ROBERT JOHN KENNEDY

Friday, 4 March 2011

robert john kennedy: Condemn the killing of Pak. Christian Minister

robert john kennedy: Condemn the killing of Pak. Christian Minister: "Dear, I express a strong condemn on the killing of Pak. only Christian minister Mr. Bhatti..... Kindly join in the expression of cond..."

Condemn the killing of Pak. Christian Minister

Dear,

I express a strong condemn on the killing of Pak.

only Christian minister Mr. Bhatti.....

Kindly join in the expression of condemn
in my face book ID: robert john kennedy.

robert john kennedy: Catholic News - hottest and latest - 03 Mar 2011

robert john kennedy: Catholic News - hottest and latest - 03 Mar 2011: "1. பிலிப்பின்ஸ் ஆயர்களுடன் திருத்தந்தை சந்திப்பு 2. சிலே அரசுத்தலைவர் பினேரா, திருத்தந்தை சந்திப்பு 3. ஐ.நா.வின் உலக உணவு திட்டக்குழுவின் த..."

Catholic News - hottest and latest - 03 Mar 2011

1. பிலிப்பின்ஸ் ஆயர்களுடன் திருத்தந்தை சந்திப்பு

2. சிலே அரசுத்தலைவர் பினேரா, திருத்தந்தை சந்திப்பு

3. ஐ.நா.வின் உலக உணவு திட்டக்குழுவின் தலைவர் திருத்தந்தையுடன் சந்திப்பு

4. திருத்தந்தை எழுதியுள்ள ஒரு புதிய நூல் மார்ச் மாதம் 10ம் தேதி வெளியாகும்

5. சிறுபான்மைத் துறையின் அமைச்சர் Shahbaz Bhattiன் படுகொலையைக் கண்டித்து பாகிஸ்தான் தலத்திருச்சபை மூன்று நாட்கள் துக்கம்

6. வத்திகானின் அனைத்துச் செய்திகளையும் திரட்டி அளிக்கும் ஒரே வலைதளம்

7. கோவாவில் மேற்கொள்ளப்பட்ட மக்கள் கணக்கெடுப்பு சரிவர நடத்தப்படவில்லை - தலத்திருச்சபை

8. பயிற்சி முடித்த விடுதலைப் புலிகள் விடுவிப்பு

----------------------------------------------------------------------------------------------------------------

1. பிலிப்பின்ஸ் ஆயர்களுடன் திருத்தந்தை சந்திப்பு

மார்ச் 03,2011. பிலிப்பின்ஸ் நாட்டில் மக்களிடையே நிலவி வரும் ஆழ்ந்த பக்தியை வளர்ப்பதும், திருச்சபையின் படிப்பினைகளையும், நன்னெறி முறைகளையும் அவர்கள் சரியாகப் புரிந்து கொள்வதற்கு உதவுவதும் ஆயர்களின் பணிகளில் முக்கியமானதென்று திருத்தந்தை 16ம் பெனடிக்ட் கூறினார்.

ஐந்தாண்டுகளுக்கு ஒருமுறை ஆயர்கள் திருத்தந்தையை வத்திக்கானில் சந்திக்கும் Ad Limina கூட்டத்தில் இவ்வியாழன் காலை பிலிப்பின்ஸ் ஆயர்களைச் சந்தித்தபோது, திருத்தந்தை இவ்வாறு கூறினார்.

ஆயர்கள் மேற்கொள்ளும் பல பணிகளில் குடும்பங்களை மையமாகக் கொண்டு செயல்பட வேண்டுமென்றும், பெற்றோர்களே குழந்தைகளின் முதல் ஆசிரியர்கள் என்பதால், அவர்களைச் சரியான திருமறைக் கோட்பாடுகளில் வழிநடத்துவது ஆயர்களின் கடமை என்றும் திருத்தந்தை வலியுறுத்தினார்.

மேலும், ஆயர்களின் பணிகளில் அவர்களுக்குப் பக்கபலமாய் செயல்படும் குருக்களின் பயிற்சியிலும் ஆயர்கள் கவனம் செலுத்த வேண்டும் என்று கூறிய திருத்தந்தை, இளம் குருக்களை வழிநடத்த வயது முதிர்ந்த குருக்கள் வழிகாட்டிகளாய் விளங்கும் வழிகளையும் ஆயர்கள் ஆராய்ந்து பார்க்க வேண்டுமென்று கேட்டுக் கொண்டார்.

“நன்மைசெய்வதில் மனம்தளாரதிருப்போமாக! நாம் தளர்ச்சி அடையாதிருந்தால், தக்க காலத்தில் அறுவடை செய்வோம்.” (கலாத்தியருக்கு எழுதிய திருமுகம் 6:9) என்ற புனித பவுலடியாரின் சொற்களைப் பிலிப்பின்ஸ் ஆயர்களிடம் எடுத்துக் கூறிய திருத்தந்தை, அவர்களும் மனம் தளராமல் நற்பணிகளைச் செய்து இறையரசைக் கட்டியெழுப்பவேண்டும் என்று வலியுறுத்திக் கூறினார்.

