Pope Francis respects US Supreme court decision and condemns abortion

In a wide-ranging interview with American journalist Philip Pullela of Reuters, Pope Francis covers topics such as the recent US Supreme Court decision overturning Roe v. Wade, the possibility of resigning, the decision to postpone his planned Apostolic Visit to South Sudan and the Democratic Republic of Congo, and his hopes for a trip to Moscow and Kyiv.

By Vatican News staff reporter

Pope Francis has responded to the U.S. Supreme Court’s decision overturning Roe v. Wade, which returned power to regulate abortion to the individual states, saying he respected the decision, but had not studied it enough to comment on it from a juridic point of view.

The Pope, however, condemned abortion once again, likening it to “hiring a hit man.” “Is it legitimate, is it right,” he asked, “to eliminate a human life to resolve a problem?”

Pope Francis made the remarks in an hour-and-a-half-long interview with Reuters correspondent Philip Pullella, published on Monday.

The Holy Father also emphasized the importance of a pastoral approach to Catholic politicians who support abortion, saying, “When the Church loses its pastoral nature, when a bishop loses his pastoral nature, it causes a political problem.”

Rumours of impending resignation

The interview, conducted in Italian with no aides present, covered a wide variety of topics, including swirling rumours that the Pope might be planning to resign, possibly during an upcoming trip to L’Aquila. The Italian city, as Pullella notes, is associated with Pope Celestine V, who resigned in 1294; and with Benedict XVI, who is thought to have foreshadowed his own resignation when he laid his pallia on Celestine’s tomb during a visit to the city in 2009.

“All of these coincidences made some think that the same ‘liturgy’ would happen,” Pope Francis said. “But it never entered my mind. For the moment no, for the moment, no. Really!”

Pullella notes, however, that the Pope repeated that resignation remains a possibility, if, for instance, failing health made it impossible for him to guide the Church. However, when asked directly when that might be, Pope Francis responded, “We don’t know. God will say.”

The Pope’s health

Pope Francis denied rumours that cancer had been found during an operation last year to remove part of his colon. The Pope said the operation “was a great success” and dismissed cancer rumours as “court gossip.”

The Pope also spoke about problems with his knee, which have plagued him in recent weeks. He noted that he had suffered “a small fracture” in the knee while a ligament was inflamed, but added, “I am well; I am slowly getting better.” He explained that he was undergoing laser and magnet therapy, but that he did not want to have an operation on the knee after having a negative reaction to general anaesthetic during last year’s surgery.

Papal journeys

Health issues with his knee forced the cancellation of his trip to the Democratic Republic of Congo and South Sudan, a trip that would have taken place this week. Pope Francis said the decision to cancel the trip caused him “much suffering,” but that doctors said if he went, he might be forced to postpone his trip to Canada at the end of the month.

The Pope also spoke about the possibility of a trip to Moscow, in the context of questions about the current war in Ukraine. “I would like to go (to Ukraine), and I wanted to go to Moscow first. We exchanged messages about this because I thought that if the Russian president gave me a small window to serve the cause of peace.”

He said a visit to Ukraine is now a possibility, sometime after his journey to Canada. However, he added, “The first thing is to go to Russia to try to help in some way, but I would like to go to both capitals [Moscow and Kyiv].”

The Reuters report on Philip Pullella’s interview with Pope Francis is expected to continue over the next two days.

 

பல்சமய உரையாடல், நம் காலத்தின் இறைபராமரிப்பின் அடையாளம்

பல்சமய உரையாடல், சமயத் தீவிரவாதம் உட்பட பயங்கரவாத நடவடிக்கைகளை எதிர்த்துச் செயல்பட உதவும் – திருத்தந்தை பிரான்சிஸ்

மேரி தெரேசா: வத்திக்கான்

கிறிஸ்தவர்களும் யூதர்களும் ஒன்றிணைந்து பணியாற்றுவது, மேற்குலக சமுதாயத்தின் எதிர்மறைப் போக்கிற்கு மாற்றாக அமைந்திருக்கும் மற்றும், அது அச்சமுதாயத்திற்கு மிகவும் அவசியமானது என்று, திருத்தந்தை பிரான்சிஸ் அவர்கள், பல்சமய கலந்துரையாடல் குறித்த பன்னாட்டு யூதமதக் குழுவிடம் கூறியுள்ளார்.

