய்துள்ள புகைப்படங்களும் இந்தக் கண்காட்சியில் வைக்கப்பட்டுள்ளன.

ஆதாரம் : ICN / வத்திக்கான் வானொலி

8. சுற்றுச்சூழலை மையப்படுத்தி ஸ்வீடன் நாட்டில் திருப்பயணம்

ஆக.06,2015. சுற்றுச்சூழலை மையப்படுத்தி ஸ்வீடன் நாட்டில் திருப்பயணம் ஒன்று மேற்கொள்ளப்பட்டுள்ளது.
ஜூலை மாதத்தின் நடுவில் ஸ்வீடன் நாட்டின் Uppsala என்ற நகரில் துவங்கிய இத்திருப்பயணம், 630 கிலோ மீட்டர் தூரம் கடந்து, செப்டம்பர் 10ம் தேதி, ஸ்வீடனின் தெற்கு பகுதியில் அமைந்துள்ள Lund என்ற நகரை அடையும் என்று அறிவிக்கப்பட்டுள்ளது.
ஒவ்வொரு நாள் காலையிலும் செபத்துடன் துவக்கப்படும் இப்பயணம், மாலை 4 மணியளவில் நிறைவுச் செய்யப்படுவதாகவும், வழியில் காணும் அனைத்து பங்கு கோவில்களிலும் இக்குழுவினர் செபவழிபாடுகள் நடத்துவதாகவும் அறிவிக்கப்பட்டுள்ளது.
இத்திருப்பயணத்தின் ஒரு தொடர் முயற்சியாக, சுற்றுச்சூழல் உலக மாநாடு நடைபெறவிருக்கும் பாரிஸ் மாநகர் நோக்கிய பயணம், செப்டம்பர் 13ம் தேதி மேற்கொள்ளப்படும் என்றும், இத்திருப்பயண அமைப்பாளர்கள் கூறியுள்ளனர்.

ஆதாரம் : வத்திக்கான் வானொலி

Pope Leo XIV visits the St. Oscar Romero Chapel in Chiclayo, Peru

  Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...