2. சிலே அரசுத்தலைவர் பினேரா, திருத்தந்தை சந்திப்பு

மார்ச்03,2011. தென் அமெரிக்க நாடான சிலே அரசுத்தலைவர் Sebastián Piñera Echenique வை இவ்வியாழனன்று வத்திக்கானில் சந்தித்தார் திருத்தந்தை 16ம் பெனடிக்ட்

வத்திக்கான் அப்போஸ்தலிக்க மாளிகையில் 25 நிமிடம் நடந்த இச்சந்திப்பில், சிலே நாட்டில் மனித வாழ்வையும் குடும்பத்தையும் பாதுகாத்தல், ஒருங்கிணைந்த வளர்ச்சிக்கு உதவுதல், வறுமையை ஒழிப்பதற்கு நடவடிக்கை எடுத்தல், மனித உரிமைகளை மதித்தல், சமூகத்தில் நீதியையும் அமைதியையும் பாதுகாத்தல் ஆகிய தலைப்புகள் இடம் பெற்றன..

இந்த நடவடிக்கைகளில் கத்தோலிக்கத் திருச்சபையின் பங்கும் வலியுறுத்தப்பட்டது. மேலும், இலத்தீன் அமெரிக்காவின் இன்றையச் சூழல் பற்றியும் பேசிய அவர்கள், மனிதர் ஒன்றிணைந்து வாழ்வதற்கு அடிப்படையான விழுமியங்களை ஊக்குவிப்பதில் சிலே அரசுக்கும் திருப்பீடத்திற்கும் இடையேயான புரிந்துணர்வுகள் குறித்தும் கலந்து பேசினர்.

இச்சந்திப்புக்குப் பின்னர் திருப்பீடச் செயலர் கர்தினால் தர்ச்சீசியோ பெர்த்தோனே, நாடுகளுக்கிடையே உறவுகளுக்கானத் துறைச் செயலர் பேராயர் தொமினிக் மம்பர்த்தி ஆகியோரையும் சந்தித்துப் பேசினார் சிலே அரசுத்தலைவர் Piñera.

3. ஐ.நா.வின் உலக உணவு திட்டக்குழுவின் தலைவர் திருத்தந்தையுடன் சந்திப்பு

மார்ச் 03,2011. இப்புதன் பொது மறைபோதகத்திற்குப் பிறகு திருத்தந்தை 16ம் பெனடிக்ட் WFP எனப்படும் ஐ.நா.வின் உலக உணவு திட்டக்குழுவின் தலைவரான Josette Sheeran ஐ வத்திக்கானில் தனிப்பட்ட முறையில் சந்தித்துப் பேசினார்.

ஐ.நா.அதிகாரியான Josette Sheeran லிபியாவின் எல்லைப்பகுதிகளுக்கு அண்மையில் சென்று பார்வையிட்டுத் திரும்பியுள்ளார்.

இச்சந்திப்பின் முடிவில் செய்தியாளர்களிடம் பேசிய Sheeran, லிபியாவின் தற்போதைய துன்பகரமான நெருக்கடியில் சிக்குண்டிருக்கும் மக்கள் குறித்து திருத்தந்தை ஆழ்ந்த கவலை கொண்டுள்ளதைக் காண முடிந்ததென்று கூறினார்.

உலகின் பல பகுதிகளில் உணவின்றி வாடும் அனைத்து மக்களுக்கும் திருச்சபை ஆற்றி வரும் எண்ணற்ற உதவிகளையும் ஐ.நா.அதிகாரியான Josette Sheeran எடுத்துரைத்தார்.

4. திருத்தந்தை எழுதியுள்ள ஒரு புதிய நூல் மார்ச் மாதம் 10ம் தேதி வெளியாகும்

மார்ச் 03,2011. திருத்தந்தை 16ம் பெனடிக்ட் எழுதியுள்ள ஒரு புதிய நூல் மார்ச் மாதம் 10ம் தேதி வருகிற வியாழனன்று வெளியாகும். நாசரேத்தின் இயேசு: புனித வாரம் - எருசலேம் நுழைவிலிருந்து உயிர்ப்பு வரை (Jesus of Nazareth: Holy Week -- From the Entrance into Jerusalem to the Resurrection) என்ற தலைப்பில் வெளியாகும் இப்புத்தகம் இயேசுவைக் குறித்து திருத்தந்தையின் எண்ணங்களைத் தாங்கி வரும் இரண்டாம் நூல்.

இயேசு கிறிஸ்துவைக் குறித்து திருத்தந்தை எழுதிய முதல் நூல் 2007ம் ஆண்டு வெளியானது. மார்ச் 10ம் தேதி வெளியாகவுள்ள இப்புதிய நூல் இத்தாலியம், ஆங்கிலம் ஆகிய இரு மொழிகளில் வெளியிடப்படும். வத்திக்கான் வெளியீட்டகம் இத்தாலிய மொழியிலும், Ignatius அச்சகம் ஆங்கிலத்திலும் வெளியிடும்.