இக்குழுவினரை, ஜூன் 30, இவ்வியாழனன்று வத்திக்கானில் சந்தித்து, அவர்களோடு தன் எண்ணங்களைப் பகிர்ந்துகொள்ள திட்டமிட்டிருந்த திருத்தந்தை பிரான்சிஸ் அவர்கள், தனக்கு முழங்கால் மூட்டில் ஏற்பட்ட கடுமையான வலி காரணமாக, அச்சந்திப்பை நடத்த அவரால் இயலவில்லை என்பதால், திருத்தந்தைக்குப் பதிலாக, கிறிஸ்தவ ஒன்றிப்பு திருப்பீட அவையின் தலைவர் கர்தினால் கர்ட் கோக் அவர்கள், அக்குழுவினரோடு கலந்துரையாடல் நடத்தி, திருத்தந்தை தயாரித்து வைத்திருந்த செய்தியை வாசித்தார்.

அச்செய்தியில், கிறிஸ்தவர்களும் யூதர்களும் ஒருவரையொருவர் சந்திப்பதன் முக்கியத்துவத்தை வலியுறுத்திக் குறிப்பிட்டுள்ள திருத்தந்தை, பல்சமய உரையாடல், காலத்தின், மற்றும், இறைபராமரிப்பின் ஓர் அடையாளம் என்று தான் கருதுவதாகத் தெரிவித்துள்ளார்.

கடவுள், தம் ஞானமுள்ள திட்டத்தில், சமயத் தலைவர்கள் மற்றும், ஏனையோர், சமய வேறுபாடுகளை மதித்து, ஒருவர் ஒருவரைச் சந்திக்கவும், ஒருவர் ஒருவரை அறிந்துகொள்ளவும் தூண்டுதல் அளிக்கப்பட்டுள்ளது, ஓர் இறைபராமரிப்பின் அடையாளம் எனத் தான் கருதுவதாக திருத்தந்தை குறிப்பிட்டுள்ளார்.

ஒன்றிணைந்து சான்றுபகர அழைப்பு

அனைத்து மக்களையும் அன்புகூர்ந்து, பராமரிக்கும் கடவுளின் இரக்கம், மற்றும், நீதிக்கு, கிறிஸ்தவர்களும் யூதர்களும் ஒன்றிணைந்து சான்றுபகர அழைக்கப்பட்டுள்ளனர் என்று கூறியுள்ள திருத்தந்தை, வன்முறையும், காழ்ப்புணர்வும், நம் இறைநம்பிக்கையோடு ஒத்திணங்கிச் செல்லாதவை என்பதையும் சுட்டிக்காட்டியுள்ளார். 

இணக்கமின்மைகள், வேற்றுமைகள், முரண்பாடுகள் ஆகியவற்றை ஆயுதமோதல்களால் அல்ல, மாறாக, முற்சார்பு எண்ணமின்றி, அமைதிநிறை எண்ணத்தோடும், அனைவருக்கும் ஏற்றமுறையில் இணக்கத்தைக் காணும்முறையிலும் களையவேண்டும் என, நம் மத மரபுகள் நமக்கு அழைப்புவிடுக்கின்றன எனவும் திருத்தந்தை கூறியுள்ளார்.

திருஅவை, யூதமதவிரோதப் போக்கிற்கு எதிராகச் செயல்பட தன்னை அர்ப்பணித்துள்ளது என்பதை மீண்டும் எடுத்துரைத்த திருத்தந்தை, பல்சமய உரையாடல், நம் உலகில், உடன்பிறந்த உணர்விலும், அமைதியிலும் வளர நல்லதொரு பாதை என்றும், இது, சமயத் தீவிரவாதம் உட்பட பயங்கரவாத நடவடிக்கைகளை எதிர்த்துச் செயல்பட உதவும் என்றும் தெரிவித்துள்ளார். 

 

விவசாயத்திற்கு ஒரு பத்மஸ்ரீ விருது

கையில் பணம் இல்லாத காரணத்தால், தன்னிடமிருந்த தன்னம்பிக்கையை மூலதனமாகப் போட்டு, தனி ஒருவராக நீருக்காக சுரங்கம் வெட்டத் தொடங்கிய விவசாயி.

