An ethnic Tamil. A Roman Catholic Priest of the Diocese of Kuzhithurai, Tamil Nadu, India. Promotes creative and alternative ministries; laity participation and progressive thinking in the Church. Believes in ecumenism, inter-faith and inter-religious dialogue. Rooted in Catholic orthodoxy and orthopraxis. Concerned in Eco-spirituality, Minimalism, and lives by the Benevolence of God.
Wednesday, 20 November 2024
Tuesday, 19 November 2024
திருத்தந்தையின் யூபிலி 2025க்கான நூல் வெளியீடு
திருத்தந்தையின் யூபிலி 2025க்கான நூல் வெளியீடு
பாலஸ்தீனிய பகுதிக்கு உணவு உதவிகளை எடுத்துச் செல்ல முடியாத நிலையில் அங்கிருந்து பசிக்கொடுமையால் வெளியேறும் மக்கள் குறித்து திருத்தந்தை மிகுந்த கவலை
கிறிஸ்டோபர் பிரான்சிஸ் - வத்திக்கான்
நவம்பர் 19, செவ்வாய்க்கிழமையன்று, "நம்பிக்கை ஒருபோதும் ஏமாற்றாது. மேலும் சிறந்த உலகை நோக்கி திருப்பயணிகள்" என்ற தலைப்பில் யூபிலி 2025க்கான நூல் ஒன்றை வெளியிட்டார் திருத்தந்தை பிரான்சிஸ்.
முதலில் இத்தாலி, இஸ்பெயின் மற்றும் தென் அமெரிக்காவில் வெளியிடப்படும் இந்நூல் விரைவில் ஏனைய பகுதிகளிலும், ஏனைய மொழிகளிலும் வெளியிடப்படும் எனவும் அறிவிக்கப்பட்டுள்ளது.
யூபிலிக்கான புத்தகம் என வெளியிடப்படும் இதில் காசாவின் இனப்படுகொலை, பாலஸ்தீனாவின் பசிக்கொடுமைகளுக்கு காரணமான போர், மனித மண்பு மதிக்கப்படல் என பல இன்றைய நிலைகள் குறித்து விவாதிக்கப்பட்டுள்ளது.
காசாவில் இடம்பெறும் மனிதாபிமான நெருக்கடிகளைக் குறித்து முழு விசாரணைகள் இடம்பெறவேண்டும் என அழைப்புவிடுக்கும் திருத்தந்தையின் நூல், மத்திய கிழக்கு அகதிகளை வரவேற்கும் நாடுகளுக்கு, குறிப்பாக ஜோர்டன், இலபனோன் போன்றவைகளுக்கு அவரின் நன்றியையும் வெளியிடுகிறது.
பாலஸ்தீனிய பகுதிக்கு உணவு உதவிகளை எடுத்துச் செல்ல முடியாத நிலையில் அங்கிருந்து பசிக்கொடுமையால் வெளியேறும் மக்கள் குறித்து திருத்தந்தை அவர்கள் மிகுந்த கவலை கொண்டுள்ளதாகவும் மேலும் அந்நூலில் தெரிவிக்கப்பட்டுள்ளது.
திருத்தந்தையின் இந்நூல் குறித்த வல்லுனர்களின் கருத்துப்படி, காசாவில் இடம்பெறுவது இனப்படுகொலைகள் என்ற வரம்புக்குள் வருவதாக திருத்தந்தை எண்ணுவதாகவும், இக்கொலைகள் குறித்து ஆழமான விசாரணைகள் இடம்பெற்று இவைகள் இனப்படுகொலைகளா என்பது குறித்து தீர்மானிக்க வேண்டும் என விரும்புவதாகவும் தெரிவித்துள்ளனர்.
நமது இதயங்களில் நுழைந்து வாழ்க்கையை மாற்றும் தூய ஆவியார்
நமது இதயங்களில் நுழைந்து வாழ்க்கையை மாற்றும் தூய ஆவியார்
மெரினா ராஜ் – வத்திக்கான்
செபம் நமது இதயத்தை கடவுளுக்காக திறக்கின்றது, தூய ஆவியார் செபத்தின் வழியாக நம்முள் நுழைந்து நமது வாழ்க்கையை மாற்றுக்கின்றார் என்றும், நம்பிக்கையை மீண்டும் மக்கள் மனதில் உருவாக்க செபிப்பது மிக முக்கியமானது என்றும் இரண்டு குறுஞ்செய்திகளின் வழியாக தனது கருத்துக்களை எடுத்துரைத்துள்ளார் திருத்தந்தை பிரான்சிஸ்.