ஒன்பது பிரிவுகளைக் கொண்ட இந்நூலில் இயேசுவின் எருசலேம் நுழைவு மற்றும் ஆலயத்தைச் சுத்தம் செய்தல் ஆகிய நிகழ்வுகள் முதல் பிரிவில் கூறப்பட்டுள்ளன. ஒவ்வொரு பிரிவிலும் இயேசுவின் பாடுகளின் பல நிலைகள் குறித்தும் இறுதிப் பிரிவில் இயேசுவின் உயிர்ப்பு குறித்தும் திருத்தந்தை தன் கருத்துக்களைக் கூறியுள்ளார்.

இந்நூல் வெளியீட்டையொட்டி நடத்தப்படும் பத்திரிகையாளர்கள் கூட்டத்தில் ஆயர்கள் திருப்பேராயத்தின் தலைவர் கர்தினால் Marc Ouelletம் ஜெர்மானிய எழுத்தாளர் Claudio Magrisம் கலந்து கொள்வர்.

திருத்தந்தையின் இப்புதிய நூல் ஜெர்மானிய, பிரெஞ்ச், போர்த்துகீசிய மற்றும் போலந்து மொழிகளிலும் விரைவில் வெளியிடப்படும் என்று வத்திக்கான் செய்திக் குறிப்பு கூறுகிறது.

மார்ச் 03,2011. பாகிஸ்தானில் சிறுபான்மைத் துறையின் அமைச்சராகப் பணியாற்றிய Shahbaz Bhattiன் படுகொலையை வன்மையாகக் கண்டித்து பாகிஸ்தான் தலத்திருச்சபை மூன்று நாட்கள் துக்கம் அனுசரித்து வருகிறது.

கொலையுண்ட அமைச்சரின் வீட்டிற்கு முன் இப்புதனன்று நூற்றுக்கணக்கான கிறிஸ்தவர்கள் ஒன்று திரண்டு தங்கள் எதிர்ப்பை தெரிவித்தனர்.

சிறுபான்மையினர் தங்கள் நாட்டில் எல்லா உரிமைகளையும் அனுபவித்து வருகின்றனர் என்று வெறும் வாய் வார்த்தைகளாய் கூறிவரும் பாகிஸ்தான் அரசு, இந்நாட்டில் செயல்படும் தீவிரவாத அமைப்புக்களைக் கட்டுப்படுத்த உடனடியாகச் செயல்பட வேண்டும் என்று பாகிஸ்தான் ஆயர்கள் பேரவை வெளியிட்ட கண்டன அறிக்கையில் கூறப்பட்டுள்ளது.

அமைச்சர் Bhattiன் படுகொலையை எதிர்த்து கிறிஸ்தவ பள்ளிகள், மற்றும் பிற நிறுவனங்கள் இப்புதன் முதல் மூன்று நாட்கள் மூடப்படும் என்று தலத்திருச்சபை அறிவித்துள்ளது.

இந்தப் படுகொலையை பாகிஸ்தான் அரசுத் தலைவர் Asif Ali Zardariயும், பாகிஸ்தான் முஸ்லிம் லீக் தலைவர்களும் வன்மையாகக் கண்டித்துள்ளனர்.

பாகிஸ்தானில் நிலவி வரும் தேவநிந்தனை சட்டத்தை அகற்றுமாறு குரல் கொடுத்து வந்தவர்கள் பஞ்சாப் மாநில முதல்வர் Salman Taseerம், அமைச்சர் Shahbaz Bhattiம் என்பது குறிப்பிடத் தக்கது.

இவ்விருவரில், பஞ்சாப் ஆளுநர் Salman Taseer இவ்வாண்டு சனவரி 4ம் தேதி தனது மெய்க்காப்பாளரால் சுட்டுக் கொல்லப்பட்டார். மார்ச் 2 இப்புதனன்று அமைச்சர் Shahbaz Bhatti அடையாளம் தெரியாத நபர்களால் சரமாரியாகச் சுட்டுக் கொலை செய்யப்பட்டுள்ளார்.

6. வத்திகானின் அனைத்துச் செய்திகளையும் திரட்டி அளிக்கும் ஒரே வலைதளம்

மார்ச் 03,2011. வத்திகான் வானொலி, வத்திக்கான் செய்தித்தாள் L'Osservatore Romano, FIDES செய்தி நிறுவனம் போன்ற வத்திக்கானின் பல்வேறு தொடர்புத் துறைகளில் வெளியாகும் அனைத்துச் செய்திகளையும் திரட்டி ஒரே வலைதளத்தில் அளிக்கும் முயற்சி இவ்வாண்டு உயிர்ப்புத் திருநாளுக்கு முன் துவங்கும் என்று வத்திக்கான் தொடர்புத் துறைக்கான திருப்பீட அவை அறிவித்துள்ளது.