கிறிஸ்டோபர் பிரான்சிஸ் - வத்திக்கான்

மண்ணைப் பொன்னாக்கும் வித்தையில் வெற்றிகண்ட ஒரு விவசாயிக்கு இந்திய அரசு 2022க்கான ‘பத்ம ஸ்ரீ’ விருதைக் கொடுத்து கவுரவித்துள்ளது. தரிசு நிலத்தை முப்போகம் விளையும் பூமியாக மாற்றிய கர்நாடக மாநிலத்தின் ‘அமை மகாலிங்க நாயக்’ என்ற விவசாயியே அவர்.  அதிசய மனிதர், அற்புத மனிதர், சுரங்க மனிதர் என பல்வேறு விதமான அடைமொழிகளுடன் அறியப்படும் இவர், முறையான ஏட்டுக் கல்வியை பயிலாதவர். விவசாயத் தொழிலாளியாக தனது வாழ்க்கையைத் தொடங்கிய இவரின் நேர்மையைப் பார்த்த அந்த பகுதியில் இருந்த மஹாபாலா பாட் என்ற நிலக்கிழார் மலைப்பகுதியிலிருந்த அவருக்கு சொந்தமான தரிசு நிலத்தை 1978ல் அமை மகாலிங்க நாயக்கிற்கு தானமாகக் கொடுத்துள்ளார்.

தண்ணீர் இல்லாத அந்த நிலத்தில் விவசாயம் செய்வது சவாலான காரியமாக இருந்ததால், பழங்கால வழக்கப்படி சுரங்கம் வெட்டி அதன் மூலம் தண்ணீரை நிலத்திற்கு கொண்டுவர திட்டமிட்டு பணியைத் தொடர்ந்தபோது பலரும் கேலி செய்தனர். சுரங்கம் வெட்ட வேலையாட்களை நியமித்தால் செலவு அதிகம் என்பதாலும், அதற்குப் பணம் இல்லாத காரணத்தாலும் தன்னிடமிருந்த தன்னம்பிக்கையை மூலதனமாகப் போட்டு தனி ஒருவராக தனக்கு நிலம் கிடைத்த அதே ஆண்டில் அவர் சுரங்கம் வெட்ட தொடங்கியுள்ளார். இருந்தாலும் பகல் நேரத்தில் மரம் ஏறச் சென்று, தனக்கு கிடைக்கும் ஓய்வு நேரத்தில் மட்டுமே சுரங்கம் வெட்டியுள்ளார். ஆறாவது முயற்சியில்தான், அதுவும் 4 ஆண்டுகள் முயற்சிக்குப்பின்தான் 315 அடியில் அவருக்கு நீர் கிடைத்துள்ளது. அதோடு தன் வீட்டு தேவைக்காக தனியே ஏழாவது சுரங்கம் ஒன்றும் அவர் வெட்டியுள்ளார். மழை நீர் சேகரிப்பிலும் அவர் அசத்தலான முயற்சிகளை மேற்கொண்டுள்ளார் என வேளாண் விஞ்ஞானிகள் சொல்கின்றனர். தற்போது அவரது நிலத்தில் 300 பாக்கு மரம், 150 முந்திரி மரம், 75 தென்னை மரம் மற்றும் வாழை பயிர் மற்றும் ஊடு பயிர்கள் பயிரிடப்பட்டுள்ளன.  அவருக்கு பத்மஸ்ரீ விருது அறிவிக்கப்பட்டதுகூட தெரியாமல் அவர் நிலத்தில் வழக்கம்போல வேலை செய்து வந்துள்ளார். அவரைத் தொடர்புகொண்ட பத்திரிகையாளர்கள் அது குறித்து சொன்னபோது, ‘விருது கிடைத்ததில் மகிழ்ச்சி’ என சொல்லியுள்ளார். தற்போது அவரது நிலம் விவசாயிகள், வேளாண் அறிவியலாளர்கள் என பலருக்கும் பாடம் சொல்லி வருகிறது.

இந்திய விவசாய உற்பத்தி

 இந்திய விவசாய உற்பத்தி

வாழைப்பழ உற்பத்தியில் முதலிடத்தில் நிற்கும் தமிழகம், கரும்பு உற்பத்தியில் மூன்றாவது இடத்திலும், நிலக்கடலை உற்பத்தியில் ஆறாவது இடத்திலும், பருத்தி உற்பத்தியில் எட்டாவது இடத்திலும் உள்ளது.

