An ethnic Tamil. A Roman Catholic Priest of the Diocese of Kuzhithurai, Tamil Nadu, India. Promotes creative and alternative ministries; laity participation and progressive thinking in the Church. Believes in ecumenism, inter-faith and inter-religious dialogue. Rooted in Catholic orthodoxy and orthopraxis. Concerned in Eco-spirituality, Minimalism, and lives by the Benevolence of God.
Saturday, 14 August 2021
Tuesday, 3 August 2021
அனைவருக்கும் உணவு கிடைப்பது, அடிப்படை உரிமை
மேரி தெரேசா: வத்திக்கான் செய்திகள்
உரோம் நகரில் நடைபெற்ற ஐ.நா.வின் உணவு பற்றிய தயாரிப்பு மாநாட்டை முன்னிட்டு அறிக்கை வெளியிட்ட, உலகளாவிய காரித்தாஸ் நிறுவனத்தின் பொதுச்செயலர், திருவாளர் அலாய்சியஸ் ஜான் அவர்கள், எல்லாருக்கும் உணவு கிடைப்பது, மனிதரின் அடிப்படை உரிமைகளில் ஒன்றாகும் என்று கூறியுள்ளார்.
உணவு அமைப்புகள் குறித்து கொள்கைகளை வரையறுப்பது, மற்றும், அவற்றை நடைமுறைப்படுத்துவது பற்றிய அனைத்து நிலைகளிலும் இடம்பெறும் கலந்துரையாடல்களில், இயற்கை முறையில் உணவு உற்பத்தி செய்யும் உள்ளூர் விவசாயிகள், அதில் அதிகம் ஈடுபட்டுள்ள பெண்கள், மற்றும், ஏழைகளின் உரிமைகள் இணைக்கப்படவேண்டும் என்று, ஜான் அவர்கள் கேட்டுக்கொண்டார்.
எல்லாருக்கும் உணவு என்ற முயற்சிக்கு, வேதிய உரங்களைப் பயன்படுத்தி பெருமளவில் உற்பத்தி செய்யும் வேளாண்மை மட்டுமே பதிலளிப்பதாய் இருக்காது, மாறாக, உணவு சார்ந்த நியாயமான ஓர் அமைப்புமுறையில், பெண்களும், குறுநில விவசாயிகளும் இணைக்கப்படுவதே, அதற்கு உதவும் என்றும், ஜான் அவர்கள் கூறியுள்ளார்.
கோவிட்-19 பெருந்தொற்று, அனைவருக்கும் உணவு கிடைக்கும் முறைகளில் சமத்துவமற்ற நிலைகளையும், அநீதிகளையும் உருவாக்கியுள்ளது எனவும், இம்மாதங்களிலும், வரவிருக்கும் ஆண்டுகளிலும் பல இலட்சக்கணக்கான மக்கள், உணவு பாதுகாப்பின்மை மற்றும், சத்துணவு பற்றாக்குறையை எதிர்கொள்வர் எனவும், காரித்தாஸ் நிறுவனத்தின், பொதுச் செயலர் குறிப்பிட்டுள்ளார்.
பல ஆண்டுகளாக, காரித்தாஸ் நிறுவனம், மிகவும் ஏழைச் சமுதாயங்களோடு கொண்டிருந்த அனுபவங்களின் அடிப்படையில் தன் கருத்துக்களை வெளியிடுவதாகத் தெரிவித்துள்ள ஜான் அவர்கள், பாரம்பரிய இயற்கை விவசாயத்தை ஊக்குவித்தல், உள்ளூர் சந்தைகளுக்குச் சாதமாக விநியோகிக்கப்படும் பொருள்கள் பற்றி பரிசீலனை செய்தல், பொறுப்புள்ள உணவுப் பயன்பாட்டை ஊக்குவித்தல் போன்றவற்றில் கவனம் செலுத்தப்படுமாறு வலியுறுத்திக் கூறியுள்ளார்.
அனைவரையும் சகோதரர், சகோதரிகளாக நடத்தும் மனப்பான்மை தேவை
இறைவனோடும், இயேசு கிறிஸ்துவில் ஒருவர் ஒருவருடனும் இணைந்திருப்பது, நம் வேறுபாடுகளைக் களையவும், ஒரே நோக்கத்தோடு முன்னோக்கிச் செல்லவும் உதவுகிறது
கிறிஸ்டோபர் பிரான்சிஸ் - வத்திக்கான் செய்திகள்
ஆப்ரிக்க மக்கள் அனைவரும், தங்களிடையே காணப்படும் முரண்பாடுகளைக் கைவிட்டு, இயேசுவில், தங்கள் ஆணிவேரைக் கொண்டவர்களாக ஒன்றிணைந்து செயல்படவேண்டும் என அழைப்பு விடுத்துள்ளனர், ஆப்ரிக்க மற்றும் மடகாஸ்கர் ஆயர்கள்.