இத்திருப்பீட அவையின் தலைவரான பேராயர் Claudio Maria Celli இவ்வவையின் ஆண்டு கூட்டத்தில் இப்புதனன்று பேசியபோது, இவ்வலைத் தளம் உயிர்ப்பு ஞாயிறான ஏப்ரல் 24க்கு முன் ஆங்கிலம், இத்தாலியம் ஆகிய இரு மொழிகளில் துவங்கப்படும் என்றும் விரைவில் பிற மொழிகளில் இம்முயற்சிகள் மேற்கொள்ளப்படும் என்றும் அறிவித்தார்.

தொடர்புத் துறையில் ஒவ்வொரு நாளும் காணப்படும் மாற்றங்களுக்கு ஈடுகொடுத்து திருச்சபை முயற்சிகளை மேற்கொள்வது நல்லதொரு அடையாளம் என்று பாப்பிறை சலேசியப் பல்கலைக் கழகத்தின் தொடர்புத் துறை முதல்வர் அருள்தந்தை Franco Lever கூறினார்.

மார்ச் 03,2011. வட இந்தியப் பகுதியில் உள்ள கோவாவில் மேற்கொள்ளப்பட்ட மக்கள் கணக்கெடுப்பு சரிவர நடத்தப்படவில்லையென்று கோவா காங்கிரஸ் கட்சி அதிகாரிகள் மத்திய அரசிடம் முறையிட்டுள்ளனர்.

அண்மையில் அரசு மேற்கொண்ட மக்கள் கணக்கெடுப்பில், கப்பல்களில் பணி செய்யும் பலர் விடப்பட்டுள்ளனர் என்று கோவா காங்கிரஸ் கட்சியின் Altinho Gomes இப்புதனன்று புது டில்லியில் சோனியா காந்தியைச் சந்தித்து கூறினார்.

இதே குறையைச் சுட்டிக் காட்டி, கோவா தலத்திருச்சபை அதிகாரிகள் இத்திங்களன்று புது டில்லியில் உள்ள மக்கள் கணக்கெடுப்பு ஆணையத்தின் அதிகாரிக்குக் கடிதம் ஒன்றை எழுதியுள்ளனர் என்பது குறிப்பிடத்தக்கது.

கோவாவில் இருந்து வெளி நாடுகளில் பணி செய்யப்போகின்றவர்களில் 74 விழுக்காட்டினர் கிறிஸ்தவர்களாய் இருக்கின்றனர் என்றும், இவர்களையும் மக்கள் கணக்கெடுப்பில் சேர்த்துக் கொள்ள வேண்டுமென்றும் தலத்திருச்சபை கணக்கெடுப்பு ஆணையத்தைக் கேட்டுக் கொண்டுள்ளது.

8. பயிற்சி முடித்த விடுதலைப் புலிகள் விடுவிப்பு

விடுதலைப் புலிகள் அமைப்பிலிருந்து பின்னர் இராணுவத்தினரிடம் சரணடைந்து புனர்வாழ்வுப் பயிற்சியை முடித்துக் கொண்ட மூன்று இளம் பெண்கள் உட்பட 106 பேர் சிவராத்திரியை முன்னிட்டு விடுதலை செய்யப்பட்டுள்ளனர்.

ஏற்கனவே விடுதலை செய்யப்பட்டு புனர்வாழ்வு ஆணையளாரின் விசேட ஏற்பாட்டில் முன்பள்ளி ஆசிரியைகளுக்கான பயிற்சி நெறியை முடித்துக் கொண்ட 26 இளம் பெண்களுக்குச் சான்றிதழ்களும் வழங்கப்பட்டிருக்கின்றன.

இந்தப் பயிற்சிகளுக்கு லீட்ஸ் எனப்படும் தொண்டு நிறுவனம் உதவித்தொகைகளை வழங்கியிருந்தது. துறைசார்ந்த ஆசிரியர்கள், விரிவுரையாளர்களைக் கொண்டு இந்தப் பயிற்சியை இலங்கையின் வடமாநில கல்வி அமைச்சு வழங்கியிருந்ததாக அரசு அதிகாரி செல்வி ஜெயா தம்பையா கூறினார்.

இந்த இளம் பெண்கள் சமூகத்தில் நம்பிக்கையோடு இணைவதற்கு வசதியாக முன்பள்ளி ஆசிரியைகளுக்கான இந்தப் பயிற்சியை ஏற்பாடு செய்திருந்ததாக லீட்ஸ் நிறுவனம் கூறுகின்றது.

இதற்கிடையில் இன்னும் 4500 பேர் புனர்வாழ்வு மையங்களில் பயிற்சி பெற்று வருவதாகவும். அவர்களும் படிப்படியாக விடுதலை செய்யப்படுவர் என்றும் புனர்வாழ்வு ஆணையாளர் நாயகம் பிரிகேடியர் சுதந்த இரணசிங்க பிபிசி செய்தி நிறுவனத்திடம் கூறினார்.

Thursday, 3 March 2011

robert john kennedy: Catholic News - hottest and latest - 02 Mar 2011

robert john kennedy: Catholic News - hottest and latest - 02 Mar 2011: "1. பாகிஸ்தான் அமைச்சர் கொலை செய்யப்பட்டதற்கு வத்திக்கான் கடும் கண்டனம் 2. அமைச்சர் Shahbaz Bhatti கொலை செய்யப்பட்டதையொட்டி பாகிஸ்தான், இந்தி..."