கிறிஸ்டோபர் பிரான்சிஸ் - வத்திக்கான்

இந்தியாவின் 58 விழுக்காட்டு மக்களுக்கு விவசாயமே வாழ்வாதாரமாக உள்ளது. இந்த வகையில் இந்தியாவின் 28 மாநிலங்களையும் 8 ஒன்றியப் பகுதிகளையும் எடுத்து நோக்கும்போது, விவசாய உற்பத்தியில் முன்னணியில் நிற்கும் முதல் 10 நாடுகளில், தமிழ்நாடு இல்லை என்பது கவலைதரும் ஒன்றாக உள்ளது. தானியங்கள் உள்ளிட்ட உணவு உற்பத்தியில் முதலிடத்தில் நிற்கும் மேற்கு வங்காளம், நெல் உற்பத்தியிலும் முதலிடத்தில் நிற்கின்றது. நெல் உற்பத்தியில், அதற்குப்பின்தான் ஆந்திரப் பிரதேசம், பஞ்சாப், உத்திரப்பிரதேசம் ஆகிய மாநிலங்கள் வருகின்றன. விவசாய உற்பத்தியில் இரண்டாவது இடத்தைக் கொண்டுள்ள உத்திரப்பிரதேசம், கோதுமை உற்பத்தியில் முன்னணியில் நிற்கிறது. கரும்பும் இங்கு அதிக அளவில் பயிரிடப்படுகிறது. இந்த பூமியில் வளம் நிறைந்த மாநிலம் என்று குறிப்பிட வேண்டுமானால், பஞ்சாபைத்தான் குறிப்பிடவேண்டும். கோதுமை, கரும்பு, நெல், காய்கறிகள், பழம் என்று இங்கு அனைத்தும் உள்ளன. இதனால்தான் இதனை இந்தியாவின் தானியக் களஞ்சியம் என்று அழைக்கின்றனர். இன்று உணவு உற்பத்தியில் மட்டுமல்ல, பல்வேறு துறைகளிலும் வெகு வேகமாக வளர்ந்துவரும் மாநிலமாக குஜராத் இருந்துவருகிறது. இங்கு பருத்தி உற்பத்தி அதிகமாக இடம்பெறுகிறது. அடுத்து விவசாய உணவு உற்பத்தியில், ஹரியானா, மத்திய பிரதேசம், அஸ்ஸாம், ஆந்திரா, கர்நாடகா, சட்டிஸ்கர் ஆகிய மாநிலங்கள் வருகின்றன.

இந்தியாவின் விவசாய உற்பத்திப் பொருட்களாக, அரிசி, பால், கோதுமை, மாம்பழம், கொய்யா, கரும்பு, பருத்தி, வாழைப்பழம், உருளைக்கிழங்கு, வேர்க்கடலை ஆகியவைகளைக் குறிப்பிடலாம். இதில் வாழைப்பழ உற்பத்தியில் மட்டும்தான் முதலிடத்தில் நிற்கிறது தமிழ்நாடு. இதில் கரும்பு உற்பத்தியில் மூன்றாவது இடத்திலும், நிலக்கடலை உற்பத்தியில் ஆறாவது இடத்திலும், பருத்தி உற்பத்தியில் எட்டாவது இடத்திலும் உள்ளது தமிழகம். உலகில் அதிக அளவில் விவசாயப் பொருட்களை ஏற்றுமதி செய்யும் நாடுகளில் இந்தியா எட்டாவது இடத்தில் உள்ளது. உலகில் விவசாய உற்பத்தியில் இரண்டாவது இடத்தில் இருக்கும் இந்தியா, பழங்கள் உற்பத்தியிலும் இரண்டாவது இடத்தைக் கொண்டுள்ளது. இந்தியாவிலிருந்து விவசாயம் தொடர்புடைய உற்பத்திப் பொருட்களாக, அரிசி, காய்கறி, பழங்கள், நிலக்கடலை, பருப்பு வகைகள், இறைச்சி, கோதுமை, பால் பொருட்கள், மதுபானங்கள் ஆகியவை ஏற்றுமதி செய்யப்படுகின்றன.