ஆப்ரிக்க, மற்றும் மடகாஸ்கர் ஆயர் பேரவைகளின் கூட்டமைப்பு நாள், ஜூலை 29 முதல், ஆகஸ்ட் 1, இஞ்ஞாயிறு வரை சிறப்பிக்கப்பட்டதையொட்டி, செய்தியொன்றை வெளியிட்ட அப்பகுதி ஆயர்கள், இறைவனோடும், இயேசு கிறிஸ்துவில் ஒருவர் ஒருவருடனும் இணைந்திருப்பது, நம் வேறுபாடுகளைக் களையவும், ஒரே நோக்கத்தோடு முன்னோக்கிச் செல்லவும் உதவுகிறது, என அதில் கூறியுள்ளனர்.
கடவுளுக்கு நம் வாழ்வில் முதலிடம் கொடுக்கும்போது, அனைவரையும் சகோதரர், சகோதரிகளாக நடத்தும் மனப்பான்மை பிறக்கும் எனக்கூறும் ஆயர்கள், ஆப்ரிக்க, மற்றும் மடகாஸ்கர் ஆயர் பேரவையின் நல்நோக்கங்கள் வெற்றிபெற, அனைத்து மக்களின் ஒன்றிணைந்த ஆர்வமும், தியாக மனப்பான்மையும் இன்றியமையாதவை என தங்கள் அறிக்கையில் கூறியுள்ளனர்.
1969ம் ஆண்டு ஜூலை மாதம் திருத்தந்தை புனித ஆறாம் பவுல் அவர்களால் உகாண்டாவின் கம்பாலாவில் துவக்கப்பட்ட SECAM எனப்படும், ஆப்ரிக்க, மற்றும் மடகாஸ்கர் ஆயர்களின் கூட்டமைமைப்பு, ஒவ்வோர் ஆண்டும் ஜூலை மாத இறுதியில், தன் கூட்டமைப்பு நாளை சிறப்பித்து வருகிறது.
இவ்வாண்டின் கூட்டமைப்பு நாளுக்கென அப்பகுதி ஆயர்களின் செய்தியை கையெழுத்திட்டு வெளியிட்டுள்ள அதன் தலைவர், கர்தினால் Philippe Ouédraogo அவர்கள், ஆயர்களின் பொதுநல நோக்கங்கள் நிறைவேற, மக்களின் ஒத்துழைப்பை வலியுறுத்தியுள்ளார்.
நீதித்துறையின் மனசாட்சியை உலுக்கிய ஒரு நிகழ்வு
அருள்பணி ஸ்டான் சுவாமி அவர்களின் மரணம், மக்களாட்சியின் கழுத்தை நெரிக்கும் அரசின் சட்டங்களை நீக்கவும், குடியரசைக் காக்கவும் வேண்டிய முயற்சிகளில் ஈடுபட நம்மை அழைக்கிறது – 108 சமுதாய நல அமைப்புக்கள்
ஜெரோம் லூயிஸ் - வத்திக்கான் செய்திகள்
அருள்பணி ஸ்டான் சுவாமி அவர்களின் மரணம், இந்திய நாட்டின், குறிப்பாக, நீதித்துறையின் மனசாட்சியை உலுக்கி எடுத்த ஒரு நிகழ்வு என்றும், உலகின் பார்வையில், இந்திய நீதித்துறையின் மதிப்பை, பெருமளவு தாழ்த்தியுள்ள ஒரு நிகழ்வு என்றும், இந்தியாவில் பணியாற்றும் 100க்கும் மேலான சமுதாய நல அமைப்புக்கள் இணைந்து அறிக்கையொன்றை வெளியிட்டுள்ளன.
ஜூலை 5ம் தேதி, இந்திய அரசு, மற்றும், நீதித்துறையினரால் அதிகாரப்பூர்வமாகக் கொல்லப்பட்ட 84 வயது நிரம்பிய அருள்பணி ஸ்டான் சுவாமி அவர்களின் மரணம், மக்களாட்சியின் கழுத்தை நெரிக்கும் அரசின் சட்டங்களை நீக்கவும், குடியரசைக் காக்கவும் வேண்டிய முயற்சிகளில் ஈடுபட நம்மை அழைக்கிறது என்று, இந்த அறிக்கையில் கூறப்பட்டுள்ளது.
குடிமக்கள் தங்கள் உரிமைகளுக்காகப் போராடவும், அரசின் அடக்குமுறைகளை எதிர்த்து குரல் எழுப்பவும் பெற்றுள்ள அடிப்படை உரிமைகள், படிப்படியாகப் பறிக்கப்பட்டு வருவதையும், குற்றங்களைக் குறைப்பதற்கு உருவாக்கப்பட்டுள்ள நீதித்துறை, ஆயுதம் தாங்கி அச்சுறுத்தும் ஒரு கும்பலாக மாறிவருவதையும், கடந்த பத்தாண்டுகளில், அதிகம் காணமுடிகிறது என்று இவ்வறிக்கை கூறுகிறது.