Catholic News - hottest and latest - 02 Mar 2011

1. பாகிஸ்தான் அமைச்சர் கொலை செய்யப்பட்டதற்கு வத்திக்கான் கடும் கண்டனம்

2. அமைச்சர் Shahbaz Bhatti கொலை செய்யப்பட்டதையொட்டி பாகிஸ்தான், இந்தியக் கிறிஸ்தவர்கள் கண்டனம்

3. ஆள்வோரின் கட்டுப்பாட்டுக் கருவியாக கல்வி செயல்படக்கூடாது - வத்திக்கான் அதிகாரி

4. அன்பு, மனித மாண்பு இவைகளின் அடிப்படையில் இளையோர் வளர்க்கப்பட்டால், வருங்காலம் உறுதியான வகையில் அமையும் - ஸ்பெயின் நாட்டின் கர்தினால்

5. லிபியாவிலிருந்து வெளியேற விரும்பும் எரித்ரிய நாட்டவர்களுக்கு உதவும்படி திருப்பீடத் தூதர் வேண்டுகோள்

6. இந்தியாவின் மத்திய நிதிநிலை அறிக்கை மகிழ்ச்சி தருகிறது - இந்திய ஆயர்கள் பேரவையின் அதிகாரப்பூர்வப் பேச்சாளர்

7. இந்திய கிறிஸ்தவ, மற்றும் இஸ்லாமிய தலித் அமைப்புக்கள் மாநிலங்கள் தேர்தல்களைப் புறக்கணிக்க முடிவு

8. இந்தியாவில் ஐந்து மாதங்களில் 5,000 சிறுவர்கள் விற்பனை

----------------------------------------------------------------------------------------------------------------

1. பாகிஸ்தான் அமைச்சர் கொலை செய்யப்பட்டதற்கு வத்திக்கான் கடும் கண்டனம்

மார்ச் 02,2011. பாகிஸ்தான் மத்திய அமைச்சரவையில் ஒரே கிறிஸ்தவ அமைச்சராக இருந்த Shabbaz Bhatti சுட்டுக் கொல்லப்பட்டுள்ளது குறித்து வத்திக்கான் தனது கடுமையான கண்டனத்தை வெளியிட்டுள்ளது.

பாகிஸ்தானின் சிறுபான்மைத் துறை அமைச்சரான 42 வயது கத்தோலிக்கர் Shabbaz Bhatti இப்புதன் உள்ளூர் நேரம் பகல் 11.20 மணியளவில் தனது வாகனத்தில் வீட்டை விட்டு வெளியேறியவுடன் முகமூடி அணிந்த நான்கு பேர் துப்பாக்கிகளுடன் அவரின் வாகனத்தைச் சூழ்ந்து குண்டுகளைச் சரமாரிச் சுட்டதில் அவர் இறந்தார்.

இந்த வன்முறை, "வலிமைமிக்கக் கொடுஞ்செயல்" என்று கூறியத் திருப்பீடப் பேச்சாளர் இயேசு சபை அருட்தந்தை பெடரிக்கோ லொம்பார்தி, அந்தப் பகுதியில் கிறிஸ்தவர்கள் எதிர்நோக்கும் ஆபத்து குறித்து திருத்தந்தை கொடுத்து வரும் எச்சரிகைகள் இச்செயல் மூலம் முழுவதும் நியாயப்படுத்தப்படுகின்றன என்று தெரிவித்தார்.

கொல்லப்பட்டுள்ள அமைச்சர் Shabbaz Bhatti கடந்த செப்டம்பரில் திருத்தந்தை 16ம் பெனடிக்டை வத்திக்கானில் சந்தித்தார் என்றும், முஸ்லீம்களைப் பெரும்பான்மையாகக் கொண்ட பாகிஸ்தானில் சமயக் குழுக்கள் மத்தியில் அமைதி நிறைந்த உறவுகளைக் கட்டி எழுப்பத் தன்னை அர்ப்பணிக்க இவர் உறுதி வழங்கினார் என்றும் அருட்தந்தை லொம்பார்தி கூறினார்.

பாகிஸ்தானில் "வன்முறை மற்றும் அடக்குமுறைகளிலிருந்து" கிறிஸ்தவர்கள் பாதுகாக்கப்படுமாறும் அவர்களின் சமய சுதந்திரம் காக்கப்படுமாறும் திருப்பீடப் பேச்சாளர் அழைப்பு விடுத்தார்.

மார்ச் 02,2011. மேலும், கத்தோலிக்க அமைச்சர் Shahbaz Bhatti சுட்டு கொல்லப்பட்டது குறித்து பாகிஸ்தான் பிரதமர் Syed Yousuf Raza Gilani, இந்தியக் கிறிஸ்தவர்கள் உட்பட அந்நாட்டுக் கத்தோலிக்க மற்று்ம் பிற கிறிஸ்தவ சபைத் தலைவர்கள் தங்கள் கண்டனத்தைத் தெரிவித்துள்ளனர்.