நவம்பர் 18 திங்கள் கிழமை ஹேஸ்டாக் செப ஆண்டு என்ற தலைப்பில் வெளியிட்ட டுவிட்டர் குறுஞ்செய்தியில் இவ்வாறு தெரிவித்துள்ள திருத்தந்தை பிரான்சிஸ் அவர்கள், செபிக்கும்போது நமது இதயமானது தூய ஆவியானவருக்காக இடத்தை கொடுக்கின்றது என்றும் வலியுறுத்தியுள்ளார்.
முறைகேடுகளால் பாதிக்கப்பட்டவர்கள் மற்றும் தப்பிப்பிழைத்தவர்களுக்கான செப நாளைக் கொண்டாடும் இத்தாலியின் தலத்திருஅவைகளோடு தான் ஒன்றிணைவதாகவும், முறைகேடுகள் என்பது நம்பிக்கை துரோகம் வாழ்க்கையின் துரோகம் எனவே நம்பிக்கையை மீண்டும் உருவாக்க செபிப்பதுமிக முக்கியமானது என்றும் தனது முதல் குறுஞ்செய்தியில் குறிப்பிட்டுள்ளார் திருத்தந்தை பிரான்சிஸ்.
செபம் நமது இதயத்தை கடவுளுக்காக திறக்கின்றது, தூய ஆவியார் செபத்தின் வழியாக நம்முள் நுழைந்து நமது வாழ்க்கையை மாற்றுக்கின்றார். எனவே செபிக்கவேண்டும், நமது இதயத்தைத் திறக்க வேண்டும், தூய ஆவியாருக்கு இதயத்தில் இடமளிக்க வேண்டும் என்று தனது இரண்டாவது குறுஞ்செய்தியில் வலியுறுத்தியுள்ளார் திருத்தந்தை.
மரண தண்டனையை தடைசெய்ய அமெரிக்க அதிபருக்கு அழைப்பு
மரண தண்டனையை தடைசெய்ய அமெரிக்க அதிபருக்கு அழைப்பு
ஜெர்சிலின் டிக்ரோஸ் – வத்திக்கான்
தற்போது மரணதண்டனையை எதிர்நோக்கியுள்ள 40 பேரின் பேரையும் விடுவிக்குமாறு அமெரிக்க அதிபர் ஜோ பைடன் அவர்களுக்கு Catholic Mobilizing Network கத்தோலிக்க அமைப்பு அழைப்பு விடுத்துள்ளது.
அமெரிக்க அரசுத்தலைவர் ஜோ பைடன் அவர்களுக்கு பதவியில் இன்னும் eeRakkuRaiya9 வாரங்கள் எஞ்சியுள்ள நிலையில், கத்தோலிக்க போதனைகளைப் பின்பற்றி,மரண தண்டனையில் உள்ள 40 பேரின் உயிரைக் காப்பாற்றுவதற்கு ஒரு தனித்துவமான வாய்ப்பு உள்ளது என்றும் அமைப்பின் நிர்வாக இயக்குனர் Krisanne Vaillancourt Murphy தெரிவித்துள்ளார்.
ஒருவர் மிகக் கடுமையான குற்றம் செய்தாலும் மனித மாண்பின் அடிப்படையில் அவர்களுக்கு மரண தண்டனை நிறைவேற்றப்பட முடியாது என்று 2018ஆம் ஆண்டு திருத்தந்தை பிரான்சிஸ் அவர்கள் மீண்டும் திருஅவையின் எதிர்ப்பை வலியுறுத்தினார்.
நற்செய்தியின் ஒளியில் மரண தண்டனை ஏற்றுக் கொள்ள முடியாதது என்றும், அது தனி நபர் மற்றும் மனித மாண்பின் மீதான தாக்குதல் என்றும், உலகெங்கிலும் அரங்கேற்றப்படும் மரண தண்டனையை ஒழிப்பதற்காக திரு அவை உறுதியுடன் செயல்படும் என்றும் திரு அவையின் படிப்பினை கற்பிக்கிறது.