 

கிறிஸ்தவர்களுக்கு எதிரான வன்முறைகள் குறித்து உச்ச நீதிமன்றம்

இந்தியாவில் கிறிஸ்தவர்கள்மீதான வன்முறைகளைத் தடுக்கக்கோரி பெங்களூர் கிறிஸ்தவத் தலைவர்கள் தாக்கல் செய்த மனுவை, வருகிற ஜூலை 11ம் தேதி உச்ச நீதிமன்றம் விசாரிக்கவிருக்கிறது.

மேரி தெரேசா: வத்திக்கான்

இந்தியாவில் கிறிஸ்தவர்களுக்கு எதிரான வன்முறைத் தாக்குதல்களை தடுக்கக்கோரி பெங்களூர் கிறிஸ்தவத் தலைவர்கள் தாக்கல் செய்த மனுவை, இந்திய உச்ச நீதிமன்றம் வருகிற ஜூலை 11ம் தேதி விசாரிக்கவிருக்கிறது என்று ஊடகச் செய்திகள் அறிவித்துள்ளன,

இந்தியாவில் கிறிஸ்தவ சமுதாயத்திற்கு எதிராக, வெறுக்கத்தக்க பேச்சுகள் மற்றும் அவர்களின் வழிபாட்டுத் தலங்களில் நடத்தப்படும் தாக்குதல்களை நிறுத்தக்கோரி, பெங்களூர் உயர்மறைமாவட்ட கத்தோலிக்கப் பேராயர் பீட்டர் மச்சாடோ, இந்திய இவாஞ்சலிக்கல் கிறிஸ்தவ சபை கூட்டமைப்பு, தேசிய ஒருமைப்பாட்டு அமைப்பு ஆகியோர் இணைந்து தாக்கல் செய்திருந்த மனுவை விசாரணைக்கு ஏற்றுக்கொண்டிருக்கிறது உச்ச நீதிமன்றம்.

இந்த மனுமீதான விசாரணை, நீதிபதிகள் சூர்ய காந்த் (Surya Kant), ஜே.பி.பார்திவாலா (JB Pardiwala) ஆகியோர் அடங்கிய அமர்வு முன்பு நடைபெற்றது. அப்போது, மனுதாரர்கள் சார்பில் வழக்காடிய மூத்த வழக்கறிஞர் கொலின் கோன்சால்வ்ஸ் (Colin Gonsalves) அவர்கள், கடந்த மே மாதத்தில், வலதுசாரி அமைப்புகளின் உறுப்பினர்களால் இந்திய நாட்டின் கிறிஸ்தவ சமுதாயத்துக்கு எதிரான வன்முறையின் மோசமான நிகழ்வுகள் மற்றும் இலக்குவைத்து வீசப்படும் வெறுப்புப் பேச்சுகள் என, 57 வன்முறைத் தாக்குதல்கள் தொடர்பான வழக்குகள் பதிவு செய்யப்பட்டிருகின்றன. எதிர்வரும் காலங்களில் மேலும் தாக்குதல்கள் நடக்கக்கூடும் என்று எடுத்துரைத்தார்.

மேலும், கிறிஸ்தவ சமுதாயத்திற்கு எதிராக பரவலான வன்முறை மற்றும் வெறுப்புப் பேச்சுக்களை நிகழ்த்தும் குழுக்களையும், வழிபாட்டுத் தலங்கள், பிற கிறிஸ்தவ நிறுவனங்களின்மீதான தாக்குதல்கள் உட்பட அனைத்தையும் உடனடியாக தடுத்து நிறுத்த மத்திய அரசு மற்றும் பிற மாநில அரசுகள் தவறிவிட்டன. எனவே, இதைத் தடுக்க இந்த மனுவை அவசர வழக்காக விசாரிக்க வேண்டும்" என்றும், வழக்கறிஞர் கோன்சால்வ்ஸ் அவர்கள் வாதிட்டார்.