இந்தக் கொலைச் சம்பவத்தை முன்னிட்டு இப்புதன் மாலை லாகூர் பேராயர் இல்லத்திற்கு அருகிலுள்ள இயேசுவின் திரு இதயப் பேராலயத்தில் கத்தோலிக்க மற்று்ம் பிற கிறிஸ்தவ சபைத் தலைவர்களின் கூட்டத்திற்கு செய்த லாகூர் குருகுல முதல்வர் அருட்திரு ஆண்ட்ரு நிசாரி (Andrew Nisari), இவ்வன்முறையை வன்மையாயக் கண்டித்தார்.

இந்த நாட்டில் மாற்றுக் கருத்தை யாரும் கொண்டிருக்க முடியாது என்பதை இந்த வன்செயல் காட்டுகின்றது என்றுரைத்த குரு நிசாரி, பாகிஸ்தானில் இம்மாதிரியானப் போக்குத் தொடர்ந்தால் அது தோல்வியடைந்த நாடாக மட்டுமல்லாமல், அனைத்துலக சமுதாயத்தால் தனிமைப்படுத்தப்படும் என்றும் எச்சரித்தார்.

இன்னும், இந்தக் கொலைச் சம்பவம் சிறுபான்மையினருக்கு மட்டுமல்லாமல், மனித சமுதாயத்துக்கே வேதனையையும் கவலையையும் தருகின்றது என்றுரைத்த இஸ்லாமாபாத்-ராவல்பிண்டி ஆயர் ரூஃபின் அந்தோணி, இது சிறுபான்மையினருக்கும் அரசுக்கும் உண்மை நிலையை வெளிப்படுத்துவதாக இருக்க வேண்டும் என்று கூறினார்.

லாகூரில் பொதுநிலைக் கிறிஸ்தவர்களும் போராட்டங்கள் மற்றும் கண்டனக் கூட்டங்கள் நடத்துவதற்குத் தயாரித்து வருகின்றனர்.

பாகிஸ்தான் கிறிஸ்தவருடன் தங்களது தோழமை உணர்வைத் தெரிவித்த இந்தியக் கிறிஸ்தவர்கள், தேவநிந்தனைச் சட்டம் திரும்பப் பெறுமாறும் கேட்டுள்ளனர்.

2008ம் ஆண்டு நவம்பர் 2ம் தேதி சிறுபான்மைத் துறை அமைச்சராக நியமிக்கப்பட்ட முதல் கத்தோலிக்கரான Shabbaz Bhatti, சமய சுதந்திரம், அமைதி, மனித உரிமைகள் பாதுகாப்பு ஆகியவற்றுக்கான அவரின் முயற்சிகளுக்கு எண்ணற்ற சர்வதேச விருதுகளைப் பெற்றிருப்பவர். தேவநிந்தனைச் சட்டத்திற்கு எதிராகக் குரல் கொடுத்து வந்தவர்

மார்ச் 02,2011. மனித மாண்பில் ஊன்றப்படாமல், மதம் மற்றும் கலாச்சாரத்தின் மதிப்பீடுகளை மதிக்காமல் வழங்கப்படும் கல்வி, அறிவை வளர்ப்பதற்குப் பதிலாக, ஆள்வோரின் கட்டுப்பாட்டுக் கருவியாக மட்டுமே செயல்படும் என்று வத்திக்கான் அதிகாரி கூறினார்.

பெண்களின் தற்போதைய நிலைக்கான ஐ.நா. கழகத்தின் கூட்டமொன்றில் ஐ.நா.வுக்கான திருப்பீடத்தின் நிரந்தரப் பார்வையாளரான பேராயர் பிரான்சிஸ் சுல்லிக்காட்டின் சார்பாக, இத்திங்களன்று பேசிய Jane Adolphe, பெண்களுக்குரிய கல்வியின் அவசியத்தைக் குறித்துப் பேசுகையில் இவ்வாறு கூறினார்.

இறைவன் வகுத்துள்ள பல இயற்கை விதிகளில் பொதிந்துள்ள மதிப்பீடுகளின் அடிப்படையில் உருவாகும் கல்வியே மனித குலத்திற்குப் பயனுள்ளதாய் இருக்கும் என்று Adolphe எடுத்துரைத்தார்.

கருக்கலைப்பு, பெண் சிசுக்கொலை துவங்கி, சிறுமிகளுக்கும் பெண்களுக்கும் எதிராக இழைக்கப்படும் பல்வேறு வன்முறைகளிலிருந்து இவர்களைக் காப்பதற்கு திருச்சபை அளித்துள்ள பல்வேறு கருத்துக்களை மனதில் கொள்வது நல்லதென்று அவர் சுட்டிக் காட்டினார்.