ஜூன் 2021இல் பைடன் அவர்கள் மரணதண்டனைகளுக்கு தற்காலிகத் தடை விதித்திருந்த நிலையில், தற்போது அமெரிக்க அரசுத்தலைவராகத் தேர்ந்தெடுக்கப்பட்டுள்ள Donald Trump அவர்கள் மரண தண்டனை குறித்த இந்த இடைநிறுத்தத்தை மாற்றியமைப்பதாக உறுதியளித்துள்ளார் என்று கூறியுள்ளார் Murphy.
மேலும், ஜனவரி மாத இறுதியில் பதவியேற்கவுள்ள Trump அவர்கள் மரண தண்டனையை விரிவுபடுத்துவதற்கும், விரைவுபடுத்துவதற்கும் உறுதி பூண்டுள்ளார் என்றும் Murphy கூறியுள்ளார்.
பழைய ஏற்பாட்டில் தன் அடிப்படையைக் கொண்ட, கடவுள் மற்றும் பிற மக்களுடன் சரியான உறவை மீண்டும் நிலைநிறுத்துவதற்கான ஒரு புனித ஆண்டு, வரவிருக்கும் இந்த நம்பிக்கையின் யூபிலி ஆண்டு என்றும், அமெரிக்க அரசுத்தலைவர் பைடன் அவர்களின் இந்த கடைசி மாதம் 2025ஆம் நம்பிக்கையின் யூபிலி ஆண்டின் தொடக்கத்துடன் பொருத்தமாக அமைகிறது என்றும் CMN அமைப்பின் நிர்வாக இயக்குனர் தெரிவித்துள்ளார்.
சிறைப்பட்டவர்களையும் ஒடுக்கப்பட்டவர்களையும் விடுவிப்பது, சமுதாயத்தை சமநிலைப் படுத்துவது போன்ற விவிலிய பாரம்பரியத்துடன் பிணைக்கப்பட்டுள்ள 2025 யூபிலி ஆண்டு, ஒரு வரலாற்றுச் சிறப்புமிக்க ஆண்டு என்றும் Murphy கூறியுள்ளார்.
கத்தோலிக்க நம்பிக்கைக் கொண்ட ஜோ பைடன் அவர்களுக்கும் இந்த சிறப்பு பொருந்தும் என்றும் கூறியுள்ள Murphy அவர்கள், இந்த யூபிலி ஆண்டு நீதி மற்றும் இரக்கத்தை மறுசீரமைக்கவும் வலியுறுத்துகிறது என்றும் தெரிவித்துள்ளார்.
திருஅவையின் மாபெரும் யூபிலி ஆண்டை முன்னிட்டு மரண தண்டனையை ஒழிக்க வேண்டும் என்றும், மன்னிப்பு மற்றும் மறுவாழ்வு போன்ற கிறிஸ்தவ விசுவாசத்திற்கு முரணான அனைத்து செயல்பாடுகளையும் அகற்றும் ஓர் ஏற்பாடாக இந்த யூபிலி ஆண்டு இருக்க வேண்டும் என்றும் திருத்தந்தை சிறப்பு அழைப்பு விடுத்துள்ளதையும் எடுத்துரைத்துள்ளார் CMN அமைப்பின் நிர்வாக இயக்குனர்.
மரண தண்டனையை முடிவுக்குக் கொண்டுவருவதற்கான நம்பிக்கையின் உறுதியான அடையாளத்தை உலகிற்கு வழங்க, அமெரிக்காவுக்கு இது ஒரு தனித்துவமான வாய்ப்பு என்றும் Murphy அவர்கள் தெரிவித்துள்ளார்.
வரலாற்று முக்கியத்துவம் வாய்ந்த இந்த முடிவை மேற்கொள்ள பைடன் அவர்களுக்கு யூபிலி ஆண்டு பொருத்தமான நேரம் என்றும் கூறிய Murphy அவர்கள், பைடன் அவர்கள் மரண தண்டனைக்குத் தடைவிதிக்கும் இந்த முடிவினை எடுத்தால் அமெரிக்காவில் மட்டுமல்ல உலகம் முழுவதும் எதிரொலியை ஏற்படுத்தும் என்றும் கூறியுள்ளார்.
Pope Leo XIV visits the St. Oscar Romero Chapel in Chiclayo, Peru
Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...
-
Kerala priest’s kidney donation inspires 15 priests to follow suit 15 priests, including a bishop and a nun, have donated their ki...
-
India still in shackles On Independence Day, is there anything to celebrate? ...
-
UN committee vice-chair accused of anti-Church bias Critic cites 'a frontal attack on the Church' in UN-Holy See meeting. ...