‘சட்டத்திற்கு புறம்பான நடவடிக்கைகள் தடுப்புச்சட்டம்’ என்ற பெயரில் உருவாக்கப்பட்டுள்ள UAPA என்ற அடக்குமுறை சட்டத்தின் கீழ், 2015ம் ஆண்டுக்கும் 2019ம் ஆண்டுக்கும் இடைப்பட்ட காலத்தில், 7050 பேர் கைது செய்யப்பட்டுள்ளனர் என்று கூறும் இவ்வறிக்கை, இவர்களில் 2.2 விழுக்காட்டினர் மட்டுமே குற்றவாளிகள் என்பது இதுவரை நிரூபிக்கப்பட்டுள்ளது என்று, 2021ம் ஆண்டு மார்ச் மாதம் பாராளுமன்றத்தில் சமர்ப்பிக்கப்பட்ட புள்ளிவிவரங்களை, இந்த அறிக்கையில் சுட்டிக்காட்டியுள்ளது.
ஆதாரம் ஏதுமின்றி குற்றவாளியென பழிசுமத்தப்பட்டு, கொல்லப்பட்ட அருள்பணி ஸ்டான் சுவாமி அவர்கள், குற்றமற்றவர் என்பதை நிலைநாட்டவும், அரசின் சார்பாகவும், நீதித்துறையின் சார்பாகவும் நிகழும், அநீதியான அடக்குமுறைகள் நீக்கப்படவும், ஜூலை 23, இவ்வெள்ளியன்று நாடெங்கும் பல்வேறு போராட்டங்களை மேற்கொள்ள, 108 சமுதாய நீதி அமைப்புக்கள் அழைப்பு விடுத்துள்ளன.
இதைத் தொடர்ந்து, இவ்வாண்டு ஆகஸ்ட் 15, இந்திய சுதந்திர நாள் துவங்கி, ஆகஸ்ட் 28ம் தேதி முடிய நாடெங்கும் வெவ்வேறு மாநிலங்களில், வெவ்வேறு நாள்களில், தொடர்ச்சியாக, உண்ணா நோன்பு, மற்றும் பொதுக்கூட்டங்கள் நடைபெறுவதற்கும் இவ்வமைப்பினர் அழைப்பு விடுத்துள்ளனர்.
பீமா கொரேகான் என்ற இடத்தில் வன்முறையைத் தூண்டினர் என்ற காரணத்தால் கைது செய்யப்பட்டு இன்றளவும் சிறையில் அடைக்கப்பட்டுள்ள பேராசிரியர்கள், மருத்துவர்கள், மனித உரிமை ஆர்வலர்கள், மாணவர் தலைவர்கள் ஆகியோரில், 5 பேர், மூன்று ஆண்டுகளுக்கு முன், ஆகஸ்ட் 28ம் தேதி, கைது செய்யப்பட்டனர் என்பதைச் சுட்டிக்காட்டும் இவ்வறிக்கை, அவர்கள் கைது செய்யப்பட்டதன் மூன்றாம் ஆண்டு நிறைவை நினைவுகூரும் முறையில், நாடு தழுவிய போராட்டங்களுக்கு அழைப்பு விடுத்துள்ளது.
ஜார்கண்ட் பழங்குடியினரின் தலைமைச் சங்கம், ஸ்டெர்லைட்க்கு எதிரான மக்கள் இயக்கம், பெங்களூரு இந்திய சமுதாய நிறுவனம், தமிழ்நாடு சமுதாய கண்காணிப்பு, அரசின் அடக்குமுறை மற்றும் பாலியல் வன்முறைக்கு எதிரான பெண்கள் இயக்கம், ஆகிய அமைப்புக்கள் உட்பட, 108 சமுதாய நல அமைப்புக்கள் இணைந்து இவ்வறிக்கையை வெளியிட்டுள்ளன.
Pope Leo XIV visits the St. Oscar Romero Chapel in Chiclayo, Peru
Pope Leo XIV visits the St. Oscar Romero Chapel in Chiclayo, Peru During a brief private visit to the St. Oscar Romero Chapel in Chiclayo,...
-
Kerala priest’s kidney donation inspires 15 priests to follow suit 15 priests, including a bishop and a nun, have donated their ki...
-
India still in shackles On Independence Day, is there anything to celebrate? ...
-
UN committee vice-chair accused of anti-Church bias Critic cites 'a frontal attack on the Church' in UN-Holy See meeting. ...