பெண்களின் முன்னேற்றத்திற்கென இவ்வெள்ளி வரை நியூயார்க்கில் உள்ள ஐ.நா.வின் தலைமையகத்தில் நடைபெறும் இக்கூட்டத்தில் பேசிய திருப்பீட அதிகாரி Jane Adolphe, கருவறையிலிருந்து கல்லறை வரை பெண்களுக்கு வழங்கப்பட வேண்டிய உரிமைகளைக் குறித்து வலியுறுத்திப் பேசினார்.

மார்ச் 02,2011. உறுதியான கிறிஸ்தவ குடும்பங்களைச் சார்ந்தே எதிர்கால சந்ததிகள் அமைந்துள்ளன என்று கர்தினால் Antonio Maria Rouco Varela கூறினார்.

ஆகஸ்ட் மாதம் ஸ்பெயின் நாட்டின் மத்ரித் நகரில் நடைபெறவிருக்கும் உலக இளையோர் நாளையொட்டி, அண்மையில் ஸ்பெயின் கத்தோலிக்க ஆயர்கள் பேரவை நடத்தியக் கூட்டத்தில் தலைமை உரையாற்றிய அப்பேரவையின் தலைவரும், மத்ரித் பெராயருமான கர்தினால் Varela இவ்வாறு கூறினார்.

மனித அன்பு, மனித மாண்பு இவைகளின் அடிப்படையில் குடும்பங்களிலும் பள்ளிகளிலும் பங்குத் தளங்களிலும் சிறுவயது முதல் நமது இளையோர் வளர்க்கப்பட்டால், வருங்காலம் உறுதியான வகையில் அமையும் என்று கர்தினால் Varela சுட்டிக் காட்டினார்.

பள்ளிக் கல்வியில் பெற்றோர் மற்றும் குடும்பத்தினர் அக்கறை காட்டவில்லையெனில், பள்ளிகளில் தரப்படும் கல்வியின் தரம் வெகுவாக குறைந்து விடும் என்றும், குடும்பம், பள்ளி, பங்கு ஆகிய அனைத்தும் ஒருங்கிணைந்து உழைப்பதே வருங்காலத்தை வடிவமைக்கும் என்றும் கர்தினால் வலியுறுத்தினார்.

தன்னலத்தையே பெரிதுபடுத்தும் இன்றைய உலகில் தவிக்கும் இளையோருக்கு அன்பை அடித்தளமாய் கொண்ட குடும்ப வாழ்வே உறுதியாக அமையும் என்று எடுத்துச் சொல்வது அனைவரின் கடமையாகிறது என்று கர்தினால் Varela எடுத்துரைத்தார்.

மார்ச் 02,2011. உள்நாட்டுப் போரையொத்த ஒரு சூழ்நிலை உருவாகியுள்ள இந்நேரத்தில் லிபியாவிலிருந்து வெளியேற விரும்பும் எரித்ரிய நாட்டவர்களுக்கு உதவும்படி லிபியாவுக்கான திருப்பீடத் தூதர் வேண்டுகோள் விடுத்துள்ளார்.

Tripoliயில் உள்ள திருப்பீடத் தூதரான பேராயர் Tommaso Caputo FIDES செய்தி நிறுவனத்திற்கு இத்திங்களன்று அனுப்பியுள்ள ஒரு விண்ணப்பத்தில் இவ்வாறு கூறியுள்ளார்.

எரித்ரிய நாட்டைச் சார்ந்த ஏறத்தாழ 2000 பேர் தற்போது அங்குள்ள கோவில்களில் தங்கியுள்ளனர் என்றும் அவர்களுக்கு உதவிகள் செய்யமுடியாமல் தலத் திருச்சபை பல நெருக்கடிகளைச் சந்திக்க வேண்டியுள்ளதென்றும் பேராயர் Caputo கூறினார்.

தற்போது Tripoliயில் ஓரளவு அமைதி நிலவுகிறது என்றாலும், இது எத்தனை நாள் நீடிக்கும் என்று தெரியாது என்றும், எரித்ரிய மக்களில் பெரும்பாலும் அவதிப்படுவது குழந்தைகளும், பெண்களுமே என்றும் பேராயர் எடுத்துரைத்தார்.

லிபியாவில் நடைபெற்றுவரும் போராட்டத்தால் பாதிக்கப்பட்டுள்ள கிறிஸ்தவர் மற்றும் பிற மதத்தினர் அனைவருக்கும் தலத்திருச்சபை சார்பில் பல்வேறு துறவறக் குழுக்களும், தனிப்பட்ட மனிதர்களும் உதவி வருகின்றனர் என்று FIDES செய்தி கூறுகின்றது.

மார்ச் 02,2011. இச்செவ்வாயன்று இந்திய பாராளு மன்றத்தில் சமர்ப்பிக்கப்பட்ட மத்திய நிதிநிலை அறிக்கையைக் குறித்து தன் மகிழ்வைத் தெரிவித்துள்ளார் இந்திய ஆயர்கள் பேரவையின் அதிகாரப்பூர்வப் பேச்சாளர் அருள்தந்தை பாபு ஜோசப்.