இதைத் தொடர்ந்து பேசிய நீதிபதிகள், வழக்கறிஞர் கொலின் கோன்சால்வ்ஸ் சொல்வது சரியாக இருந்தால் அது கவலைக்குரியது. ஆனால் மனுவின் தகுதியைப் பற்றி எங்களால் மேலும் கூற முடியாது. ஜூலை 11 அன்று இந்த மனுவை விசாரணைக்கு பட்டியலிடுகிறோம் எனக் கூறியுள்ளனர். (Vikatan/NDTV)

 

செம்மண்

செம்மண் வகைகள், அமிலத்தன்மையுடைய கருங்கல், நீஸ் போன்ற பாறைகள், பழங்காலப் படிகப் பாறைகள், உருமாறியப் பாறைகள் போன்றவை காலப்போக்கில் சிதறுண்டு நொறுங்கியதால் உண்டானதாகும்.

மேரி தெரேசா: வத்திக்கான்

நாம் வாழும் பூமியின் மண்ணை, பொதுவாக செம்மண், செம்புறை மண், கரிசல் மண், வண்டல் மண் என நான்கு வகைகளாகப் பிரிக்கலாம். அவற்றில் செம்மண் என்ற மண் வகைகள், அமிலத்தன்மையுடைய கருங்கல், நீஸ் போன்ற பாறைகள், பழங்காலப் படிகப் பாறைகள், உருமாறியப் பாறைகள் போன்றவை காலப்போக்கில் சிதறுண்டு நொறுங்கியதால் உண்டானதாகும். மலைச்சரிவுகளில் இருந்து மழை நீரினாலும், புவி ஈர்ப்பு விசையினாலும் இவை கீழே கொண்டுவரப்பட்டு, மலை அடிவாரங்களில் பரவிக்கிடக்கின்றன. இவைகளில் இரும்பு சத்து அதிக அளவில் உள்ளதால், இவை சிவப்பு நிறத்துடன் காணப்படுகின்றன. இப்பூமியின் மண்ணில் ஏறத்தாழ 13 விழுக்காடு செம்மண் ஆகும். இத்தகைய மண், சீனா, இந்தியா மற்றும் கிரேக்கம் ஆகிய நாடுகளில் அதிக அளவில் காணப்படுகிறது. சீனாவில் இம்மண் 10,20,000 சதுர கிலோ மீட்டர் பரப்பளவிலும், இந்தியாவில் 3,50,000 சதுர கிலோ மீட்டர் பரப்பளவிலும் பரவியுள்ளது. தமிழ்நாட்டின் மொத்த 130 இலட்சம் ஹெக்டேர் நிலப் பரப்பளவில், 78 இலட்சம் ஹெக்டேர் நிலம், செம்மண் நிலமாகும். செம்மண் நிலத்தை, செவல் மண் அல்லது செவ்வல் மண் என்றும் அழைப்பர். இம்மண் செவ்வாய் கோளிலும் இருப்பதாக விண்வெளி ஆராய்ச்சிகள் வெளிப்படுத்துகின்றன.

செம்மண்ணின் குணங்கள்

செம்மண்ணில் பொதுவாக 20 விழுக்காடு களிமண்ணும், 10 விழுக்காடு வண்டல் மண்ணும், 70 விழுக்காடு மணலும் கலந்து காணப்படுகின்றன. செவ்வல் மண்ணில் களியின் அளவு, கரிசல் மண்ணைக்காட்டிலும் 50 விழுக்காடு குறைவாக உள்ளது. குறைவான களி அளவும் அதிகமான மணலும் உள்ளதால் இவற்றின் மண் துவாரப் பாதையும் அதன் காரணமாக நீர் பிடிப்புத்தன்மையும் குறைந்தே காணப்படுகின்றன. மேலும் இவை கயோலினைட் என்ற களித்தாது அதிக அளவில் உள்ளதால், இம்மண்ணிற்கு நீரைத்தேக்கி வைக்கும் தன்மை குறைவு.

