ROBERT JOHN KENNEDY

Monday, 9 May 2022

Gurgaon சீரோ-மலங்கரா வழிபாட்டுமுறை மறைமாவட்டத்திற்கு புதிய ஆயர்

ஆயர் Valiyavilayil அவர்கள், வணக்கத்துக்குரிய Mar Ivanios அவர்களை முத்திப்பேறு பெற்றவராக அறிவிக்கும் திருப்பணிகளில் வேண்டுகையாளராகப் பணியாற்றியிருப்பவர்

மேரி தெரேசா: வத்திக்கான்

இந்தியாவின் Gurgaon புனித ஜான் கிறிஸ்சோஸ்தம் சீரோ-மலங்கரா திருவழிபாட்டுமுறை மறைமாவட்டத்திற்கு, ஆயர் Thomas Anthonios Valiyavilayil அவர்களை திருத்தந்தை பிரான்சிஸ் அவர்கள், மே 07, இச்சனிக்கிழமையன்று நியமித்துள்ளார்.

2015ம் ஆண்டு மார்ச் 26ம் தேதி, Khadki புனித எப்ரேம் சீரோ-மலங்கரா திருவழிபாட்டுமுறை மறைமாவட்டத்திற்கு ஆயராக நியமிக்கப்பட்ட இவரை, இச்சனிக்கிழமையன்று, Gurgaon சீரோ-மலங்கரா திருவழிபாட்டுமுறை மறைமாவட்டத்திற்கு ஆயராக நியமித்துள்ளார், திருத்தந்தை பிரான்சிஸ்.

ஆயர் Thomas Anthonios Valiyavilayil அவர்கள், 1955ம் ஆண்டில், திருவனந்தபுரம் உயர்மறைமாவட்டத்தின் Adoor பிறந்தார். 1980ம் ஆண்டில் கிறிஸ்துவைப் பின்பற்றுதல் எனும் சபையில் அருள்பணியாளராகத் திருநிலைப்படுத்தப்பட்ட இவர், உரோம் கீழைவழிபாட்டுமுறை பாப்பிறை நிறுவனத்தில் திருஅவை சட்டத்தில் முனைவர் பட்டம் பெற்றிருப்பவர்.

இவர், சீரோ-மலங்கரா திருவழிபாட்டுமுறை தலத்திருஅவையில் பல்வேறு முக்கிய பணிகளை தலைமையேற்று நிறைவேற்றியுள்ளார்.

மேலும், கேரளாவின் சீரோ-மலங்கரா திருவழிபாட்டுமுறை பேரவை, திருவனந்தபுரம் உயர்மறைமாவட்டத்தின் உதவி ஆயராக, அருள்பணி Mathew Manakkarakavil அவர்களை நியமித்துள்ளது. இந்நியமனத்திற்கு திருத்தந்தை பிரான்சிஸ் அவர்கள் ஒப்புதல் அளித்துள்ளார் என்று அறிவிக்கப்பட்டுள்ளது.

டுவிட்டர் செய்தி

மேலும், நம்பிக்கையாளர்களின் அன்னையாகிய மரியாவை அடிக்கடி நோக்குவோம், அவ்வன்னை மீதுள்ள பல்வேறு பக்திமுயற்சிகளில் ஒன்றான செபமாலையைச் செபிப்போம், அச்செபம், நம் நம்பிக்கை வாழ்வுப் பயணத்தை வாழவும், கிறிஸ்தவ சான்று வாழ்வு வாழவும் உதவும் என்று திருத்தந்தை பிரான்சிஸ் அவர்கள் என்று, மே 07, இச்சனிக்கிழமையன்று தன் டுவிட்டர் செய்தி வழியாகக் கூறியுள்ளார்.

மே 15, 2022ல் பத்து அருளாளர்கள் புனிதர்களாக அறிவிப்பு

மறைசாட்சி தேவசகாயம் அவர்கள், 2012ம் ஆண்டு டிசம்பர் 2ம் தேதி அருளாளர் என அதிகாரப்பூர்வமாக அறிவிக்கப்பட்டார். இவரின் பரிந்துரையால் நடைபெற்ற புதுமையை, திருத்தந்தை பிரான்சிஸ் அவர்கள், 2020ம் ஆண்டு பிப்ரவரி 21ம் தேதி அங்கீகரித்தார்

கிறிஸ்டோபர் பிரான்சிஸ்: வத்திக்கான்

2022ம் ஆண்டு மே 15, பாஸ்கா கால 5ம் ஞாயிறன்று வத்திக்கானின் புனித பேதுரு வளாகத்தில், திருத்தந்தை பிரான்சிஸ் அவர்கள் தலைமையேற்று நிறைவேற்றும் திருப்பலியில், அருளாளர் தேவசகாயம் அவர்கள் உட்பட பத்து அருளாளர்களை புனிதர்களாக அறிவிக்கவுள்ளார்

மே 15, ஞாயிறு உள்ளூர் நேரம் காலை பத்து மணிக்கு, அதாவது இந்திய-இலங்கை நேரம் பகல் 1.30 மணிக்குத் துவங்கும் இத்திருப்பலியில் Titus Brandsma, இலாசர் எனப்படும் தேவசகாயம், César de Bus, Luigi Maria Palazzolo, Giustino Maria Russolillo, Charles de Foucauld, Marie Rivier, Maria Francesca di Gesù Rubatto, Maria di Gesù Santocanale, Maria Domenica Mantovani ஆகிய பத்து அருளாளர்களை, திருத்தந்தை பிரான்சிஸ் அவர்கள் புனிதர்கள் என்று அதிகாரப்பூர்வமாக அறிவிப்பார்

தமிழ்நாட்டின் கன்னியாகுமரி மாவட்டத்தில் நட்டாலம் என்ற ஊரில் 1712ம் ஆண்டு ஏப்ரல் 23ம் தேதி அருளாளர் தேவசகாயம் அவர்கள் பிறந்தார். 1752ம் ஆண்டு, சனவரி மாதம் 14ம் தேதி, தென் திருவாங்கூர் மன்னராக ஆட்சிசெய்த மார்த்தாண்ட வர்மா காலத்தில், குமரி மாவட்டத்தில், ஆரல்வாய்மொழியில் உள்ள காற்றாடி மலை என்னும் இடத்தில், தேவசகாயம் அவர்கள் சுட்டுக் கொல்லப்பட்டார். மறைசாட்சி அருளாளர் தேவசகாயம் பிள்ளை அவர்களின் கல்லறை, கோட்டாறு மறைமாவட்ட சவேரியார் முதன்மைக் கோவிலில் உள்ளது. 2012ம் ஆண்டு டிசம்பர் 2ம் தேதி இவர் அருளாளர் என அதிகாரப்பூர்வமாக அறிவிக்கப்பட்டார். இவரை அதிகாரப்பூர்வமாகப் புனிதராக அறிவிப்பதற்கு வழியமைக்கும், இவரின் பரிந்துரையால் நடைபெற்ற புதுமையை, திருத்தந்தை பிரான்சிஸ் அவர்கள், 2020ம் ஆண்டு பிப்ரவரி 21, இவ்வெள்ளியன்று அங்கீகரித்துள்ளார்.