இந்தியா இன்று சந்தித்து வரும் பல்வேறு பிரச்சனைகள் மத்தியில், விவசாயிகள், வரிசெலுத்துவோர், மற்றும் வயது முதிர்ந்தோர் என்று அனைத்துத் தரப்பினரையும் மனதில் கொண்டு இவ்வறிக்கை சமர்ப்பிக்கப்பட்டுள்ளதென்று அருள்தந்தை பாபு ஜோசப் கூறினார்.

2011-2012க்கான நிதியறிக்கை எவ்வகையிலும் வரலாறு படைக்கவில்லையெனினும், வலுவிழந்த சமுதாயத்தை மனதில் கொண்டு வரையப்பட்டுள்ள இவ்வறிக்கை திருப்தியைத் தருகிறதென்று அருள்தந்தை கூறினார்.

நிதியமைச்சர் பிரணாப் முகர்ஜி சமர்ப்பித்த இந்த நிதி அறிக்கையை எதிர்கட்சியான பாரதீய ஜனதாவும், இடது சாரி கட்சிகளும் கண்டனம் செய்துள்ளன.

மார்ச் 02,2011. இந்தியாவின் பல்வேறு மாநிலங்களில் நடைபெறவிருக்கும் தேர்தல்களைப் புறக்கணிக்கப் போவதாக இந்திய கிறிஸ்தவ, மற்றும் இஸ்லாமிய தலித் அமைப்புக்கள் கூறியுள்ளன.

அஸ்ஸாம், கேரளா, புதுச்சேரி, வங்காளம், மற்றும் தமிழ்நாடு ஆகிய மாநிலங்களில் நடைபெறவிருக்கும் தேர்தல் நாட்களை இந்திய தேர்தல் ஆணையம் இச்செவ்வாய்க் கிழமை அறிவிப்பதற்கு சிறிது நேரத்திற்கு முன், இவ்வமைப்புக்கள் தங்கள் கூட்டங்களை நடத்தி, செய்தியாளர்களிடம் தங்கள் முடிவுகளைத் தெரிவித்தனர்.

தலித் கிறிஸ்தவர்களின் தேசிய அவை மற்றும் அனைத்திந்திய Pasmanda Muslim Mahaz ஆகிய இரு அமைப்புக்களும் முன்னின்று நடத்திய இக்கூட்டத்தில், சிறுபான்மை மதங்களைச் சேர்ந்த தலித்துக்களுக்கு அடிப்படை உரிமைகள் மறுக்கப்படுவதால் இத்தேர்தல்களைத் தாங்கள் புறக்கணிக்கப் போவதாக அறிவித்தனர்.

தமிழ் நாட்டில் தற்போது ஆட்சியில் இருக்கும் கட்சி தலித் கிறிஸ்தவர்களின் கோரிக்கைகளுக்கு எவ்வகையிலும் ஆதரவு தராததால், அக்கட்சிக்கு தங்கள் வாக்கு இல்லையென்று, இந்திய கத்தோலிக்க ஆயர் பேரவையின் பழங்குடியினர் மற்றும் தலித் பணிக்குழுவின் செயலர் அருள்தந்தை காச்மன் ஆரோக்கியராஜ் கூறினார்.

8. இந்தியாவில் ஐந்து மாதங்களில் 5,000 சிறுவர்கள் விற்பனை

மார்ச் 02,2011. இந்தியாவில் வெளி மாநிலங்களில் இருந்து கேரளாவுக்கு கடத்தி வரப்பட்ட சிறுவர்கள் விற்பனையாவது அதிகரித்து வரும்வேளை, ஐந்து மாதங்களில் 5,000 சிறுவர்கள் விற்கப்பட்டுள்ளதாக விசாரணையில் தெரிய வந்துள்ளது.

கேரள மாநிலத்தின் மிகப்பெரிய நகரங்களில் ஒன்றான கொச்சி மற்றும் எர்ணாகுளம் பகுதிகளில் 7 வயது முதல் 11 வயதிற்குட்பட்ட நிறையச் சிறுவர்கள், வீடுகள், உணவகங்கள், விடுதிகள், கடைகள் போன்றவற்றில் பணி செய்து வருகின்றனர்.

ஆந்திரா, மேற்கு வங்கம், அசாம், தமிழகம் ஆகிய மாநிலங்களிலிருந்து ஐந்து மாதங்களில் மட்டும் 5,000 சிறுவர்கள் கொச்சியில் விற்கப்பட்டுள்ளதாகச் சிறப்பு விசாரணைக் குழு விசாரணையில் தெரியவந்துள்ளது.

கேரளாவில் குழந்தைகளைத் தத்து எடுத்தல் என்பதை அம்மாநில அரசு கடுமையாக்கி விட்டதால், அங்கு பிற மாநிலங்களில் இருந்து சிறுவர்களைக் கொண்டு வந்து தத்து எடுத்தும் வருகின்றனர்.

Wednesday, 2 March 2011

+2 Students: Wishes and prayers

All +2 Students,

Special prayers and wishes to U

As you face the final exam in the school life.