வேதியியல் குணங்கள்

இம்மண்களில் கார அமில நிலை 6.7 லிருந்து 7.0 வரை இருக்கும். இவைகளில் கரையும் உப்புகளின் அளவு மிகக் குறைவாக உள்ளதால், மின் கடத்தும் திறன் 0.1 என்ற அளவிற்குக் குறைவாகவே உள்ளது. இரும்பு ஆக்சைடின் அளவு 6 விழுக்காடு என்ற அளவில் உள்ளது. இது மணிச்சத்து உரத்தை மண்ணில் நிலை நிறுத்தும் தன்மை உடையது. கரிமப்பொருட்களின் அளவு 0.5 விழுக்காடு என்ற அளவிற்கும் குறைவாகவே உள்ளது. எனவே இயற்கை உரங்களைப் பயன்படுத்தி கரிமப் பொருட்களின் அளவை உயர்த்துவது அவசியமாகும். இம்மண்ணில், தழைச்சத்து சராசரியாக ஒரு ஹெக்டேருக்கு 150 கிலோ உள்ளது. இது பயிர்களின் தேவைக்கு குறைவான அளவாகும். மணிச்சத்து, ஒரு ஹெக்டேருக்கு 15 கிலோ உள்ளது. சாம்பல்சத்து, ஒரு எக்டேருக்கு 250 கிலோ உள்ளது மணிச்சத்தும், சாம்பல்சத்தும் பயிர்களுக்கு தேவையான அளவு உள்ளது. (நன்றி: விக்கிப்பீடியா)

 

மாங்குரோவ் காடுகளை இழக்கும் தமிழ்நாடு

தமிழ்நாட்டில் உள்ள மாங்குரோவ் காடுகளின் ஒட்டு மொத்த பரப்பளவு தற்போது நான்கு சதுர கிலோ மீட்டர் வரை குறைந்துள்ளது.

செல்வராஜ் சூசைமாணிக்கம் - வத்திக்கான்

இந்தியாவிலுள்ள காடுகளின் நிலைகுறித்து மத்திய அரசின் வனத்துறை சார்பில் இரண்டு ஆண்டுகளுக்கு ஒருமுறை கணக்கெடுப்பு நடத்தப்பட்டு வருகிறது. 2017-ம் ஆண்டு அக்டோபர் முதல் 2018-ம் ஆண்டு ஆகஸ்ட் வரை மேற்கொள்ளப்பட்ட கணக்கெடுப்பின் அடிப்படையில் கடந்த இரண்டு ஆண்டுகளில் இந்தியாவில் வனப்பரப்பு 5,188 சதுர கிலோமீட்டர் அதிகரித்துள்ளதாகக்  கூறப்பட்டுள்ளது. தமிழ்நாட்டில் இருக்கும் மொத்த வனப்பரப்பு 26,364 சதுர கிலோமீட்டராகக் கணக்கிடப்பட்டுள்ளது. இது கடந்த 2017-ம் ஆண்டு கணக்கெடுப்பைவிட 83 சதுர கிலோமீட்டர் மட்டுமே அதிகம். தமிழ்நாட்டில் உள்ள மாங்குரோவ் காடுகளின் ஒட்டு மொத்த பரப்பளவு நான்கு சதுர கிலோ மீட்டர் வரை குறைந்துள்ளது என்பதுதான் இந்த அறிக்கையில் மிகவும் அதிர்ச்சி தரும் விடயங்களில் ஒன்றாகச் சுட்டிக்காட்டப்பட்டுள்ளது.  

2017-ம் ஆண்டு கணக்கெடுப்பின்படி, கடலூர், நாகப்பட்டினம், புதுக்கோட்டை, இராமநாதபுரம், தஞ்சாவூர், திருவாரூர், திருவள்ளூர், தூத்துக்குடி ஆகிய எட்டு மாவட்டங்களில் ஒட்டுமொத்தமாக 49 சதுர கிலோமீட்டர் பரப்பளவிற்கு மாங்குரோவ் காடுகள் இருந்தன. தற்போது வெளியிடப்பட்டிருக்கும் இந்த கணக்கெடுப்பில் இந்த எட்டு மாவட்டங்களில் ஒட்டுமொத்தமாக 44  சதுர கிலோ மீட்டருக்கு மட்டுமே மாங்குரோவ் காடுகள் இருப்பதாகக் கூறப்பட்டுள்ளது. நாகப்பட்டினத்தில் 1.07 சதுர கிலோமீட்டர், திருவாரூரில் 3.04 சதுர கிலோ மீட்டர் பரப்பளவில் மாங்குரோவ் காடுகள் அழிந்துள்ளதாகவும் இரண்டே ஆண்டுகளில் 4 சதுரகிலோமீட்டர் பரப்பளவு மாங்குரோவ் காடுகள் குறைந்திருப்பது கவலைக்குரிய விடயமாக உள்ளது என்றும் இந்த அறிக்கையில் எடுத்துக்காட்டப்பட்டுள்ளது.